The Poor Female Lead Can't Take Anymore!(Realm-5)[Myanmar Translation]

YOU ARE READING

Random

Name(s) : Quick Transmigration Cannon Fodder's Record of Counter Attack Ning Shu 快穿之炮灰女配逆袭记 Author(s) : Hen Shi Jiao Qing(很是矫情) E-translator(s) : Butterfly's Curse Realm Title : The Poor Female Lead Can't Take Anymore...

#action-adventure #comedy-drama #historical #ningshu #romance #system #transmigration #wuxia

Chapter - 90

Start from the beginning

by Dancing_Breeze

နဉ်ရှုမှာ ငွေအများအပြားရှိသော်လည်း ညကြီးသန်းခေါင်မှာ ဂျင်ဆင်းဝယ်ဖို့ကတော့ ခက်လောက်သည်။ ဒါ့အပြင် ဂျင်ဆင်းက လိုချင်တာနဲ့ ငွေပေးချေ‌ပြီး ဝယ်လို့ရတဲ့ သာမန်ပစ္စည်းမျိုးမဟုတ်ချေ။ အဓိကအကျဆုံးကတော့ နဉ်ရှုက သူမရဲ့ငွေတွေကို ဝမ်ရူဟွားအတွက် မသုံးချင်ပေ။

ထို့အတွက် အမျိုးသားဇာတ်လိုက်တစ်ယောက်က လွယ်လွယ်နဲ့သေမှာမဟုတ်ဘူးဆိုတာကို သူမက ခိုင်မာစွာယုံကြည်ထားလေ၏။

"ငါ့တို့အိမ်မှာ ဂျင်ဆင်းရှိတယ်။"

ဟယ်တာ့ဟွားက ဆိုသည်။

ဟယ့်တာ့ဟွားပြောတာကို ဝမ်ရူဟွားကြားတဲ့အခါ သူက ဟယ့်တာ့ဟွားကို ခါတိုင်းလို အထင်သေးမှုတွေမလုပ်တော့ဘဲ တိုးလျှိုးတောင်းပန်သည့်ဟန်ဖြင့် ကြည့်၏။

"ငါတို့အိမ်ကိုသွားပြီး ငါ့ညီမကို ဂျင်ဆင်းယူခဲ့ဖို့ပြောလိုက်။"

ဟယ့်တာ့ဟွားက ရွာသားတစ်ယောက်ကိုပြောသည်။

နဉ်ရှုက ဟယ့်တာ့ဟွားကို ကြည့်သည်။ သူက ဝမ်ရူဟွားကိုကယ်ဖို့ ဂျင်ဆင်းကိုသုံးရလောက်အောင်အထိ ဘယ်တုန်းကများ အရမ်းရက်ရောသွားရတာလဲ? ဒါက အနောက်ဘက်ကနေထွက်လာသလိုမျိုး မယုံနိုင်စရာပဲ။

သမားတော်က ဝမ်ရူဟွားရဲ့ဒဏ်ရာကို ပတ်တီးစည်းပေးထားပြီး သွေးတိတ်စေတဲ့ဆေးပင်တွေကလည်း အာနိသင်သက်ရောက်မှုရှိတာမို့ သူ့ဒဏ်ရာက သွေးထွက်နေတာ ရပ်သွားပြီဖြစ်၏။ သို့သော်လည်း ဝမ်ရူဟွားမှာ ယခုအချိန်ထိ သေမင်းတံခါးဝမှာရောက်နေသေးသလို ခံစားနေရရှာသည်။

ခဏအကြာ၌ ကသောကမျောလျှောက်လာသည့် ခြေသံများထွက်ပေါ်လာသည်။ ဟယ့်ရှောင်ဟွားက အလောတကြီးဝင်လာ၏။ သူမပုံစံက အနည်းငယ်ဖရိုဖရဲဖြစ်နေသည်။

ဝမ်ရူဟွားတစ်ယောက် သေလူလိုဖြူဖျော့နေသောမျက်နှာဖြင့် ကုတင်ပေါ်လှဲနေရသည်ကိုမြင်သည်၌ ဟယ့်ရှောင်ဟွားက ဂျင်ဆင်းထည့်ထားသည့်သေတ္တာကို အလျင်စလိုထုတ်လိုက်သည်။ ဂျင်ဆင်းက လက်မတစ်ချောင်းနှယ်အသားထူကာ အမြစ်တွေက သေသပ်သည်။ ဂျင်ဆင်းမှာ အလွန်ပင်အရည်အသွေးမြင့်သောဂျင်ဆင်းဖြစ်ပေ၏။