ပြောရင်း ရှချင်းယန်က ငေါ့တော့တော့ဖြင့် ပြုံးလိုက်သည်။
လူလတ်ပိုင်းအရွယ် ချောချောမောမောရှိသော ယောက်ျားဆိုတာ ရဖို့ခက်သည်။
အနည်းဆုံးတော့ လုချီယွမ်က ကြည့်ကောင်းသေးကာ ဝူကျိကော်က သာမန်ရုပ်ရည်သာရှိ၏။
ပြီးတော့ ရှချင်းဝေကို ဇီဇာကြောင်မယ်လို့ထင်ထားခဲ့တာ..
လုချီယွမ်ကလည်း မရွှင်မပျဖြစ်လာသည်။
သူတို့ကွာရှင်းလိုက်သည်မှာ နှစ်တွေကြာပြီဆိုသော်လည်း ရှချင်းဝေကို နောက်အိမ်ထောင်ပြုလိမ့်မည်ဟု သူ မမျှော်လင့်ထားမိပါချေ။
သူ့မျက်လုံးထဲမှာတော့ အရင်ဇနီးဟာလည်း ဇနီးသည်ဖြစ်နေတုန်းပေမို့ သူတို့ကွာရှင်းပြီးလျှင်တောင်မှ နောက်ထပ်ယောက်ျားတစ်ယောက်ကို မရှာသင့်ပေ။
မဟုတ်ရင် သစ္စာဖောက်သလို သူခံစားမိသည်။
သို့သော် ဝူကျိကော်က အမျက်ခြောင်းခြောင်းထွက်သွားကာ မျက်နှာသည် သကြားမုံလာကဲ့သို့ နီတွတ်သွားပေတော့၏။
“ ခင်ဗျား.. ခင်ဗျားတော်တော်အပေါက်ဆိုးတဲ့မိန်းမပါလား! ကျုပ်အမျိုးသမီးနဲ့ရှောင်ရှနဲ့က လူနာခန်းတစ်ခန်းတည်းမှာဆေးရုံတက်ကြတာ။ လုမန်သူ့မေမေဆီလာတွေ့ပြီးစကားတွေပြောတိုင်း ကျုပ်တို့လည်း နားစွန်နားဖျားတော့ကြားနေရတယ်။ တစ်ခုချင်းဆက်စပ်ကြည့်ဖို့က အလွယ်လေးရယ်။ ခင်ဗျားမှာ အယုတ္တအနတ္တတွေပဲထွက်တဲ့ပါးစပ်ပေါက်ရှိနေတာပဲ! ”ရှချင်းယန်က နှုတ်ခမ်းတွေကိုမဲ့ပစ်ကာ လုမန်ကို အပြစ်ဆက်ဆိုသည်။
“ လုမန် ဒါ နင့်အမှားပဲ စကားကို ဘယ်လိုလုပ်ပြီး မဆင်မခြင်ပြောရတာလဲ။ ဒါ မတော်တဆလား တမင်တကာလား... ”ရှချင်းယန်စကားတွေကို လုချီယွမ်ကြားရလျှင် သူသည် လုမန်က သူတို့တွေကို တမင်တကာပေးနားထောင်သည်ဟု ယုံကြည်သည်။
“ ပြီးတော့ ဒီကအစ်ကိုကြီး ရှင့်အမျိုးသမီးက နေထိုင်မကောင်းဖြစ်နေတာဆိုရင် သူများကိစ္စဝင်ရှုပ်မယ့်အစား ကိုယ့်မိန်းမကိုယ်ပဲ သွားပြုစုပေးသင့်တယ်။ ခုလို ဒေါတွေပွနေတယ်ဆိုတော့ ဧကန္တ ရှင်နဲ့ ရှချင်းဝေတို့... ”
ရှချင်းယန်မျက်နှာပေးကပြောင်းလဲသွား၏။
“ ဟားဟား ရှင့်အမျိုးသမီးက တစ်ခန်းတည်းမှာနေနေတုန်းပဲဆိုတော့ ရှင်တို့ သိပ်ကို မလည်လွန်းဘူးလား ”
![](https://img.wattpad.com/cover/262414174-288-k299144.jpg)
ČTEŠ
ထိုမှစခဲ့သော အချစ်များစွာသည်
RomanceTranslation of ❛ The Long-awaited Mr. Han『韩先生,情谋已久』❜ written by the author As If Dawn『恍若晨曦』. Story Cover is not mine. Full Credit to relevant Owners. " ခေါ်ထားပါနော် ဘာမဆိုလုပ်ပေးပါ့မယ် " သူမ၏ယခင်ဘဝမှာ သစ္စာဖောက်ကောင်နှင့် ညီမဖြစ်သူ၏ မတရားအမှုဆင်မှ...