بصتله بتحدي
= ومعنديش غيره .
• ماشي انت الي اخترت ، محسن يا محسن عايز في ظرف نص ساعه تروح لبيت داغر وتجبلي الست الوالده وانت عارف الباقي .
اتعصبت وقربت منه
= امي لا ، خليك راجل وواجهني انا وملكش دعوه بامي.
بصلي ببرود
• محسن يلا اتحرك
= انا موافق .
ابتسم بانتصار
• حيث كده بقى هتصل بالمأذون .
" بعد ساعتين "
فتحت بابا شقتي الي عايش فيها انا وامي
_ داغر حبيبي انت جيت ؟!
= ايوه يا ست الكل انا جيت .
بصيت لغيداء الي كانت لسه بتعيط وبصيت لامي
_ مين دي يا ابني.
= دي غيداء مراتي يا ماما .
_ ايه؟؟!
= هفهمك كل حاجه يا ماما بس دلوقتي سيبيني استريح ارجوكي .
_ براحتك يا ابني بس مستنيه شرح للي بيحصل ده !
= حاضر يا امي .
وسحبت غيداء ودخلت اوضتي ، وزقتها على كرسي في الأوضه ، حاولت تتكلم
• داغر انا انا ...
قاطعتها بعصبيه
= انت ايه يا شيخه؟؟! حرام عليكوا
انا الي عمري ما اتهددت ولا مخلوق قدر يقف قصادي حتى والدي الله يرحمه ، جيه ابوكي وكسرني يا غيداء ولو اول مره اتجبر على حاجه وهي أنتِ ، وادفع تمن غلط مش غلطي واشيل ذنب مش ذنبي ، وطز في احلامي وحياتي عشان خاطرك أنتِ وابوكي يا غيداء هانم ، حقيقي انا مكرهتش حد في حياتي قده وربنا ما يسامحه على الي هو عمله فيا ، سلب مني الحق اني اختار شريكه حياتي حتى ، عشان معاه سلطه وانا لا ومعاه فلوس وانا لا و ....
وقفت الكلام ومقدرتش اتكلم لما لقتها بتعيط بالشكل ده وبتغطي وشها
• انا مخترتش انه يبقى ابويا مخترتش والله ما اخترت ، هو انا مفكر اني مبسوطه وعايشه في عيلة مرفهة ومن علية المجتمع لا يا داغر لا ، مفيش يوم عدى عليا غير ودموعي مغرقه المخده وتعيسه ، عشت كأني ماريونت بيحركوها بأيديهم سواء دراستي وأصحابي وحياتي وشكلي ولبسي مش من حقي اي حاجه ولا حتى اني اختار حتى الاختيار مش من حقي ، مش ربنا خلقنا مخيرين زي ما صاحبتي قالت لي ولما قلت كده لبابا بعدني عنها عشان بيقولي دي ارهابيه وخطر عليكي ، حاولت تخليني اتحرر من عبوديته ليا فبعدني عنها غمى عقلي وقلبي وسلسل روحي بسلاسل ، قصلي جناحاتي ودمر احلامي ، بيضرب ويهين وبيجبر ، عشت ٢٢ سنه من التعاسه من اول امي الي مستحملتش قسوه ابويا فهربت واتجوزت وبعدين قتلها ، لحد عندك وانت بتلومني انا وانا زي زيك مجبروة انت على الاقل تقدر تطلقني وتعيش انا اروح فين واروح لمين ، ارجع لجحيم ابويا ولا اهرب لجحيم المجتمع وكلام السكك ،قولي اروح فين ؟!
حضتنتها وانا بحاول اهديها مكنتش متخيل أنها متحمله كل العذاب ده وانا جيت بغبائي زودت وجعها
الإسكريبت الثالث| The third
Comenzar desde el principio
