قصص مهدوية

البارت السادس🌼

كان رفيقاً لصاحب الزمان لعشر سنين، لكن...😔

السـلام عليك يا سيد قلبي يا صـاحب❤
الزمـان🌿
مولآي لاتتركني أضيع في هذا العالـم❤

ينقل احد الشيوخ ، يقول قبل عدة سنوات في منطقة الدغارة توقفتُ على بائع العطور لاشتري لنفسي عطرا وبجواره رجل شيبة جليل وقور محترم ، لمَّا رأني اقبلتُ على صاحب العطور اشار اليه ان اقبل إليه  ..
كال : شيخنا اكعد.
كال : شيخنا شتريد تشتري ؟؟
كتله : اريد اشتريلي عطر.
كال : يا عطر راح تشتريه ؟؟
اني عادة اخذ عطر الحضرة (امير المؤمنين عليه السلام) من انزل للبصرة افارق امير المؤمنين اشتري عطر الحضرة حتى دائما اتذكر علي بن ابي طالب روحي له الفداء.

كالي: لا لا تشتري عطر الحضرة ،اشتري فلان عطر !
كتله: هذا العطر قوية ما اتحمله لان عندي حساسية من هذا العطر.
كالي : والله العظيم اذا تأخذه ما تخسر شي !!
كتله: عمي والله ما كدر اخلي منه لان كلش قوية واني عندي مرض بالجلدية .
كالي : والله ما تخسر شي بالعكس راح اخدمك خدمة جليلة قربة إلى الله تعالى إذا تجيب من هذا العطر!
هسه ما اتذكر شنو اسم العطر من سوء حظي 😔😔😭
رحت اشتريت هذا العطر ورجعت كعدت بصفه خليت العطر اكبالنا لان اني ما أبالي اخلي من عنده
كالي : تدري ليش كتلك تخلي من هذا العطر !؟؟
كتله : لا والله !!
كال: هذا العطر يخلي من عنده صاحب الزمان 😔
كتله : حجي اشلون يخلي من عنده صاحب الزمان!!؟
كال: عمي اني رجال جبير هسه عمري 70سنه قبل سنوات مو اهواي .
كتله : بلي
كال : يوم الي جان عمري 10 سنوات عندي محل مال بيع العطور .
كتله : بلي
كال: تعرفت على صاحب الزمان واني عمري 10 سنوات من (10سنوات لـ20 سنه) جنه اني وصاحب الزمان اشلون الاخوان والأصدقاء بضبط

كتلة : اشلون يعني حجي ؟؟
كال: جنت كل صلاة اصليها وراه ، وكل زيارة جنه نروح اني وياه سوه الناس يدرون بي هذا صاحبي بس مايدرون هذا صاحب الزمان 😔😭
كتله : كمل لي حجي .
كال:جنه نروح لزيارة الاربعين سوه لزيارة الشعبانية سوه لكربلاء بالرجبية جنة نروح سوة للأمير .

واني أخذني البجي 😭😔
كتله : هنيالك حجي 😔💔
كال: لا شهنيالي.
كال : من جانوا اهلي يودون وراي واني بالمحل جان يكلي لا تسد المحل روح انت لاهلك واني ابقى اكعد بمكانك.
كال: يوم من الأيام جنت كاعد بالمحل اجت أبنيه جدا جميلة بس رفعت راسي والله  يمكن لثانيتين فقط بس  بهاي رفعت الرأس هي شالت رأسها وعاينتها و دخلت ابكلبي و حبيتها ، بس من دخلت بكلبي نزلت راسي كلت فشله  عيب "استغفر الله ربي واتوب إليه "
بعتلها العطر وراحت !

يوم ، يومين ، ثلاثة أيام ، صاحب الزمان ما بين بعد 😭💔
اروح لمكان الي جنه نصلي بيها ما الكي ! ، اروح لبيته الي جنت اروح يمه اصلا البيت مموجود نهائياً ، ثلاث اشهر اني على هاي الحال  لا ليلي ليل ، ولا نهاري نهار ، ولا نومي مثل الوادم ، ولا اكلي مثل الوادم ، ولا طلعتي مثل الوادم نحُل جسمي حتى صرتُ كالخيال .
كتله : اي
كال: ذاك اليوم ردت اطلع على باب الله وافتح الدكان ، لكيت انسان واكف على باب المحل  شكله جدا غريب وهيبة وبهاء وبنفس الوقت يخوف بس وصلت يم المحل كتله تفضل أمر خدمه رايد شي؟
كال: لا ما ما رايد شي بس باوعلي باستهزاء ، باوعلي كأني شيء جدا حقير ، كلي لا مارايد شي بس اجيت اكلك صاحب الزمان 😭
كال : بس سمعت باسم صاحب الزمان كعدت على كاع كتله وينه ؟؟؟
صارلي ثلاث اشهر اتاني وين راح 😔😭؟؟؟؟
بس كلي وينه والله لا ليلي ليل، ولا نهاري نهار، ولا اكلي مثل الوادم والله راح اموتن 😭
كال: خل اكملك
كتله : اي كمل
كال: صاحب الزمان يكلك [ ان العين التي نظرت بها إلى الحرام للحظة واحدة لا تستحق أن تنظر الى نور الله الاعظم] 😭😔

قناة قصص لقاء صاحب الزمان
https://t.me/mhdar2