*#بين_عالمين🚶🏼♀️❤️.*
*بقلمي: meme mohammed*
*عند اباء*
صحيت مخلوعه بكواريك شديده! ومن الاصوات القدرت اميزها صوت امي وهي بتكورك وبتقول : اسماعيل بيموت في يدنا
قمت بسرعه مشيت لقيت ابوي واقع في الارض وامي قاعده جنبو وماسكه التلفون وبتكورك بأعلى م عندها طوالي لبست عبايتي واتصلت على عمي النور م رد علي طوالي طلعت الشارع ووقفت بتاع امجاد وجا ساعدنا ومشينا ع المستشفى ابوي لسه بيتنفس بس بصعوبه بقيت ببكي وبكورك في بتاع الامجاد عشان يسرع لحدي م وصلنا المستشفى وشالوهو بالنقاله وطوالي ودوهو الغرفه وبقينا انا وامي وايثار منتظرين كلام الدكتور لحدي م جا طالع وقال لينا : المريض صحتو بقت في حاله استقرار بس هسي هو دخل في غيبوبه وم معروف يصحى متين في الغالب نتيجه لصدمه ادت لضعف في وظائف الدماغ وربنا يقومو بالسلامه ان شاء الله عن اذنكم
مشى وخلانا واقفين محتارين في ابوي الراقد جوا دا وامي البي جاي شويه وهتجي واقعه لو م ايثار جنبها بقينا قاعدين وم جبنا سيره لاسماء نهائي وسموؤل م اتصل في اليوم دا بالذات ولا واحده من صحباتي اتصلت وم كان فيني حيل اتصل على اي واحده فيهم وافهمهم الحصل شنو بس قضيت ليلي داك ادعي خايفه بابا يروح مني زي م راح سند الله يرحمو😔💔....
*سموؤل بيحكي*
طلعت مع الشباب وقلت اليوم دا بالذات اشوف هل اباء هتفقدني ولا لا واصلاً كنت متوقع انها م هتتصل ولا شي مشتاق ليها واي حاجه بس لازم خطتي تكتمل قضينا يومنا عادي نحن والشباب ورجعنا لقيت جهاد ماف طبعاً دخلت غيرت ملابسي وقلت ارتاح شويه بقيت سرحان وبفكر في اباء لحدي م لقيت روحي نمت .... صحيت مخلوع لقيت الساعه 3 صباحاً وم لقيت مكالمه من اباء نهائي طلعت اشوف جهاد وصلت ولا لا لقيتها فعلاً وصلت رجعت غرفتي وقلت هاتصل على اباء لمن اصحى ان شاء الله هتكون نايمه هسي ورجعت كملت نومي عادي....
*بلسان جهاد*
بعد قضينا يومنا انا وهيثم وبجد طلع جنتل واعجابي بيهو زاد زياده وبقيت بحكي ليهو عني واي شي حصل لي وطلع ظريف شدييد والونسه كلها هو مستلمها وانا بس علي اسمعو لاني م زهجت ابداً منو بالعكس مرتاحه ومطمنه اني معاه رجعت البيت الساعه 12 بعد اتفقنا انا وهو انو نعمل خطوبه رسميه يوم الجمعه وقال احتمال يقلبها عقد بس انا ابيت ليه😂💔.. بس المستغربه منو انو سموؤل م اتصل علي... قبل امشي غرفتي مشيت شفت غرفتو لقيتو نايم اطمنت ورجعت غرفتي ونمت بعد م فكرت في هيثم وفي كلامو 🥺❤️....
*ميامن بتحكي*
حاسه بانو في شي حاصل بس قلت ابعد الافكار دي من راسي اتصلت على شهد ولقيتها مبسوطه مع احمد الحمدلله ومقضياها طلعات وسهرات مع بعض والحمدلله اطمنت عايزه اتصل على جهاد فجأه بت عمي جات وطلعت بايته معاي وم قدرت اتصل على جهاد لاني انشغلت معاها وعدا اليوم عادي لحدي م جيت بليل واتصلت على جهاد بس م ردت قلت هتكون نامت وبعدها بثواني رقدت نمت بعد اتحصنت ودعيت م يكون في شي حاصل😔❤️.....
