جُمِّلْت... أخلاقها //باللهجة العراقية //

(2)

_وين توصلون

جاوبة رجال وصلنه لمقام النبي الله سليمان ابن داود
من فدوة اسمه والله وصوني بيه وكالو ينطي بل أيد
بلكت والله لفته من لفتاته ويشافي هل وليدات، عاد من سمع زامل ابو بندر بل حجي وشلون ايمانه بيهم عاد

بقى يفر بأيده وطكها ضحكة وهو يكول
_ هذول مسودنيين تريدهم يصحون بس لا انت

مسودن مثلهم ورجع عايين عليهم اللي خازرهم لو ما ابوهم ويستحي منهم جان شبعهم طن كتل لأن مخلو عليه شي اله ورمو بلنهر، باقي حاضن غريضاته ويخزر بيهم ما وصلو اله وهو طالعة روحه

وصدك زارو وهو بقى منتضرهم،بعد هو قليل ايمانه ما زار حاله حالهم انتظرهم يطلعون واخذهم ويمشي يضحك على رجال

_هااا اشو بعدهم مسودنيين

_بعد هذا شي بيد ربك لا بيدك ولا بيدي بس هما انبياء الله واهل بيته واسطة النا يم رب العالمين،احنه نتوجه الهم وننخاهم وان شاءلله ميرجعون خائب

يحجي ويه روحة لا شكله رجعوك هههههه

صعدو وهما راجعين ببيوتهم وبنص طريق اسمع رجال يصيح ويصلى على محمد

_اللهم صلِّ على محمد وال محمد الف الحمدلله والشكر

مو كتلك ميردوني خايب

_بقى يفرك بعيونه هذول قبل شوي جانو ميعرفون ساسهم من راسهم هسه يحجون عادي عقله ما صدك
وطول طريق باقي صافن عليهم وما يحجي ولا كلمة
والرجال باقي يشكر ربه، وصل للبيت ودخل للغرفة بعد ما انسمع اله ولا صوت هذاك زامل الجان هاز البيت هز بصياحة هسه ميحجي ولا كلمة بس عقله اللي يحجي اخذله على هل وضع اكثر من عشر تيام،وتغيير زامل

وبعد هل موقف صار ويا خله ايمانه زيد برب العالمين
اي يلوليدات هاي احنه بني ادم منفكر بربنا بس هو الغفور يحطنه بموقف خلينه نتوب ونرجعله بعد عيني،

زامل ترك شغلة ماطور وصار يحفر كبور ويفكر بالموت وشلون راح يقابل ربه وترك الشرب وسوالف المكسرة

وهنا انتهت قساوة زامل على ويلات وبيوم انطلب بندر للخدمة بلجيش وهو ما داخل المدرسة لأن جان مت عيني عليه ايخاف من معلمين ويشرد منهم،

وطلبو تجنيد، وراح بندر ودموع زامل عليه لأن جان بعده زغير بلعمر بلووول اعمارهم مو حقيقية قدروهم تقدير

ف جان هو واخته الاكبر منه سجلوهم بنفس العمر، وراح بندر للخدمة وتعلم شهور ورجع الهم وهو لازم كتابة هنا من رجع قررر زامل يعرسه بت عمة زهرة تذكروها موو

اي كبرت اول مكبرت عرس عليها بندر وجابتله ولد وبنية بس زهرة ما حامدة ربها يوميه تطلعله بمصيبه مرة البيت زغيير ومرة امك وابوك كله على عمري محد ساعدني بيهم وارجع اكلها هذول اهلي والج أجر اذا تبقين داريهم وهي تتأفأف وتروح معاجبها صبرت عليها وبيوم جان عرس بلديرة وهي راحت واجتني ضايجه لأن تريد ذهب حالها من حال