*#بين_عالمين🚶🏼♀️❤️.*
*بقلمي: meme mohammed*
*احمد بيحكي*
صحيت تاني يوم المره دي لقيت شهد جنبي❤️❤️ عاينت ليها مسافه وبعدو قمت بعد جيت راجع من الحمام لقيتها ماف قلت اطلع اشوفها برا هتكون بتجهز في الشاي قبل اطلع تلفوني اتصل رجعت شلتو ورديت
انا: ياهلا حبيبتي
ليلى: ياخاين عرست خلاص ونسيتنا؟
انا:ياخ معقوله في زول بينسى حبيبو؟
ليلى: يابكاش اها الاجواء كيف معاك وكيف شهد لقيتها؟
انا: والله الحمدلله الاجواء كويسه وشهد زاتها ماشاء الله م مقصره مني
ليلى: الحمد لله اها واباء اكلمها متين انك اخوي؟
انا: لو وريتيها هتزعل منك !
ليلى: اعمل شنو لكن هيجي يوم وتعرف زي م شهد عرفت يوم العقد😂😂💔.
انا: طيب وريها لمن تجي مناسبه او كدا😂💔
ليلى:طيب حلو
رديت عليها: يلا طيب ماشي اشوف مرتي وين😂😂💔
ليلى: غايتووو عرست وافتريت ياود ابوي سلام سلام وشك زاتو😂😂💔
ضحكت وقفلت الخط مشيت اشوف شهد وين لقيتها مستكينه في المطبخ وتتونس فيديو كول الظاهر مع اباء🌚 جيت داخل قبلت علي وقالت لي: احممد صحيت متين
انا: من شويه كدا بتتكلمي مع منو انتي
شهد: مع اباء 😅
انا:طيب حلوو بعد تخلصي تعالي لي انا في الغرفه
مشيت ولا سلمت على اباء اصلاً اباء م هيكون فارق معاها وم عايز اكسر بخاطر شهد كمان ❤️❤️❤️....
*اباء بتحكي*
صحيت الصباح وانا زهجانه قلت اتصل على شهد اشوفها كيف اتصلت عليها وبقينا نتونس لحدي م سمعت صوت احمد م ابديت اي رده فعل بس لاحظت لنظرات شهد لي بعد احمد مشى وم سلم علي في النهايه هو راجلها واكيد بتغير عليهو واكيد هي عارفه اي شي قفلت منها ومشيت طلعت برا الحوش قعدت تحت ضل الشجره وبقيت سرحانه لحدي م تلفوني اتصل وقطع لي سرحتي رديت وكانت ليلى اتكلمنا شويه كدا وحكت لي الحاصل معاها وقالت لي اثناء الونسه: اباء عايزه اقول ليك شي بس م تزعلي مني وعملت كل دا عشان م تقطعي علاقتك معاي
انا رديت باستغراب: في شنو يا ليلى قلقتي بي
ليلى: احمد بيكون اخوي من ابوي يا اباء 💔
ضحكت وقلت ليها: وين المشكله طيب هو اصلاً انا وهو م كنا كدا يعني علاقتنا م كانت حلوه للدرجه دي يعني عشان تقولي انك هتخربيها او كدا
ليلى:لااا قصدي علاقتي انا وانتي عارفاك بتكرهي احمد قدر كيف
انا : لا م بكرهو انا م بحبو ولا بكرهو يا ليلى وكونو اخوك على العين والراس وم زعلت انا حبيبتي بس اكيد كان هيجي يوم وتحكي لي وياهو جا وخلاص حصل خير
ليلى: والله بحبك ياخ😂❤️❤️
انا: وانا كمان والله يلا اقطعي وشك ماشه اغسل العده من امبارح قاعده م غسلتها😂😂💔
ليلى:طيب سلام
قفلت ليلى الخط وقعدت شويه ومشيت اغسل العده بقيت سرحانه في موضوع ليلى واحمد ديل كيف اخوان هو انا اصلاً م ركزت على اسمو الكامل كل العارفاه اسمو احمد😅💔.. غسلت العده ورجعت غرفتي رتبت دولابي وقعدت شويه فجأه اتصل علي سموؤل "قلت في سري"