*عند احمد*
انا: شنو يامزه مالك بقيتي سمحه دا؟
شهد: يا راجل عيب عليك انا مرتك وجرتني من لحيتي مسكت يدها وقرصتها عملت روحها زعلانه قلت ليها:براحه وشك دا يوم هيقع منك
م اشتغلت بي وكشرت وشها زياده جضمتها وبقيت بعضي فيها ساي لحدي م كوركت وفجأه بقت تضحك
شهد: يا متخلف خلاص😂💔💔
انا: ابيت يازوله
شهد: طيب اسمعني رأيك شنو نقوم نرقص انا وانت؟
انا عاينت ليها بعد اخدت نفس: لا انا تعبان "حبيت اشوف رده فعلها شنو"
كشرت وشها وقالت لي: حقار انت اول م ننزل السودان ترجعني لاهلي☹️
قلت ليها : ليه وانتي بتقدري؟
عاينت لي ونزلت راسها وردت بصوت واطي وقالت: لا😔
انا وقفت على حيلي ومسكت يدها وقلت ليها : يلا قومي على حيلك شكلي معرس لي شافعه انا😂
نطت في رقبتي وكوركت بعدو شغلنا السماعات وبقينا نرقص ومره نتعابط ومره نتصور😂❤️❤️....
*بلسان غيداء*
بعد مدثر قال كلامو دا انا بقيت ساكته وم عارفه ارد اقول شنو لا كيف يعني بيحبني ؟ وكيف اصلاً هو خطبني جاتني اسئله كتيره في راسي وم لاقيه ليها اجابه نهائي مدثر سايق في سكوت تام لحدي م وصلنا قريب لشارع النيل فيهو مظلات كدا وقعدنا وبرضو انا ساكته وهو ساكت وكسر الصمت دا هو
مدثر: عارفك اتصدمتي بس م عارف اتصرف كيف م بقدر اخليك لغيري تاني انا اتنازلت عشان صحبي كان بحبك بس برضو م عارف اقولها ليك كيف سكت وكتمتها وعارف سموؤل عارف اني بحبك او بالاصح عرف م كنت بقدر اشوفك مع سموؤل واشوفك بتضحكي معاه وانا لا قررت اقرب منكم عشان ابقى صاحبكم الاتنين م صاحب سموؤل بس ولمن كنتو بتتشاكلو كنت بصالحكم عشان عارفك بتحبيهو قدر شنو وعارف انو سعادتك معاه هو بس عشان كدا كنت بدوس على قلبي وبسكت لحدي م سموؤل عمل العمليه وشفت تصرفاتو معاك كيف بقيت اخت ليه حدود عشان م يزعلك نهائي بس انتي حبك لسموؤل عاميك عن حبي ليك يا غيداء صح انا مستحمل دا كلو وطول الفتره دي ساكت بس هسي م قدرت لمن عرفت انو عمر شال منك التلفون منو هو زاتو اتصلت على تلفونك عشان اطمن عليك رد علي هو وقال لي لو م جيت واتقدمت ليها اعتبرها اخر مره تتصل على الرقم دا وانا طبعاً م قدرت فرصه وجات لحدي عندي وانا عارفك م بتحبيني ولا شي ااي بتحبيني حب اخوان واصحاب بس والله بحبك وحياه الخلقني بعشقك يا غيداء
بعدو مدثر بقى يبكي وانا كمان نفس الشي م قدرت استحمل دا كلو واكون ساكته كيف يعني هو للدرجه دي طلع بيحبني ودا المفتكراه بيحبني زي اختو ! خته راسو في كتفي ودموعو وقفت وقال لي : غيداء كل العايزو منك فرصه واحده بس خليني اكون معاك وقريب ليك
رديت بعد مسافه وقلت ليه:طيب وانا موافقه
وقف على حيلو وبقى يكورك : يخوانا البت دي انا بحبها😭😭 والله بحبها
بقيت بحاول بمسك فيهو واقعدو عشان يسكت وم راضي يسكت مسكت يدو جريتها علي عشان يقعد وقلت ليه : اليد دي ناقصه دبلتي بس😈
رد علي وقال لي: م تخليني اتهور هسي وارجع اقول لعمر يعقد لينا احسن ليك يابت الناس😂🔪
قلت ليه :خلاص خلاص ارح ناكل ذُره نفسي فيها
قال لي: بس كدا ارح طوالي
مسكني من يدي ومشينا وبجد فرحت شديد عشان شايفاه قدامي بيضحك كدا🙈❤️...
#يتبع.....
