Unicode
" ၀င်ရအောင် လင်း .... "
ကိုယ့်အိမ်ကိုယ့်ယာပင်ဖြစ်သော်ငြားလည်း
ဝေလင်းရဲ့ လက်ဖျားတွေ အေးစက်နေသည်။
" ကိုယ်ရှိတယ် .... "
မ၀ံ့မရဲဖြစ်နေတဲ့ ဝေလင်းရဲ့လက်တွေကို
ဆုပ်ကိုင်ရင်း လုံချင်က အားပေးလာသည်။
စိတ်လှုပ်ရှားတာထက်
ဝေလင်းကြောက်နေမိတာ ......
ဧည့်ခန်းထဲတွင် နိုင်ငံခြားဖြစ်ဆေးလိပ်
တစ်လိပ်ကို ရှိုက်ဖွာနေသော
မာမီက လုံချင်ကိုင်ထားတဲ့ ဝေလင်းလက်ကို စူးစိုက်ကြည့်နေသည်။
ခပ်တည်တည်နဲ့ မာမီ့ရှေ့မှာ ၀င်ထိုင်ရင်း
ကိုယ်ကိုကျုံ့ထားမိသည်။
" ကျနော့နာမည် ကျိုးလုံချင်ပါ အန်တီ ....
တွေ့ရတာ ၀မ်းသာပါတယ် .... "
ယဥ်ကျေးစွာ နှုတ်ဆက်နေသော လုံချင်ကို
မာမီက အရေးပင်မလုပ် ....
ဝေလင်းစိတ်ထဲ အားနာနေမိသည်။
သဘောမတူရင်တောင် ဒီလောက်ထိ
ပစ်ခါဖို့မကောင်းပါဘူး .....
ချင်ကောက အားနည်းချက်
ရှိနေတာမှမဟုတ်တာ .......
" ဒါ သားချစ်သူပါ မာမီ ... လက်ခံပေးပါ "
ဝေလင်း ပြတ်သားစွာ ဆိုလိုက်သည်။
မာမီကတော့ ဆေးလိပ်ငွေ့တွေ မှုတ်ထုတ်ကာ
အေးစက်စက်ကြည့်နေဆဲ .....
" လက်မခံဘူးဆိုရင်ရော ... "
နွေခေါင်ခေါင် မိုးပြိုးပစ်ချလိုက်သည့်နှယ် ...
ဝေလင်း တစ်ကိုယ်လုံးတုန်ယင်လာသည်။
မာမီ့ကို ကြည့်မိတော့ ခပ်မဲ့မဲ့ပြုံးနေသည်။
" သားတို့ အတူနေပြီးပါပြီ .... "
" လင်း !! "
စိတ်ထဲရှိတဲ့အတိုင်း အားတင်းကာပြောတော့
မာမီက ဟက်ဟက်ပက်ပက် ရယ်သည်။
လှောင်ရိပ်စွန်းနေသည့် အကြည့်တွေနှင့် ....
ခနဲ့တဲ့ မျက်၀န်းတွေနဲ့ ......
" သားက လုပ်ချင်တာလုပ်ပြီးမှ
မာမီ့ကို အသိပေးတတ်တဲ့ အကျင့်က
မပျောက်သေးဘူးပဲ .... "
ESTÁS LEYENDO
The Romance of Two Stars 🚨🚨🚨 ( Complete)
RomanceChina ရဲ့ နာမည်ကြီးအဆိုတော်မင်းသားတစ်လက်နဲ့ မြန်မာနိုင်ငံကနေ china idolသွားပြိုင်တဲ့ ကောင်လေးတစ်ယောက်တို့ရဲ့ အချစ်ဇာတ်လမ်းလေး A Love Story between Chinese Super Star and The China Idol's Trainee Boy from Myanmar .
