လှမ်းကြည့်လိုက်တော့ လုချီယွမ်နှင့် ရှချင်းယန်က လူတချို့နှင့်အတူ အပြေးလာနေသည်။
တကယ်တော့ လုမန်ကို ခြိမ်းခြောက်ရအောင်ပြေးလာတာဆိုပေမယ့် ဟန်ကျိုးလီကိုမြင်ပြီး ရုတ်ခြည်း အရှိန်သေသွား၏။
“ သခင်လေးဟန်! ”
ရှေ့က ဟန်ကျိုးလီကိုကြည့်ပြီး လန့်ဖျပ်သွားသော လုချီယွမ်မှာ ဟန်ကျိုးလီရဲ့ရင်ခွင်ထဲမှာ ရောက်နေသော လုမန်ကြောင့် သွေးတက်သွားရ၏။ဘာတွေဖြစ်နေတာလဲ.. ?
လုမန်နဲ့ဟန်ကျိုးလီက တကယ်ကြီး တွဲနေကြတာများလား.. ?
ဒါဆိုရင် မကောင်းတော့ဘူး!
မျက်ဝါးထင်ထင်မြင်လိုက်ရတော့ ရှချင်းယန်မျက်နှာမှာ မနာလိုဝန်တိုစိတ်တွေပြည့်လာကာ.. လုမန်က ဟန်ကျိုးလီနဲ့ တကယ်ပတ်သက်နေတာလား!!
“ ဒီမှာဘာတွေဖြစ်နေတာလဲ ”
လုမန်ကိုငုံ့ကြည့်ရင်း ဟန်ကျိုးလီကမေးလိုက်သည်။ “ မင်းကိုလိုက်ဖမ်းနေကြတာလား ”သို့ပေမယ့် လုမန် ဟင်းခနဲ သက်ပြင်း တစ်ချက်ချကာ ရှင်းလည်းမပြဖြစ်။
အရင်တစ်ခါ ဝင်လုံးတဲ့အချိန် ဟန်ကျိုးလီက အလိုက်အထိုက်သရုပ်ဆောင်ပေးခဲ့တာဟာ ကံကောင်းလွန်းလို့ ဟု မှတ်ယူရမည်။
သူ့ကိုမြင်တိုင်း အသုံးချနေလို့မဖြစ်..
ပြီးတော့ ဟန်ကျိုးလီက သူမနဲ့ ရန်ငြိုးမရှိသလို သူမစိတ်ပျက်အောင်လည်း တစ်ခုမှ မလုပ်ထားတာကြောင့် ဟန်ကျိုးလီကို ဒီပြဿနာထဲဆွဲသွင်းလိုက်ရင် သူမကိုယ်သူမ အထင်သေးမိမှာဖြစ်သည်။
“ အခြေအနေကို ပြောပြဖို့စိတ်ကူးမရှိဘူးလား ”
ဟန်ကျိုးလီ သူမရှင်းပြမှာကို စောင့်နေပေမယ့် တော်တော်ကြာတာတောင် လုမန်ကရှင်းမပြပေ။“ သခင်လေးဟန် .. ရှင်ကျွန်မကိုတစ်ခါကူညီခဲ့ပြီးပါပြီ .. အဲဒီအတွက်လည်း တကယ်ကို ကျေးဇူးတင်ပါတယ် .. ကျွန်မက အရေထူတဲ့သူ မဟုတ်ပါဘူး .. ဒါကြောင့်– ”
ပြောချင်တဲ့စကားတွေမဆုံးသေး .. ပွဲကြည့်ပရိသတ်တွေက အနားရောက်လာကြပြီးဖြစ်၏။
![](https://img.wattpad.com/cover/262414174-288-k299144.jpg)
YOU ARE READING
ထိုမှစခဲ့သော အချစ်များစွာသည်
RomanceTranslation of ❛ The Long-awaited Mr. Han『韩先生,情谋已久』❜ written by the author As If Dawn『恍若晨曦』. Story Cover is not mine. Full Credit to relevant Owners. " ခေါ်ထားပါနော် ဘာမဆိုလုပ်ပေးပါ့မယ် " သူမ၏ယခင်ဘဝမှာ သစ္စာဖောက်ကောင်နှင့် ညီမဖြစ်သူ၏ မတရားအမှုဆင်မှ...