Unicode
ရှောင်းကျန့်ရဲ့ခြေလှမ်းတွေက ဝမ်ရိပေါ်အခန်းထဲဦးတည်လာစဥ်မှာ
"Mr.Xiao!!"
ဘယ်ချိန်က ဧည့်ခန်းထဲရောက်နေမှန်းမသိသည့် ဟောက်ရွှမ်းကိုတွေ့လိုက်ရတော့ ခြေလှမ်းများခဏရပ်တန့်သွားလေသည်။
သို့ပေမယ့်လို့ ရှောင်းကျန့်အကြည့်တွေက ဝမ်ရိပေါ်ရှိသည့်အခန်းကိုလှည့်ကြည့်မိနေပြန်သေးသည်။
"ဟောက်ရွှမ်း ငါ့မှာအရေးကြီးတာရှိသေးလို့ပြောစရာရှိတာနောက်မှပြောတော့"
ဟောက်ရွှမ်းကိုထိုမျှသာပြောပြီး ဝမ်ရိပေါ်အခန်းထံဦးတည်နေရာ ဒီတစ်ခါတော့ဟောက်ရွှမ်းစကားကြောင့်ရှောင်းကျန့်ခြေလှမ်းတွေက ကျောက်ရုပ်သဖွယ်ရပ်တန့်သွားရလေတော့သည်။
သူမှမပြောရင်မသိနိုင်တော့တာမို့ အချိန်တွေကျော်လွန်သွားမှာဆိုးသည့်အတွက် ဟောက်ရွှမ်းထိုင်နေရာမှချက်ခြင်းထရပ်ကာ စကားလုံးတစ်ချို့ကိုအလျင်မြန်ပြောလိုက်လေသည်။
"ရိပေါ်ရဲ့ကလေးက Mr.Xiaoဟာ"
ရှောင်းကျန့်နှုတ်ခမ်းတွေတုန်လှုပ်စွာပင် ဟောက်ရွှမ်းဘက်ကိုလှည့်ကြည့်လိုက်သည်။
"ငါ့...ငါ့ဟာ ငါ့ကလေးလား"
ဟောက်ရွှမ်းကသက်ပြင်းတစ်ချက်ချပြီးသည့်နောက်မှာ
ခေါင်းတစ်ချက်ကိုဖြေးညှင်းစွာညိတ်ပြလိုက်တော့ ရှောင်းကျန့်ရင်ထဲအပူလှိုင်းဖြတ်သွားသလိုခံစားလိုက်ရသည်။
"ငါ့ကလေးတဲ့လား.."
တိုးတိုးရေရွတ်ရင်း နှုတ်ခမ်းတွေကပြုံးမိပြီးခြောက်သွေ့နေစပြုသည့်မျက်ရည်တွေကတစ်ဖန်ပြန်လည်းစီးဆင်းလာရသည်။
"ဟား...ဟား...ငါ ငါဘာလို့မသိခဲ့ရတာလဲ ငါ့ကလေး ငါ့ကလေးကိုလေ တောက်"
ရယ်နေသလိုလို ငိုနေသလိုလို ကြည်နူးနေသလိုလိုနဲ့ဒေါသထွက်နေသလို ခံစားချက်ပေါင်းစုံဖြစ်နေသည့်ရှောင်းကျန့်မျက်နှာက တကယ်ပင်ခန့်မှန်းရခက်ခဲလွန်းနေသည်။
မင်းဘယ်လိုသိလဲလို့ မမေးနိုင်တော့လောက်အောင်ကို ရှောင်းကျန့်စိတ်ထဲ ဝမ်ငယ်ကိုယ်ဝန်ကသူနဲ့ရသည်ဆိုတာကိုသူသေချာသိသွားခဲ့သည်။
ထိုနေရာမှာတင်ရပ်ငိုနေသည့်ရှောင်းကျန့်က မျက်ရည်စတွေကိုလက်ဖြင့်အကြမ်းပတမ်းပွတ်ဆွဲပြီး ဟောက်ရွှမ်းကိုစကားတစ်ခွန်းဖွင့်ဟလိုက်သည်။
