Unicode
ဒီတော့ ခင်ဗျားက သစ္စာဖောက်ပေါ့?
____________
နဉ်ရှုက ကုန်းဝူမေ့အနားမှာရပ်ကာ တိုက်ခိုက်နေသည့်နှစ်ဖက်ကို ကြည့်နေ၏။ ကုန်းဝူမေ့ရဲ့အတွင်းအားက ပိုပိုပြီးကမောက်ကမဖြစ်လာတာကို နဉ်ရှု ခံစားမိနေပြီး သူ အကြာကြီးတောင့်မခံနိုင်တော့ဘူးဆိုတာ သိနေသည်။
သူက ဘာကိုမှဂရုမစိုက်တော့ဘဲ သူ့အတွင်းဒဏ်ရာတွေကိုဖိနှိပ်ဖို့ သူမကို အခုဒီနေရာမှာပဲ တွန်းချလိုက်မည်ကို သူမ ကြောက်နေခဲ့သော်လည်း ကုန်းဝူမေ့သည်တော့ ထိုသို့သောအစီအစဉ်မျိုးရှိပုံမပေါ်။ သူ ခဏလောက်လေးစိတ်ပျံ့လွင့်လိုက်တာနဲ့ အသတ်ခံရနိုင်သည်မို့ ဒါကလည်း နားလည်လို့ရပါသည်။
ရန်နန်ကျူးက ဓားကို လက်ထဲမှာကိုင်ထားရင်း နဉ်ရှုကိုကြည့်လာသည်။
"မင်းက ဘယ်သူလဲ? ကုန်းဝူမေ့ ပြန်ပေးဆွဲတာ ခံထားရတာလား?"
နဉ်ရှုမှာ ခေါင်းငြိမ့်ကာဖြင့် နောက်ထပ်ဇာတ်လမ်းတစ်ပုဒ်လုပ်ကြံပြောကာနီးမှာပဲ ကုန်းဝူမေ့က သူမကို သူ့လက်မောင်းတွေကြားဆွဲပွေ့လိုက်၏။ ချက်ချင်းဆိုသလိုပင် သူမမှာ ရွံစရာကောင်းလှသည့် ချဉ်စုပ်စုပ်သေးနံ့တို့ဖြင့် ရစ်ပတ်ခြင်းခံလိုက်ရသည်။ သူမက လွတ်အောင်ရုန်းဖို့ကြိုးစားပေမယ့် ကုန်းဝူမေ့က သူမကိုလွှတ်ပေးဖို့ ငြင်းဆန်နေသည်။
သူက ရန်နန်ကျူးကို အေးစက်စွာပြုံးပြလိုက်ရင်းဆို၏။
"ငါ သူ့ကိုပြန်ပေးဆွဲလာတာမဟုတ်ဘူး။ သူ့ကို ဂိုဏ်းက အမြဲပိုင်တယ်။ သူက ငါတို့ဂိုဏ်းရဲ့ မြင့်မြတ်တဲ့အပျိုစင်ပဲ။"
နဉ်ရှု : ဖူးးး...
သူမက ဘယ်လိုလုပ် နတ်ဆိုးဂိုဏ်းရဲ့ မြင့်မြတ်တဲ့အပျိုစင်ဖြစ်လာရတာလဲ?
နဉ်ရှုက ရန်နန်ကျူးဘက်လှည့်ကာ သူမရဲ့အသက်လေးက အဲ့ကိစ္စအပေါ်မူတည်နေသလိုမျိုး ခေါင်းယမ်းပြလိုက်ပေမယ့် ကုန်းဝူမေ့က သူမနားထဲတီးတိုးပြောလာသည်။
"ငါပြောသလိုမလုပ်ရင် ငါ မင်းကို အခုချက်ချင်းသတ်ပစ်မယ်။"
YOU ARE READING
The Poor Female Lead Can't Take Anymore!(Realm-5)[Myanmar Translation]
RandomName(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : The Poor Female Lead Can't Take Anymore...
![The Poor Female Lead Can't Take Anymore!(Realm-5)[Myanmar Translation]](https://img.wattpad.com/cover/226727662-64-k546573.jpg)