“ မင်း သစ္စာဖောက်တယ် ”
ဟဲကျိန့်ပိုင်က လုမန်ကို လက်ညှိုးငေါက်ငေါက်ထိုးလို့ . .၊
“ မင်း ငါ့ကို လှည့်စားနေတာ ဘယ်လောက်တောင်ကြာပြီလဲ ”လုမန် ပေါ့ပါးစွာ ပြုံးလိုက်သည်။
“ နင် လုချီနဲ့ဖောက်ပြန်တာလောက်တော့ မကြာသေးပါဘူး ”ဟိုတယ်မန်နေဂျာရော ဝန်ထမ်းပါ လုချီကို အပြိုင် ကြည့်မိသွား၏။
လက်ရှိမှာ လုချီက လူကြိုက်များနေသော မင်းသမီးပေါက်စ ဖြစ်ကာ မီဒီယာတွေက လှုပ်ရှားမှုတိုင်းကို စောင့်ကြည့်နေကြသည့်အတွက် အချစ်ရေးဆိုလျှင် ပြောစရာပင်မလို။
ခု လုမန်က လုချီနဲ့ ဟဲကျိန့်ပိုင်တို့တွဲနေတယ်တဲ့!
“ ဘာမဟုတ်တာတွေ လျှောက်ပြောနေတာလဲ ”
ဟဲကျိန့်ပိုင်မျက်နှာပြောင်းလဲသွားသည်။လုချီမျက်နှာတောင်မှ တင်းမာသွားလို့. .၊
ဟဲကျိန့်ပိုင်နဲ့ သူမရဲ့ဆက်ဆံရေးကို အားလုံးသိသွားလည်း ကိစ္စမရှိပေမယ့် အခုက အချိန်ကောင်းမှ မဟုတ်ဘဲ။အခုနေ လူတွေသိသွားရင် သူမက ကြားလူဖြစ်သွားမည်။
“ ဒါဆို ငါကလိမ်နေတာပေါ့ ဟုတ်လား ”
ဟန်ကျိုးလီက လွှတ်ပေးမှာမဟုတ်တော့ သူမလည်း သူ့ရင်ခွင်ကို မှီရင်း ပခုံးကို ဖမ်းဆုပ်ထားလိုက်သည်။ဘယ်လိုပဲဖြစ်ဖြစ် ဒီကိုယ်လူချောကို အခွင့်အရေးယူလို့ရနေတာမို့ အရှုံးတော့ မရှိပါ. .၊
“ လောလောဆယ် ငါ့ညီမလေးဝတ်ထားတဲ့ဆွဲကြိုးက နင်သူ့ကို ပေးထားတဲ့ဟာလေ၊ ဆွဲသီးရဲ့နောက်မှာ နင်တို့နှစ်ယောက် တွေ့တဲ့နေ့နဲ့ နာမည်တွေကို ထွင်းထားတယ်၊ သေချာအောင် ချွတ်ပြီးတော့ စစ်ကြည့်လိုက်ပါလား . . ”
လုမန် အကြံပြုလိုက်သည်။ခု ပြန်တွေးကြည့်လိုက်မှ အတိတ်ဘဝမှာ တော်တော်မိုက်ခဲ့မှန်း သိသည်။
နှစ်ယောက်စလုံးမှာ သက်သေအထောက်အထားတွေပေါလို့ပွလို့နေတာတောင် သူမဆိုတာက မျက်ကန်းတစ္ဆေပမာ အရှေ့မှာရှိနေသည့် သက်သေကို မမြင်ခဲ့ပေ။
ခုတော့ အားလုံးကို သိနားလည်လိုက်ပြီ။
သူ့ကို အသုံးချလို့ရမယ့် သက်သေကြီးချန်ခဲ့တဲ့ ဟဲကျိန့်ပိုင်ဟာ ဘယ်လောက်တောင် စဥ်းစားဉာဏ်မရှိလိုက်သလဲ။
![](https://img.wattpad.com/cover/262414174-288-k299144.jpg)
YOU ARE READING
ထိုမှစခဲ့သော အချစ်များစွာသည်
RomanceTranslation of ❛ The Long-awaited Mr. Han『韩先生,情谋已久』❜ written by the author As If Dawn『恍若晨曦』. Story Cover is not mine. Full Credit to relevant Owners. " ခေါ်ထားပါနော် ဘာမဆိုလုပ်ပေးပါ့မယ် " သူမ၏ယခင်ဘဝမှာ သစ္စာဖောက်ကောင်နှင့် ညီမဖြစ်သူ၏ မတရားအမှုဆင်မှ...