ورد و رهف قاعدين في الأوضة و بيتكلموا و ورد كانت ملاحظة أن رهف كل شوية بتسرح
ورد : بتسرحي في ايه يا هانم ؟
رهف : اخو العريس عارفاه
ورد : اه ماله ؟
رهف : حاسة انني شوفته قبل كدا معرفش ليه
سكتوا شوية باعدين رهف افتكرت حاجة
رهف : هو اسم عليتهم ايه ؟
ورد : العمراني
رهف : ده احنا عندنا معيد في الكلية اسمه كيان العمراني
ورد : يمكن قريبه عادي يعني
رهف : انا افتكرت شوفته فين و امتى
ورد : امتى ؟
ارجعوا بالزمن كدا للبارت الاول
¥ فلاااش باااك ¥
في كلية تمريض
رهف واقفة في الجامعة و عمالة تتصل بصاحبتها و مش بترد و بقى مغلق
رهف مع نفسها : اه يا كاميليا الكلب انتي المحاضرة هتبدأ يا حيوانة لما اشوفك بس بقى مترديش عليا انا ماااشي والله لأوريكي بس تيجي بس
راحت ماشية علشان تروح المحاضرة بتاعتها خبطت في شخص اللي هو زين
رهف بعصبية : مش ناقصة عمى بقى يا استاذ اعمى انت
زين : نعم ؟!! انتي اللي خبطتي فيا
رهف : انت هتبجح فيا كمان اوعى من وشي
و زقته و راحت محاضرتها
زين باستغراب : ايه البلاوي اللي بتتحدف علينا عالصبح دي يا ربي !! بس يخربيتها قمر بس دبش استغفر الله
¥ باااااك ¥
رهف : يا لهوي لو افتكرني هيقول عليا ايه
ورد : دبش
رهف : ايه ؟!
ورد : هيقول عليكي ايه يعني دبش و ماشي على الأرض خفي شوية يا ماما في ايه
رهف : بس ايه الصدف دي اليوم اللي اخبط فيه اخته تعمل حادثة هي و جوزها و ييجوا عندك المستشفى و ادهم ده جيه اليوم اللي بعده و عرفتي انهردة بالصدفة ان ادهم ده هو اللي كان بيبعتلك الورد و انا اكتشف ان اخوه هو اللي انا خبطت فيه و ان عندنا معيد في الكلية يبقى قريبهم
ورد : و لفي بينا يا دنيا دوخينا يا دنيا
رهف : خدينا يمين شوية خدينا شمال شوية
ورد : لا بجد ايه ده صدفة غريبة جدا
رهف : صدف مش صدفة دي مجموعة صدف و جولنا باكدج واحدة كدا
ورد : عندك حق والله
رهف : قوليلي بقى موافقة ولا لا ؟
ورد : مش عارفة والله انا اول مرة اقعد مع عريس اصلا و بصراحة الواد مفيهوش غلطة تحسيه دخل جوا دماغي و اخد اجوبة الأسئلة اللي كنت محضراها و كمان نفس مواصفات الشاب اللي كان نفسي يكون جوزي في المستقبل بيصلي و محدد لنفسه ورد قرآن كل يوم و بيصلي الفجر في المسجد و شكله القمر ده اللي عامل زي الانمي زي ما كنت بتمنى و بياكل اندومي يا رهف بياكل اندومي
رهف : بياكل اندومي !!