انا: ياخ ابداً م وقتك
رديت عليه
سموؤل: ياحلو كيفك
انا: تمام الحمدلله وممكن م تقول لي ياحلو دي
سموؤل :طيب لو قلت ليك يقلبي هتعملي شنو
انا: هاقفل الخط في وشك زي م هاعمل هسي
وطقق قفلت الخط م ناقصاه ولا شي طلعت تاني لقيت امي قاعده وقالت لي :يابتي عرسك قرب خلاص باقي اسبوعين بس واختك دي بدت حبستها
انا: م لي دخل فيها
امي: يابت بلا م ليك دخل فيها بلا كلام فارغ عرسكم الاتنين في يوم واحد واحمدي ربنا انو في واحد وجاك طوالي وقبل بيك كدا
رديت عليها: دا شنو دا ؟ ضربتو على يدو وقلت ليه تعال عرسني م جا براهو وانتو وافقتو ولا انتو عايزين توجعو لي راسي بكلامكم دا ياخ م ممكن معاكم اتقسسم ليكم ولا كيف كل واحد عايز يعمل الفي راسو وخلاص ولا خاتين لي اعتبار قلت ليكم انا غير سند م حبيت ولا هاحب
مشيت خليتها وبقيت ببكي وبترحم على سند💔💔....
*بلسان غيداء*
بقيت قاعده يومي كلو وانا شايله هم اني اصل لمدثر كيف عارفاه هيتصل والمشكله تلفوني عمر م قفلو نهائي بقيت بفكر في سموؤل من جهه وفي طريقه اصل بيها لمدثر بجهه لحدي م اخوي جاني نهايه اليوم وقال لي: اسمعي هنا جاك عريس وانا وافقت عليه حضري نفسك الليله جاي للتعارف
طلع وخلاني بقيت ببكي بصوتي جات هيفاء داخله وقالت لي: غيداء قومي ارح اجهزك لبعدين عشان عمر دا م يموتنا الليله
انا قمت مشيت معاها وجهزتني وعملت لي ماسكات وحاجات كدا زي كأني م معاها ع الاقل هاكون قاعده مرتاحه هناك احسن من نقه عمر في راسي فهاسكت واقبل بيهو💔💔 ....
*جهاد بتحكي*
اتصل علي نفس الرقم تاني مرتين صحيت بتكاسل رديت في المره التالته
...: يعني يا جوجو دا شنو دا عشان سمحه كدا بتفتري علينا؟
قمت مخلوعه الصوت نهائي م غريب علي لحدي م استوعب عايزه ليها زمن قلت ليه: منو معاي ؟
رد علي:معاك هيثم يا جوجو وانتي منو؟
ضحكت تاني واتذكرت الموقف بتاع العرس بعدو سمعت صوتو بيقول لي:لا يعني الزول يقول جملتو دي عشان يسمع ضحكتك السمحه دي؟
رديت عليه: احمم عايز شنو يا هيثم؟
هيثم:عايزك الليله تفضي لي نفسك عشان عنددي معاك كلام كتيرر وعايز اتكلم معاك
رديت عليه: ابيتت يازول على كيفك هو؟🙄
هيثم:م هو انا م بستشيرك انا بكلمك عشان تجهزي للساعه ٩ م جهزتي انا بوريك هااتصرف كيف ويلا لبعدين
قفل الخط قبل ارد اتمليت منو فل الا اشاكلو ع البيعملو دا المهم م اشتغلت بيه لاني عارفه انو م هيقدر يعمل شي قمت اتسوكت وعملت حاجاتي ونزلت تحت الجنينه دايماً سموؤل بيقول لي البس توب او طرحه لمن اقعد هناك عشان بلكونه الجيران فاتحه فيها المهم لبست طرحتي وقعدت بمزاج وشلت تلفوني وبقيت اتوتسب لحدي م سمعت صوت بيقول لي : م جهزتي يعني وعملتي الفي راسك برضو؟
#يتبع.....
