*#بين_عالمين🚶🏼♀️❤️.*
*بقلمي: meme mohammed*
*بلسان اباء*
بقيت بحاول اتناسى موضوع انو سند هو النقلو منو القلب وبقيت مع سموؤل عادي وابتديت احبو بس ببرضو تصرفاتو ساعات بتخوفني في مره جا داخل وهو زهجان مشيت عليهو قلت ليهو:مالك يا سموؤل؟
م رد علي قلت اخليهو براهو عشان م يعصب علي م نافصه انا مشيت اعمل ليهو الاكل اثناء م انا بسخن في الاكل جا يشرب مويه وطلع خلصت الاكل ومشيت ليهو لقيتو خلاص على وشك انو ينوم صحيتو كورك فيني قال لي: م شايفاني نايم م عندك احترام انتي؟
زعلت شديد بس اكلتها في حناني وقلت ليهو: بس كنت عايزه اصحيك للاكل
مسك يدي وبقى يهز فيها ويقول: انتي غبيه ؟ م عايز اي زفت امشي من وشي سريع😡
خفت منو مشيت المطبخ رجعت الاكل مكانو ودخلت الغرفه التانيه وبقيت ببكي فجأه لقيت سموؤل فوق راسي قال لي : قومي البسي اوديك لامك
عملت روحي زعلانه وقمت لبست عبايتي وطلعت ليهو قال لي: شيلي شويه هدوم معاك
استغربت وقلت ليهو: ليه كمان؟
قال لي: امشي وانتي ساكته😡
فعلاً مشيت وانا ساكته شلت شويه هدوم وطلعت لقيتو ماف قلت بيكون في العربيه قفلت البيت وركبت العربيه وساق في هدوء وم سألني مالي قبل انزل اديتوو مفتاح البيت ومشيت من غير م اتكلم معاه .... فعلاً عدا اسبوعين وسموؤل م جا ولا اتصل علي وناس البيت بيسألو مالنا اذا متشاكلين او غيرو كنت بقول ليهم ماف شي هو انا زاتي م عارفه نحن مالنا المهم عدا تاني اسبوع وانا خلاص فاض بي سموؤل لا اتصل لا شي اتصلت انا على جهاد وبقيت اتكلم معاها وسألتني من سموؤل قلت معناها م عارفه انو جابني لاهلي قلت ليها: والله يا جهاد سموؤل دا قبل تلاته اسابيع جابني بيتنا هنا وم عارفه عنو اي شي!
قالت لي: غريبه كان معانا قبل شويه وكان عادي! وحتى قال انك في البيت بس تعبانه شويه
م عارفه لي زعلت كدا ببس سكت وقلت ليها: خير
المهم عدا اليوم دا على خير تاني يوم بالصباح الباب خبط وانا كنت صاحيه من النوم وماف زول صاحي في البيت مشيت افتح الباب لقيتو سموؤل م ابديت اي رده فعل ولا قلت ليهو اتفضل حتى
قال لي: م هتقولي لي اتفضل؟
زحيت ليهو من جنب الباب نظام ادخل وفعلاً دخل قعد في العريشه مشيت جبت ليهو مويه وركبت الشاي في النار وقعدت جنبو بكل برود
قال لي: مشتاق ليك انا
قلت ليهو: والله المشتاق دا بيسأل مش بيرمي الناس كدا! ومن غير سبب!
قال لي: ومنو القال ليك انا راضي بدا؟ طيب منو القال ليك من غير سبب؟
قلت ليهو: انت م وريتني اي شي بس جبتني هنا ومشيت وانت عارف علاقتي مع امي كيف🙂
قال لي: خالتو سألتك زي زمان ؟ نفس التصرفات؟
قلت ليهو: لالا
قال لي: صراحه هو في سببين السبب الاول عشان تقعدي مع خاالتو شويه تاني شي عشان انا كنت الفتره الفاتت دي مضغوط شديد ولمن جيت راجع المره الفاتت وعصبت فيك قلت لازم ابعدك مني الفتره دي بالذات عشان م تتأذي مني وعارف بقيت عصبي شديد بس مضغوط يا اباء
عاينت ليهو كدا وقلت ليهو: طيب خير م مشكله❤️
قال لي بفرح ظاهر في وشو: م مصدق انك رضيتي بسرعه كدا!
قلت ليهو: اغير رأيي؟😂😂💔
قام على حيلو وباس راسي وقال لي: لالا خلاص كدا حلوين يلا هاقعد معاكم نفطر ونرجع بيتنا❤️❤️..
فعلاً قعد معانا وامي صحت وعملت لينا الشاي بعدو دخلنا انا وامي عملنا الفطور وفطرنا ورجعت بيتي المشتاقه ليهو🙈❤️❤️❤️❤️......
