ခါးအောက်တစ်နေရာမှ ဆစ်ခနဲနာကျင်မှုကြောင့်
တွန့်လိုက်ရာမှ ဇက်ခနဲနိုးလာခဲ့သည် ။သို့သော်
များများစားစားလှုပ်ရှားမရ ။အကြောင်းမှာတော့
ခန္ဓာကိုယ်တစ်ခုလုံးအား သိမ်းကျုံးဖက်ထား
သော သန်သန်မာမာလက်တစ်စုံကြားတွင်
နစ်မြုပ်နေခြင်း ။အဝတ်မဲ့နေသောကိုယ်နှစ်ခု၏အထိအတွေ့
ကြောင့် ညကဖြစ်ရပ်ကိုပြန်စဉ်းစားမိကာ
တစ်ကိုယ်တော်ရှက်သွေးဖြာနေရပြန်သည် ။
တချိန်ထဲမှာပင် ထိုးအောင့်လာသော ရင်ဘတ်
ထဲမှနာကျင်မှုတစ်စုံကား
သူသည် ချစ်ရသူအားပထမဆုံးအနေနှင့်အသန့်
စင်ဆုံးပေးဆပ်လိုက်ရခြင်းမဟုတ် ။ဝမ်းနည်းလွန်း၍ လှိုက်တက်လာသော ရင်အစုံကို
ထိန်းချုပ်ကာ တိတ်တခိုးမျက်ရည်ကျမိသည် ။
ရင်ခွင်ကျယ်တစ်ခု၌ အပ်ထားသောမျက်နှာ
လေးသည် မျက်ရည်စများ စတင်နေရာယူနေသည်
ကိုတော့ အိပ်မက်ကမာ္ဘထဲရောက်ရှိနေသော
ဂျောင်ကု သိနိုင်မည်မဟုတ် ။တောင်းပန်ပါတယ် ။ကိုယ့်ရဲ့အဦးဆုံးကိုမှပိုင်ဆိုင်
ခွင့်ရရှိချင်တဲ့ မနေ့ညကမင်းရဲ့မျက်နှာလွှာလေးကို
ပြန်မြင်ယောင်မိတိုင်း ရင်ထဲတဆစ်ဆစ် ။
ဒါတွေအားလုံးဟာ ကံစီမံရာပဲဆိုရင်လည်း
ကိုယ့်ကိုပဲအပြစ်ပုံချလိုက်ပါတော့ ။နောက်ပြီး....မင်းဟာ ရနံ့မွှေးမွှေးနဲ့ ပွင့်လန်းရမဲ့
ပန်းကလေးတစ်ပွင့် ။ဖူးငုံစနေ့မှာပဲ ရိုးတံဖျား
ကို ကိုယ်ရိုက်ချိုးလိုက်သလိုများဖြစ်သွားမှာလား။
တစတစဝင်လာသော အတွေးများနှင့်ဆင်ခြင်တုံ
တရားများသည် ဆန္ဒနှင့်သွေးသားပြင်းပြမှု
နောက်လိုက်ခဲ့တဲ့ ကိုယ့်ကို လက်ညိုးထိုးကာ
အပြစ်ပြောဆိုနေပုံ ။ကိုယ့်အချစ်တွေမှာ ဒါတွေမပါဝင်နေလဲဖြစ်ပါတယ်
ကလေးရယ် ။
![](https://img.wattpad.com/cover/255465172-288-k174468.jpg)