*#بين_عالمين🚶🏼♀️❤️.*
*بقلمي: meme mohammed*
*شهد بتحكي*
عديت يومي كلو بفكر في احمد وفعلا قلت لو انا بحبو م بخليهو في ظروف زي دي بس كبريائي منعني من اني ارجع تاني قلت لحدي م يتصل هو حتى انا اكلمو بس م اتصل وعرفت انو سافر من سموؤل وتاني رجعت لمواضيعي وم اشتغلت بالموضوع شديد وخلاص قلت طالما احمد سافر انا امشي بيتي عشان اباء دي تعبتها معاي وفعلاً دا الحصل ومشيت بيتي بعد تحانيس مع اباء اول م دخلت بيتي اتذكرت جاسم ولدي وصوت ضحكتو وصوت بكيتو ولمن العب معاه اتقويت ودخلت البيت بعد طول غياب اول م دخلت غرفتنا اتذكرت احمد وهظارو وكيف كنا وكيف بقينا وبجد فرق معاي شديد اتمنيت اجي والقاه قاعد منتظرني ببسمتو البحبها ويحضني زي كل مره بس الظاهر فات الاوان وانا الضيعت الفرصه من يدي دخلت الحمام غسلت وشي وجيت طالعه ورقدت في سريري وحسيت براحه عجيبه بس كنت فاقده احمد وصوتو غفيت شويه وصحيت على صوت تلفوني رفعت راسي براحه وعاينت لتلفوني لقيتها اباء اتكلمت معاها واطمنت علي وقفلت الخط انا صحصحت قمت مشيت المطبخ وعملت لي شي اكلو ورجعت غرفتي عاينت لدولاب جاسم لقيتو فاضي استغفرت ربي وقعدت في تلفوني وكل شويه بسمع صوت بكيه جاسم ومره ضحكتو وانا خلاص م قدرت استحمل وبكيت بكل قوتي وم قدرت استحمل تاني كنت هاتخنق بجد شلت حبوبي وبلعتها بقيت م برتاح الا لمن ابلعها وطوالي بعدها برقد بنوم💔....
*غيداء قالت*
في مره جا مدثر داخل وقال لي : بما انو وافقتي على السفر ارح نمشي لامي نقعد معاهم كم يوم وبعدو لامك ونجي هنا ومنها هنسافر قلتي شنو؟
اترددت لاني م بحب امشي بيت نسابتي وهو عارف قال لي: عارفك م بتريدي امي واخواتي بس اعمل شنو اذا هم اهلي استحمليهم عشاني😔
قلت ليهو: حاضر حبيبي نمشي م مشكله
فعلاً قمت ومشيت رتبت شنطه لي انا واكرم ومشيت ليهو في الصاله قال لي: مشينا؟
قلت ليهو :اي يلا
شال اكرم وركبنا العربيه وواتحركنا وطول الطريق اكرم يبكي وانا اسكت فيهو حلف كان يسكت اول م وصلنا سلمت على نسيبتي وحمواتي واكرم لسه ببكي جات شالتو نسرين اخت مدثر ولسه ببكي قالت : دمو تقيل زي امو
شلتو منها وعاينت ليها من فوق لتحت وم اشتغلت بيها مدثر سمعها وقال ليها: ع الاقل م زي عمتو
طبعاً م اتوقعت مدثر يعمل كدا بس بجد بحركتو دي فرحني شديد عاينت ليهو رفع حاجبو وابتسم ابتسامه خفيفه وقبل يتونس مع خالتو وانا شلت اكرم وطلعت غرفتي عشان انومو بعدها بشويه نام وانا خلااص بديت ادروخ فجأه سمعت صوت الباب وكان مدثر جا وباس راسي وقال لي: خلاص عايزه تنومي؟
قلت ليهو: اي م صدقت اكرم نام
قال لي: طيب حبيبي بس م تزعلي من اختي م عرفت اتصرف كيف غير كدا وعارفها زعلت مني بس م برضى لا فيك لافي ولدي ❤️
قمت على حيلي ومسكت يدو وقلت ليهو: رغم كلامها بيزعل بس تصرفك محا كل الزعل الفيني بجد ربنا يخليك لي سند وضهر لي ولي ولدك😔❤️
رفع راسي بيدو وقال لي: بحبك يا امهم❤️
قلت ليهو: وانا بريدك❤️....
