The Poor Female Lead Can't Take Anymore!(Realm-5)[Myanmar Translation]

YOU ARE READING

Random

Name(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : The Poor Female Lead Can't Take Anymore...

#action-adventure #comedy-drama #historical #ningshu #romance #system #transmigration #wuxia

Chapter - 109

Start from the beginning

by Dancing_Breeze

နတ်ဆေးသမားတော်က ညင်သာစွာပြောလာသည်။

"မင်းက မိန်းမတစ်ယောက်ဖြစ်နေလို့။"

ပြိုလဲသွားရပြီ!!

ဒါ ဘယ်လိုအကြောင်းပြချက်ကြီးလဲ? ဒါက လိင်ခွဲခြားဆက်ဆံတာပဲ! အေးပါ၊ ကောင်းပြီလေ၊ ဒီအကြောင်းပြချက်က ခိုင်မာလွန်းတယ်၊ သူမ ဘယ်လိုပြန်ချေပရမလဲဆိုတာတောင် မသိတော့ဘူး။

နတ်ဆေးသမားတော်မှာ နှလုံးအားနည်းတဲ့ရောဂါရှိနေတာကို သိသွားပြီးနောက် နဉ်ရှုမှာ သူ့ကိုထပ်မရှုပ်ရဲတော့။ သူမက သူ့အတွက် နှလုံးအားဆေးတစ်ချို့လုပ်ပေးရန်ဆုံးဖြတ်လိုက်သည်။ သူက သူမကို ကောင်းကောင်းမွန်မွန်ဆက်ဆံတယ်လို့ခံစားရတာမို့ သူမကလည်း သူ့ကို ကောင်းကောင်းမွန်မွန် ဆက်ဆံသင့်သည်လေ။ ကျေးဇူးတရားနှင့် မလိုမုန်းထားမှုတို့ကို ထပ်တူပြန်ပေးဆပ်ဖို့ဆိုသည်မှာ သူမ၏ဆောင်ပုဒ်ပင်ဖြစ်၏။

နှလုံးအားဆေးဖော်စပ်ရာမှာ အရှားပါးဆုံးပါဝင်ပစ္စည်းက ဂျင်ဆင်းပင်။ ဂျင်ဆင်းကို လူတွေရဲ့အရေးအကြီးဆုံးအစိတ်အပိုင်းတွေ အားကောင်းလာစေဖို့ ဆေးထဲမှာအမြဲထည့်သွင်းအသုံးပြုတတ်ကြသည်။ ထို့အတွက် နဉ်ရှုက တောင်ပေါ်မှာ ဂျင်ဆင်းလေးများရနိုင်မလားလို့ သူမရဲ့ကံကိုစမ်းကြည့်ရန်ပြင်ဆင်ကာ ဝါးခြင်းကလေးကို သူမကျောပေါ်မှာလွယ်လိုက်သည်။ ဂျင်ဆင်းကိုရဖို့ အဲ့လောက်မလွယ်ကူနိုင်တာမို့ ဒီခရီးက အချည်းနှီးဖြစ်နိုင်တယ်ဆိုတာကိုလည်း သူမ သိနေသည်။

သို့သော်လည်း သူမမှာ ခြူးတစ်ပြားမှမရှိတော့ဘဲ ယွဲ့လန်၊ လျှို့ဝှက်သက်တော်စောင့်တို့နဲ့လည်း အတက်အသွယ်ပြတ်သွားပေပြီ။ ကံကောင်းချင်တော့ သူမ ယွဲ့လန်ကို သူမပိုင်တာတွေ တစ်ဝက်ခွဲပေးခဲ့သည်မို့ ယွဲ့လန်နဲ့လျှို့ဝှက်သက်တော်စောင့်တို့ အဆင်ပြေနေလောက်သည်။ သူမတို့တွေ ဘယ်အချိန်မှများ ပြန်တွေ့ကြရမလဲဆိုတာကို သူမ မသိရုံလေးသာဖြစ်၏။

"မင်း ဘယ်သွားမလို့လဲ?"

နဉ်ရှုက ဝါးခြင်းလေးလွယ်ထားသည်ကိုမြင်သည်၌ နတ်ဆေးသမားတော်က မေးလာသည်။