Soul Librettos

♬ 4

"Huwag mo nga akong istorbohin" iritable kong sabi kay Lance.

Napatawa naman siya sa akin, "May lakad ka bukas?" tanong niya sa akin.

Sinara ko ang libro na hawak ko at tinignan ko siya, "Will visit Dad. Gusto mong sumama?"

Umiling-iling lang siya sa akin, "Bibisitahin ko rin si Lanie bukas" aniya patukoy sa kapatid niyang nasa ospital. Tumango lang din ako, bukas kasi ay sunday at walang klase kaya pinapayagang umuwi ang mga estudyante sa kani-kanilang bahay.

"Okay naba ang kapatid mo?"

"Hm.. nagpapagaling na rin siya ngayon. Oo nga pala kamusta ang pagattend ng practice ng Creole?" pagiiba niya ng topic.

Hindi ako nakaimik nuong tinanong niya sa akin iyon. Kamusta nga ba ako? Hindi okay? O okay lang?

I shrugged at him dahil hindi ko alam ang isasagot ko sa kanya. Naramdaman ko lang ang kamay niya sa ulo ko. He lightly messes my hair, hindi ko siya sinuway o pinagsabihan. I just let him do it.

"Ayaw mo ba talaga dito sa Cecilian?" tanong niya.

Tumango lang ako sa kanya. Alam naman kasi niyang hindi ko talaga gustong pumasok dito. Ni hindi ko alam kung bakit nasa school na ito ako.

"Kung hindi mo na kaya. You can just back-out. We will back-out together"

Ngumiti ako sa kanya nuong sinabi niya iyon sa akin, Lance is one of those who really knows what I feel. Chriselle is the one who can entertain me at my worst while Lance is the one who can understand me at times like this. Both different but still the same.

"Thank you" 'yun lang ang nasabi ko sa kanya habang nakangiti ako sa kanya. Gusto kong umalis sa Cecilian pero hindi ko alam kung kakayanin ko bang umalis sa school na 'to. Siguro ay iintayin ko nalang matauhan sila mommy at sabihin na hindi ako karapat-dapat sa mundong ginagalawan niya.

That night eh maaga akong natulog para makapagready sa pagpunta ko sa Laguna. Laguna will always be my safe haven dahil duon ako lumaki. Maaga palang ay inayos ko na ang gamit ko maging ang itsura ko. I wore some skinny jeans and hanging shirt na sobrang laki sa akin. Hinayaan ko lang ang itim na itim at tuwid kong buhok na nakalaylay.

"Pasalubong" narinig kong sigaw ni Chriselle sa akin nuong palabas na ako ng kwarto namin. Hindi kasi siya aalis sa dorm ngayong linggo dahil ngayon niya daw gagawin ang sangkaterbang homeworks na hindi niya nagawa dahil sa pagrerehearse niya.

The dorm seems so busy. Everyone was walking, 'yung iba ay may dalang bag tulad ko siguro ay uuwi din sila sa mga bahay nila. Kahit nuong palabas kami ay pumila pa rin kami dahil kailangan pang magsulat duon sa log sheet sa guard ng school. Medyo mahigpit din kasi ang security ng school dahil maraming nagaaral dito na anak ng politician, lawyer, artista at kung anu-ano pang maiimpluwensyang tao.

Nang makalabas ako ng school ay nagabang na agad ako ng taxi na maghahatid sa akin papunta sa terminal sa Laguna. Hawak-hawak ko ang strap ng bag ko habang natingin sa mga paparating na sasakyan ng may isang pulang vios na tumigil sa harap ko.

Napasimangot ako at tumingin sa gilid ko dahil baka may ibang tinigilan itong mamang may-ari ng vios pero ako lang naman ang nanduon. Nagulat ako ng biglang bumaba ang bintana ng sasakyan at nakita ko ang isang lalaking nakarayban na salamin, nakatukod sa manibela ang isa niyang siko habang nakatingin sa akin na parang bored na bored siya.

"Hop in" aniya.

Kulang nalang magdikit ang dalawa kong kilay sa pagsimangot sa kanya. Ayoko ngang sumakay sa sasakyan niya.

Naglakad ako palayo sa kanya pero nagulat ako dahil sinusundan niya pa rin ako ng sasakyan.

"Sumakay ka na. Ihahatid kita kung saan ka pumunta" aniya.