ဝေလင်း ခေါင်းခါပြလိုက်သည်။
နာကျင်ခြောက်ကပ်နေတဲ့ လည်ချောင်းကို
အားယူရင်း
''ရေသောက်ချင်တယ် ´´
ဟင် !!! အသံ .... အသံက ထွက်မလာဘူး ...
တစ်ခါမှ ဒီလိုမဖြစ်ဖူးတာမို့
ဝေလင်းအတော်ထိတ်လန့်သွားသည်။
'' ရေ ..... ´´
အသံက လည်ချောင်းထဲမှာတင်
ပျောက်သွား၏။
" ကလေးငယ် ဘာလုပ်ချင်လို့လဲ "
ဝေလင်းက နှုတ်ခမ်းလေးသာ
လှုပ်လာတာမို့ လုံချင်မေးလိုက်သည်။
'' ရေလို့ ..... ´´
အသံမထွက်ပြန်ဘူး ......
' ငါ့အသံတွေ သေသွားပြီလား ....
အီး ... ဟီး ....
ငါစကားမပြောနိုင်တော့ဘူးလား .... '
ဝေလင်းတွေးရင်းနဲ့ ၀မ်းနည်းကာ
မျက်ရည်တွေ စီးကျလာတော့သည်။
လုံချင်မှာလည်း ရုတ်တရက်ငိုချလာသော
ဝေလင်းကြောင့် ခြေမကိုင်မိလက်မကိုင်မိ
ပြူးပြူးပြာပြာဖြစ်သွား၏။
" လင်း ... ဘာဖြစ်လို့လဲ ...
နာလို့လား ... ဟင် ... ကိုယ်ဆရာ၀န်ခေါ်ပေးမယ်နော် "
လုံချင် ချက်ခြင်းပဲ ဒီမြို့မှာရှိတဲ့
သူငယ်ချင်းဆရာ၀န်ကို ဖုန်းဆက်ခေါ်ရတော့သည်။
ဝေလင်းကတော့ ငိုနေဆဲ .....
လုံချင်လည်း အ၀တ်အစားပင်
မလဲနိုင်ပဲ တတွတ်တွတ်နဲ့
ဖအေကြီးတစ်ယောက်လို ချော့နေရသည်။
ခဏကြာတော့ ဆရာ၀န်ရောက်လာ၏။
" လုံချင် ... မတွေ့တာကြာပြီနော်
နွား ... ငါကသတိရနေတာ "
ဆရာ၀န်က တံခါးလာဖွင့်ပေးသော
လုံချင် အရင်နှုတ်ဆက်လေသည်။
" ငါလည်း အလုပ်နဲ့ဆိုတော့
ဒီဘက်မရောက်ဖြစ်လို့လေ ...
လာ ငါ့ကလေးကို ကြည့်ပေးပါဦး "
" ဟင် ... မင်းဘယ်တုန်းကအိမ်ထောင်ကျ...
ဟမ် ... သူ သူက "
ဆရာ၀န်မှာ လုံချင်ကိုမေးနေရင်းမှ
ဝေလင်းကိုမြင်ပြီးသကာလ ဆွံ့အ,
သွားတော့သည်။
" ငါ့ ကလေး ... ငါ့ babyကွာ ...
အထူးအဆန်းလုပ်မနေနဲ့ ...
မင်းမှာလည်း ဘဲကြီးရှိနေတာကို "
YOU ARE READING
The Romance of Two Stars 🚨🚨🚨 ( Complete)
RomanceChina ရဲ့ နာမည်ကြီးအဆိုတော်မင်းသားတစ်လက်နဲ့ မြန်မာနိုင်ငံကနေ china idolသွားပြိုင်တဲ့ ကောင်လေးတစ်ယောက်တို့ရဲ့ အချစ်ဇာတ်လမ်းလေး A Love Story between Chinese Super Star and The China Idol's Trainee Boy from Myanmar .
Part(34)
Start from the beginning
