فلتغفري عن انتقامي

حلقه ٢٢

زفر رأفت بدهشه و عصبيه: يخف من ايه انتي عايزه تكسبي عاطفتي و خلاص ايه يا ميرا اعقليي

ميرا وهي تهز رأسها برفض قائله بصدق: لا يا بابا والله ابدا بس خليني اروح اول م يخف هرجع بس لازم اروحله  حاولوا تفهموا

اندفع إيهاب في الحديث و قال رغما عنه: انا موافق ترجعي لاكرم

نظر له والده بسخريه و حنق: ايه الجديد م انت دايما في صف اختك في كل الغلط

هشام بجديه و خوف: حبيبتي فكري بهدوء احنا خايفين عليكي بلاش كلامه يخدعك

نظرت له ميرا بثقه و قوه: انا فكرت كويس اوي و متأكده من قراري
ثم التفت إلى والدها وقالت بتردد: لو عايزني اسامحكوا توافق ارجع لاكرم

رفع حاجبيه بإستغراب و حسره: انتي بتلوي دراعي ي ميرا فاكره ان ممكن ارمي بنتي في النار تاني بمجرد انها تسامحني

ميرا بلهفه وهي تحاول التبرير: لا مش كده بس

قاطعها رأفت بإستسلام وهو يتحدث بحده و اسلوب حذر: مفيش بس انتي حره بس اعرفي انك ماشيه علي مسؤليتك مش هدخل في اي حاجة تحصلك بسببه
ثم اغمض عينيه بألم وقال بهدوء: البيت ده مفتوح ليكي في اي وقت انتي و ابنك

أسماء برجاء و دموع: ميرا متسبناش متخليهوش يضحك عليكي تاني انتي ليه مصممه علي الخساره

نظرت ميرا إليها وقالت بتنهيده: ماما انتي عارفه انه تعبان لازم ابقي جمبه هو محتاجني... المرادي مش هخسر صدقيني

رأفت بغضب و تذكير : المره اللي فاتت مكنتيش هتخسري برضو و نتيجتها حرمنا منك و سوء سمعتك فين كرامتك و عزت نفسك اللي عايزه تردي اعتبارهم

تنهدت ميرا و اردفت بدفاع و تبرير: و مين قال ان بقلل منها .... انتو مش عارفين حاجة بس خليني اروح و صدقني يخف و نتكلم في اي حاجة تانيه

رأفت بيأس وهو يشعر بعدم جدوى في الحديث معها : انتي ادري بحياتك من يوم م رجعتي وانتي مبتسمعيش لحد كأنك بتعاقبينا علي اللي عملناه

ثم تابع بحزن و ألم : انتي حره يا بنتي و بقولك تاني بيت ابوكي مفتوح بس متستنيش اقبله جوز بنتي
انهي كلامه و تركها و دخل إلى غرفته

أمسكت امها يدها بخوف وهي تبكي: ميرا عشان خاطري بلاش جنانك في اي قرار فكري في اللي حصلك منه

نظرت ميرا إليها بضعف و دموع: بلاش تضغطوا عليه مش هنكر ان بحبه حتي بعد اللي حصل بس انا اولي ان اساعده دلوقتي و بعدين نتحاسب

هتف ايهاب بتشجيع :يلا ي ميرا انتي واخده القرار الصح لازم تقفي جمبه

همست ميرا له بضيق وهي تنظر له بفهم:  مع ان عارفه ان مش من قلبك بس بتساعدني

إيهاب بإبتسامه خبيثه وهمس : م انتي هتساعديني بردو اتجوز اخته

ميرا بغضب وهي تتحدث بصوت لا يسمعه غيره:  يأخي اتلهي لينا اعده مع بعض لسه