[Unicode]
{ငါတို့က လိုက်ဖက်ညီတယ်}
ဟယ့်တာ့ဟွားရဲ့မျက်နှာက အရမ်းရှုံ့မဲ့နေတာမို့ နဉ်ရှုမှာ သူ့မျက်လုံးတွေကိုပင် မတွေ့နိုင်တော့တာကြောင့် မေးလိုက်၏။
"ဘာလဲ?"
ဟယ့်တာ့ဟွားက သူမလက်ကိုကိုင်ဖို့ လက်ဆန့်လာသည်မို့ သူမက သူ့လက်ထဲကို လက်ဖက်ရည်တစ်ခွက် ထိုးပေးလိုက်သည်။
"မိန်းမလှလေး၊ ကိုယ်တို့က အရမ်းလိုက်ဖက်မှတော့ မင်း ဘာလို့ ကိုယ့်ကို လက်မထပ်တာလဲ? ကိုယ်တို့အကျင့်စရိုက်တွေကလည်း အတော်လေးတူညီတယ်လို့ ကိုယ်ခံစားမိတယ်။ ကိုယ်တို့က အရမ်းကိုလွတ်လပ်ပြီး အေးအေးလူလူနေတတ်ကြတဲ့အပြင် ကိစ္စအသေးအမွှားလေးတွေကို ငြင်းခုံရန်ဖြစ်တတ်တဲ့လူတွေလည်းမဟုတ်ဘူးလေ။"
ဟယ့်တာ့ဟွားက နဉ်ရှုရဲ့မျက်ဝန်းတွေကို အသက်တစ်ရှိုက်စာမျှ ရိုးသားစွာကြည့်လိုက်ပြီးနောက် ငိုကြွေးလေ၏။
"ကိုယ့်အဖေက ကိုယ့်ကို လက်ထပ်စေချင်နေတယ်။ ကိုယ် လက်မထပ်ရင် သူက ကိုယ့်ကို ရွာပြင်ကန်ထုတ်လိမ့်မယ်။"
နဉ်ရှုက သူမရဲ့နှုတ်ခမ်းတွေကို ရွံရှာစွာတွန့်ကွေးလိုက်သည်။
"ကျွန်မတို့က ဘယ်တုန်းကများ လိုက်ဖက်ညီသွားကြတာလဲ? အများဆုံးမှ ကျွန်မတို့က ဆိုးဖော်ဆိုးဖက်တွေ၊ အရက်သောက်ဖော်တွေနဲ့ ခင်မင်ရင်းနှီးတဲ့သူတွေပဲကို။ ကျွန်မကို ရှင့်ကိုလက်ထပ်ဖို့ပြောတာက ဘာသဘောလဲ?"
"ရှင် နည်းနည်းလောက်ပိုပြီး ကျိုးကြောင်းချင့်ချိန်မပေးနိုင်ဘူးလား?"
နဉ်ရှုက စိတ်ရှုပ်နေသည့်လေသံဖြင့် ဆက်ပြော၏။
"ရွာထဲမှာ ရှင်ရွေးလို့ရနိုင်တဲ့ မိန်းကလေးတွေ အများကြီးရှိတာပဲ။"
"ပြီးတော့ ရှင်က အရမ်းရုပ်ဆိုးတယ်၊ အဲ့ဒါက ကလေးတွေအပေါ် သက်ရောက်သွားရင် ဘယ့်နှယ်လုပ်မတုန်း?"
နဉ်ရှုက ကောင်းကောင်းကြီးထိုးနှက်ကာ အဆုံးသတ်လိုက်သည်။
ဟယ့်တာ့ဟွားက သူ့ရဲ့ဆင်နှာမောင်းလိုတုတ်ခိုင်တဲ့ပေါင်ကိုပုတ်ကာ ရယ်သည်။
YOU ARE READING
The Poor Female Lead Can't Take Anymore!(Realm-5)[Myanmar Translation]
RandomName(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : The Poor Female Lead Can't Take Anymore...
![The Poor Female Lead Can't Take Anymore!(Realm-5)[Myanmar Translation]](https://img.wattpad.com/cover/226727662-64-k546573.jpg)