The Kiss Next Door (Unang Pinto)

Chapter 49

Nakaupo ako sa couch at nag-open ng Food Panda. Hindi ako gutom pero baka kasi gutom si Blue. Hanapan ko na lang siya ng pagkain para maka-order na in advance.

"Ano gusto mong kainin?" tanong ko sa kaniya. "Padeliver tayo."

"Akala ko ba busog ka pa?" tanong niya.

"Baka kasi gutom ka na. Sige na. Ano gusto mo?"

"Pizza na lang."

"Okay. Sa aling shop?"

"Kahit saan."

Naghanap na lang ako ng pizza na masarap tingnan. Gusto ko magtry ng iba namang brand.

Habang naghihintay sa delivery, nagphone na lang muna ako. Gusto ko sanang mag-TV kaso baka maistorbo ko si engineer. Kaya phone na lang muna.

After a few minutes, I saw Blue standing up from my peripheral view.

"Wala pa yung pizza?" tanong niya habang papunta sa puwesto ko.

"Wala pa. Preparing your food pa," sabi ko nang macheck sa app kung ano nang nangyari sa order namin. "Tapos ka na?" tanong ko at tumingala. Sinundan ng mga mata ko ang pag-upo niya sa tabi ko.

"Yes. One subject lang naman," he said and then he planted a quick kiss on my cheek.

Kahit natural na sa akin ang mga biglaang halik niya, di mapagkakailang may mga paru-paro pa rin sa tiyan ko kapag dumadampi ang labi niya sa mukha ko.

"Babe, pakikuha ng remote," he said naturally at tinuro ang remote na nasa kilid ko. Kinuha ko naman ito at matagal bago rumehistro ang pangalang tinawag niya sa akin.

"Babe? Yun na tawagan natin?" tanong ko sabay bigay nung remote.

"I was just testing that. We can change it. Whatever sounds comfortable for you," sagot niya.

"Lahat ng kilala kong babe ang tawagan, naghiwalay."

"Seriously?"

"Oo. Si Jaz at Drake noon, babe ang tawagan. Yung cousin ko at ang ex niya, babe din ang tawag sa isa't isa noon. Si Archie, lahat ng kafling-fling niya, babe ang tawag niya. Lahat iyon, di niya nakatuluyan."

"Wala naman iyan sa tawagan eh," sagot niya.

Hindi namin naituloy ang usapan kasi tumawag ang rider ng Food Panda. Binigyan ko ng instructions si Kuya Rider at di nagtagal, dumating na ang order naming pizza.

Nawala na sa usapan namin yung endearment kasi nanood na kami ng movie habang kumakain nung inorder namin. Ako ang nakaubos nung pizza na para bang ako yung gutom.

Nakasandal lang ako sa balikat ni Blue habang pinapanood namin ang movie. Umabot na sa kalagitnaan nang palabas pero hindi ko pa rin magets ang mga pangyayari.

"Ba't wala akong maintindihan? Ba't parang may kulang, nagskip ba tayo?" seryoso kong tanong.

"Part two na kasi 'yan."

"Part two? Ba't di mo sinabi?"

"Ikaw kaya nagpili. So, akala ko alam mo na."

I frowned. Langya. Kaya pala may mga di ako nagegets kasi part two na pala 'to.

"Iba na lang panoorin natin," suhestyon ko.

Habang pumipili ako ng movie, I felt Blue's lips on my bare shoulder. "Dito ka magdidinner?" tanong niya na may malambot na tingin sa akin.

"Di na siguro. Uwi na ako mga 6pm."

He frowned. "Ang aga naman," mahina niyang tugon.

"Okay. 7pm," sabi ko.