The Poor Female Lead Can't Take Anymore!(Realm-5)[Myanmar Translation]
Table of contents

    YOU ARE READING

    The Poor Female Lead Can't Take Anymore!(Realm-5)[Myanmar Translation]

    Random

    Name(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : The Poor Female Lead Can't Take Anymore...

    #action-adventure #comedy-drama #historical #ningshu #romance #system #transmigration #wuxia

    Chapter - 139

    Start from the beginning 
                                        
    
                                              
    ရန်နန်ကျူးက နဉ်ရှုကိုကြည့်လာသည်။
    
                          
    "မင်းစိတ်ထားလေးက မဆိုးပါဘူး၊ ဘာလို့ နတ်ဆိုးဂိုဏ်းရဲ့မြင့်မြတ်တဲ့အပျိုစင်လုပ်ဖို့ရွေးချယ်ပြီး မကောင်းတဲ့ဘက်ကိုကူညီရတာလဲ?"
    
                          
    နဉ်ရှု : ...
    
                          
    ထွက်သွားစမ်း။ ငါ နင့်ကို စကားမပြောချင်ဘူး။
    
                          
    နဉ်ရှုတစ်ယောက် ရှန်းကော်ဘုရားကျောင်းရှိရာ တောင်ခြေကိုရောက်ချိန်မှာတော့ သူမမှာ ချိုင်းထောက်နှင့်ဖြစ်နေပြီဖြစ်ကာ သူမရဲ့ဖိနပ်တွေကလည်း စုတ်ပြဲနေတာမို့ ခြေချောင်းလေးသုံးချောင်းပင်ထွက်နေ၏။ သူမရဲ့မျက်နှာမှာ ဖုန်တွေကပ်နေပြီး လုံးဝသနားစရာကောင်းနေတော့သည်။
    
                          
    နဉ်ရှုမှာ အင်မတန်မှပင်ခါးသီးလို့နေ၏။ ဒါက တိုက်ခိုက်နိုင်စွမ်းမရှိတာရဲ့ရလဒ်ပဲ။ သူမသာ သိုင်းတတ်ရင် ရန်နန်ကျူးနဲ့ယှဉ်တိုက်ပြီး အေးအေးဆေးဆေးလေးထွက်သွားလို့ရတယ်။ ရှန်းကော်ဘုရားကျောင်းကိုရောက်ဖို့ သူနဲ့အတူ ခရီးရှည်ကြီးသွားပြီး ဒုက္ခခံရမှာမဟုတ်ဘူး။
    
                          
    "သူ မင်းကို ဘယ်နားမှာတွေ့ချင်တယ်လို့ ကုန်းဝူမေ့ပြောခဲ့လဲ?"
    
                          
    ရန်နန်ကျူးကမေးသည်။ လက်ရှိတွင်တော့ သူသည်လည်း အင်မတန်သနားစရာကောင်းသည့်အနေအထားတွင်ရှိနေ၏။ သူ့ရဲ့အပြာရောင်သိုင်းဝတ်စုံက ရွှံ့တွေပေလူးနေပြီး သူ့ဖိနပ်ကလည်း အရမ်းကိုညစ်ပတ်နေတာမို့ နဂိုအရောင်ကိုပင်မပြောနိုင်တော့။ သူ့ဆံပင်တွေကလည်း ညစ်ပတ်နေပြီး ဆံပင်မျှင်တွေအားလုံးက စုကပ်လုံးထွေးနေကြသည်။
    
                          
    နဉ်ရှုက နူးညံ့စွာဆိုလေ၏။
    
                          
    "ကုန်းဝူမေ့က ကျွန်မတို့ ဘယ်မှာတွေ့ကြမယ်ဆိုတာကို ဘာမှမပြောခဲ့ဘူးရယ်။ ကျွန်မတို့ ရှန်းကော်ဘုရားကျောင်းမှာပဲ စောင့်ကြရမှာလားပဲ။"
    
                          
    ရန်နန်ကျူးက ခေါင်းငြိမ့်လိုက်ပြီးနောက် နဉ်ရှုကိုမေးသည်။
    
                          
    "ကုန်းဝူမေ့လာရင် မင်း ကုန်းဝူမေ့နဲ့ထွက်သွားပြီး သူ မကောင်းမှုတွေကျုးလွန်တာကို ဆက်ကူညီပေးနေဦးမှာလား?"
    
                          
    နဉ်ရှုက ချက်ချင်းပင်လက်ထောင်ကာ ကျိန်ဆိုသည်။
    
                          
    "ကျွန်မ ကုန်းဝူမေ့ကို မကောင်းမှုတွေကျူးလွန်ဖို့ ဘယ်တော့မှမကူညီတော့ဘဲ နတ်ဆိုးဂိုဏ်းကိုလည်း မပြန်တော့ဘူးလို့ ကျိန်ဆိုပါတယ်။ မဟုတ်ရင် ကျွန်မ အသေဆိုးနဲ့သေပါစေ။ သိုင်းလောကခေါင်းဆောင်၊ ဒါဆို ရပြီလား?"
    The Poor Female Lead Can't Take Anymore!(Realm-5)[Myanmar Translation]Where stories live. Discover now