*بلسان شهد*
صحيت نص الليل وانا مخلوعه وقلبي مقبوض استغفرت ورجعت نمت تاني فجأه حسيت بوجع قوي شديد قلت خلاص معناها بولد😭😭😭 وانا اصلاً كنت خايفه من اللحظه دي صحيت احمد هو زاتو بقى م عارف يعمل شنو بيقول لي: تنزلي تمشي على رجلينك؟ طيب اشيلك؟ طيب اتصل على خالتو؟
قلت ليهو: وديني المستشفى يا غبييييييي😡
فعلاً شالني ومشينا المستشفى ودخلت الغرفه وعدت تلاته ساعات وبعدو جانا احلى ولد 🥺❤️❤️❤️.. من شفتو فرحت شديد ونسيت اي شي حاصل وركزت معاه ومع حركاتو 😭❤️❤️❤️.. فجأه لقيت احمد جا ومعاه حلاوه كان بيوزعهم برا جا وهو بيبكي قال لي: م كنت قايلو هيجي بالسرعه دي بقيت اب انا؟😭❤️❤️
بعدد بشويه جات امي وقالت ليهو: شيل جناك يا احمد
قال ليها: لالا ياخالتي بيجي واقع مني خليهو عند امو
قالت ليهو بنهره: ياولد دا جناك شيلو واذن ليهو في اضانو سريع
قال ليها: خالتي بأذن ليهو وهو في يد امو م بقدر ليين شديد
بقيت اضحك على منظر احمد حسسني شافع في الروضه😂😂💔 جات امي شالتو وختتو في يد احمد اول م شالو وبقى يعاين ليهو بكى شديد حتى خفت يقع منو حتى اذن ليهو في اضانو وبقى يلعب باصابعو وتاني ابا يفكو الا لمن جينا طالعين ماشين على البيت😂❤️❤️❤️.. رجعنا البيت وفرحانين شديد كنت شلت جاسم "ولدي" من احمد عشان م يقع منو في السلم اديتو لامي❤️😂😂... لقيت البيت مرتب وكان خالتو نوال ام احمد ومعاها جهاد والببنات في البيت ❤️❤️❤️.. باركو لي وانا مشيت ارقد وشايلين الولد وهم مبسوطين نمت وانا مرتاحه ومبسوطه❤️❤️❤️❤️❤️❤️❤️❤️.....
*جهاد بتحكي*
بعد العرس سافرنا وطبعاً قعدنا تلاته اسابيع وجينا راجعين عشان شغل هيثم بعديها بيومين سموؤل اتصل علي وقال لي انو احمد قال ليهو شهد بتولد م قدرت امشي المستشفى سقت البنات ومشينا البيت لقيت خالتو نوال قاعده انتظرناهم يجو من المستشفى وفعلاً لمن جو احمد دا شويه ويزغرد❤️😂😂 فرحان شديد شلت الولد وباركت لشهد وقعدنا نتونس في الصاله ومعانا الولد وهو يضحك ساي التقول شايفنا😂😂❤️❤️❤️.. في لحظه اتمنيت يكون عندي واحد زيو اصلي بحب الشفع😭❤️❤️❤️❤️... فجأه بكا مشينا وديناه لامو وطبعاً لازم نصحيها 😂😂💔 صحيت وهي زعلانه قلت ليها:تاني ماف ليك نوم😂😂💔
قالت لي: شكلو كدا جيبي جاسم دا😂😂💔
شالتو وانا طلعت برا فجأه هيثم اتصل علي قال لي جاي يبارك ليهم فعلاً جا وبارك لاحمد وساقني وطلع في العربيه قلت ليهو: فاتك م شفت جاسم😭❤️❤️
قال لي: مالو يعني😂😂
قلت ليهو: حلو ماشاء الله حاجه صغيره كدا وبيضحك وعسل ياخ قربت اكلو😭😭❤️❤️
قال لي: طيب حلو عقبال يكون عندك واحد زيو😂❤️
قلت ليهو:اميييين ياخ😭❤️❤️❤️❤️....
*بلسان ليلى*
الايام دي ملك ومحمد لاحظت لتواصلهم قل شديد قلت يمكن في موقف بينهم وم اتدخل بس الشمار حارقني😂💔💔.. فعلاً عدا اسبوعين ومحمد تواصلو معاي كتير شديد لمن بقيت الحاظ انو سافهه ملك دي م حبيت اخرب عليهم قلت لازم اعرف مالهم اتصلت على محمد وقال لي: ياهلا بالحلوه
قلت ليهو: خلينا نكون جادين مالك انت وملك؟
قال لي: مالنا كمان؟
قلت ليهو:خطيبتك يا استاذ ملاحظه ليكم م بتواصلو كتير وبتتواصل معاي انا بس
قال لي: ويعني شنو بتواصل معاك ومعاها
قلت ليهو:لا معليش انا م عايزه اخرب بينكم لو سمحت يعني!
قال لي: اخربي ساي فداك ياخ😂❤️
قلت ليهو: محمد بتكلم جاده انا
قال لي:وانا زاتي بتكلم جادي😂
قلت ليهو: هسي دي تتصل لملك وتتكلم معاها كول لمدده ساعتين او ساعتين ونص
قال لي: لي متين هتكابري يا ليلى؟
قلت ليهو: كيفف اكابر؟
قال لي: انا بحبك ❤️....
#يتبع
