The Poor Female Lead Can't Take Anymore!(Realm-5)[Myanmar Translation]

YOU ARE READING

Random

Name(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : The Poor Female Lead Can't Take Anymore...

#action-adventure #comedy-drama #historical #ningshu #romance #system #transmigration #wuxia

Chapter - 95

Start from the beginning

by Dancing_Breeze

သူမက လမ်းလျှောက်လာကာ ရွာလူကြီးကို ချိုမြိန်စွာပြုံးပြသည်။

"ရွာလူကြီးရှင့်၊ ကျွန်မရဲ့ဝမ်းကွဲအစ်ကိုကို ရွာလူကြီးရဲ့ဂရုစိုက်ပေးမှုအောက်မှာ ထားခဲ့ပါတော့မယ်။ ဒါက ကျွန်မ ဝမ်းကွဲအစ်ကိုအတွက် ပြင်ပေးထားတဲ့ တင်တောင်းပစ္စည်းပါ။ ဝမ်းကွဲအစ်ကိုရဲ့အသက်ကိုကယ်ခဲ့တဲ့ဂျင်ဆင်းက ရှင့်ရဲ့ တန်ဖိုးအရှိဆုံးအရာလို့ ကျွန်မကြားလိုက်ရလို့ နောက်ထပ် ဂျင်ဆင်းတစ်ခုထပ်ဝယ်ပေးဖို့ မြို့ကို လူတစ်ယောက် အထူးတလည်စေလွှတ်လိုက်တာပါ။"

နဥ်ရှုက ယွဲ့လန်လက်ထဲက ဂျင်ဆင်းကိုယူကာ ရွာလူကြီးဆီလွှဲပေးလိုက်သည်။ ရွာလူကြီးက သေတ္တာကိုဖွင့်လိုက်ပြီး ဂျင်ဆင်းရဲ့အရည်အသွေးက သူ့မှာရှိတဲ့တစ်ခုနဲ့ သိပ်မကွာခြားတာကိုတွေ့တဲ့အခါ သူ့မျက်နှာထက်မှာ ပျော်ရွှင်မှုက ချက်ချင်းတောက်ပလာ၏။

"ကောင်းပါပြီ၊ ကောင်းပါပြီ၊ အရမ်းကြီး ယဥ်ကျေးနေစရာမလိုပါဘူး။ ဦးလေးတို့က တစ်မိသားစုတည်းပဲလေ၊ ဦးလေးတို့အားလုံးက မိသားစုတွေပါပဲ။"

ဂျင်ဆင်းကို ဝမ်ရူဟွားမြင်တဲ့အခါ သူ့မျက်လုံးတွေက နီရဲသွားကာ သူကပြောလာသည်။

"အရင်က မင်း ဘာလို့ ဂျင်ဆင်းကိုမထုတ်တာလဲ? ဘာလို့လဲ? ဘာလို့လဲ!?"

ပိုင်ချင်ရှန်းသာ ဂျင်ဆင်းကိုစောစောထုတ်လာခဲ့ရင် သူ ဟယ့်ရှောင်ဟွားကို လက်ထပ်ရမှာမဟုတ်သလို ဒီလိုအရှက်ကွဲရမှာလည်းမဟုတ်ဘူး။

သူ(နဉ်ရှု)က ဂျင်ဆင်းကို ဟယ့်မိသားစုဆီ ဒီအတိုင်းပြန်ပေးလိုက်သင့်တာ! သူ(နဉ်ရှု) ဒီလိုလုပ်ရင် ဂျင်ဆင်းလေးတစ်ခုတည်းအတွက်နဲ့ သူ ဒီလိုကြောက်စရာအကြပ်အတည်းထဲ ကျမှာမဟုတ်ဘူး။

နဉ်ရှုက စိတ်ထဲကြိတ်ကာဆိုသည်။ ဘာလို့လဲဆိုတော့ အဓိပ္ပာယ်မရှိ ရုန်းကန်နေတဲ့ နင့်ပုံစံကို ငါသဘောကျလို့လေ။

နဉ်ရှုက အံ့အားသင့်သွားသလို ဟန်ဆောင်လိုက်သည်။

"အရင်က ညီမမှာ ဂျင်ဆင်းမရှိဘူးလေ။ ညီမက အစ်ကိုလက်ထပ်တော့မှာမို့ ဂုဏ်ပြုလက်ဆောင်အနေနဲ့ပေးရအောင်ဆိုပြီး ဒါကိုဝယ်ဖို့ လူလွှတ်လိုက်တာ။ ဝမ်းကွဲအစ်ကို၊ ညီမ အမှားလုပ်မိလို့လား?"