ရန်နန်ကျူးနဲ့ကုန်းဝူမေ့တို့ကလည်း တိုက်ခိုက်နေတာ ရပ်လိုက်ကြပြီဖြစ်၏။ ကုန်းဝူမေ့က နဉ်ရှုဆီသွားလိုက်သော်လည်း ရန်နန်ကျူးက သူ့ကိုတားလာသည်မို့ သူက ရန်နန်ကျူးကို အေးစက်စွာသရော်၏။
"မင်း အဲ့မိန်းမကိုချစ်သွားတာလား? သူက ငါတို့နတ်ဆိုးဂိုဏ်းရဲ့ မြင့်မြတ်တဲ့အပျိုစင်ဆိုတာ မင်း မမေ့သင့်ဘူး။ မင်းလို သိုင်းလောကခေါင်းဆောင်က တကယ်ကြီးနတ်ဆိုးဂိုဏ်းဝင်ကို ချစ်မိသွားတယ်လား?"
ရန်နန်ကျူးရဲ့အမူအရာက နည်းနည်းလေးပင်ပြောင်းလဲမသွားချေ။
"ငါ့ပစ်မှတ်က မင်းပဲ။ ငါ မင်းကိုသတ်ပြီးတာနဲ့ သူ တစ်ခြားလူတွေကို အန္တရာယ်မပေးနိုင်တော့အောင်လုပ်မှာ။"
"ငါ့ကိုဖြေဆေးပေးစမ်း!"
ကုန်းဝူမေ့က အေးစက်စွာဆိုသည်။ သူ့ရဲ့နီရဲနေတဲ့မျက်လုံးတွေက လူသတ်လိုစိတ်တွေနဲ့ပြည့်နေသည်။ ဆံပင်တွေဝဲလွင့်နေတဲ့သူ့ပုံစံက ငရဲကတွားထွက်လာသလိုပင်။ သူ့ကိုယ်ကို သည်းမခံနိုင်လောက်စရာ သွေးနံ့တွေနဲ့ဆီးနံ့တွေက ဝန်းရံထား၏။
နဉ်ရှုက နောက်ပြန်ဆုတ်သည်။ အခု သူမ ဘာလုပ်သင့်လဲ?
အပြင်က ခြေသံတွေထပ်ထွက်လာချိန်မှာ သူမက ဘယ်လိုထွက်ပြေးရမလဲဆိုတာ စဉ်းစားနေတုန်းရှိသေးသည်။ ခြေသံတွေက အင်မတန်စနစ်ကျလှသော်လည်း အတော်လေးပြင်းထန်၏။
ထို့နောက်တွင်တော့ သံချပ်ကာဝတ်ဆင်ထားတဲ့စစ်ထူချင်းယွီက စစ်သည်တစ်စုကိုဦးဆောင်လျက် လျှောက်လှမ်းလာလေ၏။ စစ်ထူချင်းယွီဝင်လာချိန်၌ လော်ကျွင့်ယန်က အမြီးတက်နင်းခံလိုက်ရတဲ့ကြောင်တစ်ကောင်နှယ် တောင့်တင်းသွားကာ စစ်ထူချင်းယွီကိုအော်သည်။
"မင်းက ဒီကို ဘာကိစ္စလာတာတုန်း?"
စစ်ထူချင်းယွီက လော်ကျွင့်ယန်ဆီလျှောက်သွားကာ သူ့ခေါင်းကိုပွတ်သည်။ စကားပြောလာတဲ့သူ့အသံက ဆွဲဆောင်မှုရှိကာ ပြင်းပြလွန်းတဲ့ချစ်မြတ်နိုးမှုတွေနဲ့ပြည့်နေသည်။
"မင်း ရှန်းကော်ဘုရားကျောင်းကိုသွားတယ်ကြားလို့ မင်းကို ကာကွယ်ဖို့လာခဲ့တာ။"
YOU ARE READING
The Poor Female Lead Can't Take Anymore!(Realm-5)[Myanmar Translation]
RandomName(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : The Poor Female Lead Can't Take Anymore...
Chapter - 140
Start from the beginning
![The Poor Female Lead Can't Take Anymore!(Realm-5)[Myanmar Translation]](https://img.wattpad.com/cover/226727662-64-k546573.jpg)