ورد : اه و ربنا
رهف : بعد كل اللي قولتيه ده و انه كمان بياكل اندومي يبقى توافقي وش
ورد : لا انا مش هستعجل انا هاخد وقتي و هصلي استخارة كذا مرة و لو فضلت مرتاحة هوافق
رهف : ربما يقدملك اللي فيه الخير
ورد : يا رب يلا انا هنام بقى
رهف : اوكي تصبحي على جنة
ورد : و انتي من أهلها
(♡_♡)(♡_♡)(♡_♡)(♡_♡)(♡_♡)(♡_♡)(♡_♡)
في فيلا العمراني
ادهم و عيلته داخلين الفيلا و هو داخل و مبسوط و مزاجه رايق و عمال يغني لعمرو دياب
ادهم بغنى : ده لو اتساااب لا دانا يجيلي تعب اعصاااب ده لو اتساااب ليلة ليلتين انا اعيش في عذاااااااب طب و اعمل ايه
زين : يا رااايق
مرام : ايه يا عم جاي رايق انت
ادهم : ده أنا رايق روقان مروقتهوش قبل كدا يا مرمر المهم انتي عاملة ايه دلوقتي ؟
مرام : احسن الحمدالله زهقت من القاعدة على الكرسي دي
ادهم : معلش استحملي شوية بس و هترجعي زي الفل تاني
مرام : يا رب قولي بقى عملت ايه مع العروسة *و بتغمز* مزة ها
ادهم : احلى مزة شافتها عيني
عبد الرحمن و هو بيديله على قفاه : يابني اتربى شوية بقى لما تبقى على ذمتك قول اللي انت عايزه
ادهم : قفايا ورم يا بابا هخطب ازاي كدا
عبد الرحمن : لو وافقوا عليك اصلا مش عارف هيوافقوا على ايه
ادهم : ابوكي ده بيحبني اوي
مرام بضحك : اوي اوي قولي بقى عملت ايه هناك
ادهم : بصي يا ستي *حكالها اللي حصل في الرؤية الشرعية* و بس انا يعتبر جاوبت كل حاجة صح يبقى المفروض ابقى مقبول ولا ايه
مرام : يا رب توافق انا بصراحة متعاملتش معاها كتير بس حسيتها قمر اوي كدا و طيوبة من جوا
ادهم : طب كفاية كلام عنها عشان انا ماسك لساني بالعافية
مرام بضحك : ماشي ياخويا
ادهم : اومال فين اللطخ جوزك
مرام و بتضربه على كتفه : متقولش عليه كدا
مراد و هو داخل من برا : أصيلة يا ام رحااب
ادهم : كنت فين و سايب مراتك هنا و انت عارف اننا برا
مراد : أهدى يا عم انا لسة نازل يادوب من نص ساعة بالكتير كنت بجيبلها حلويات اصلها لسة طفلة معلش
مرام : انا طفلة يا مراد
مراد : بقولك ايه اعدلي كدا و متقلبيش خدودك دول عشان بضعف قدامهم
مرام : ايوة يعني انا طفلة ؟!
مراد : احلى طفلة اقسم بالله اومال انا اتجوزتك ليه عشان طفولتك اللي زي العسل دي
مرام : ربنا يخليك ليا
ادهم : كفاية يخربيوتكوا
مراد : صحيح عملت ايه مع العروسة
ادهم : خلي مراتك تحكيلك انا هطلع اغير هدومي
مرام : اومال زين فين دخل كدا و مسلمش حتى
ادهم : تلاقيه بيلعب بلاي ستيشن في اوضته كالعادة
ادهم طلع اوضته و غير هدومه و طلع كان رايح يشوف حاجة يأكلها و سمع زين و هو في اوضته
زين : يا بت تعالي متخافيش انتي جبانة اوي
ادهم : يخربيت سنينك
دخل عليه فجأة
ادهم : انت بتعمل ايه يا زفت
زين : شششششش يخربيتك هتفضحني في اللعبة في حد يدخل على حد كدا
ادهم : كنت بتكلم مين يا زين ؟
زين : واحدة في اللعبة
ادهم : لعبة ايه ؟
زين : ببجي يا ادهم هتكون ايه يعني
ادهم : و بتلعب ببجي بتقولها تعالي متخافيش
زين : يخربيت افكارك القذرة يا عم البت مش عارفة تلعب اصلا و هتموت فبقولها تيجي عقبال ما تظبط نفسها في اللعبة
ادهم : اقسم بالله هييجي يوم و البلاي ستيشن ده هيوديك في داهية
زين : ماشي يا حبيبي شكرا عالنصيحة اطلع برا بقى عشان بوظت الجيم
ادهم : طالع ياخويا طالع و العب باحترامك ها
زين : ياااا عم ماشي اطلع برا
ادهم طلع من عند زين و نزل تحت كانت زينب و عبدالرحمن قاعدين قدام التليفزيون راح الاول المطبخ عند دادة كريمة
ادهم : يا دادة كريمة
دادة كريمة : ايوة يا ادهم
ادهم : بقولك ايه ما تعمليلي كام سندوتش كدا و حياة عيالك عايز اكل
دادة كريمة بضحك : حاضر يا حبيبي الا قولي عملت ايه مع العروسة ؟
ادهم : ادعيلي يا دادة الحمدالله عديت الاختبارات بس فاضل بس موافقتها و خلاص
دادة كريمة : ربنا يتمملك على خير يا ادهم روح انت و انا هجيبلك العشا بتاعك
ادهم : ماشي يا دادة تسلمي
و طلع قعد مع زينب و عبدالرحمن
ادهم : ايه رأيكم في ورد كدا ؟
زينب : هي بنت الله اكبر عليها والله و انا حبيتها
عبدالرحمن : انا اعرف ابراهيم كويس و هما عيلة محترمة و البنت ماشاء الله عليها يعني
ادهم : طب طمنتوني
عبدالرحمن : متعرفش كيان فين لحد دلوقتي ؟
كيان و هو خارج من اوضته : انا اهو يا عمي انا هنا من العصر
عبدالرحمن : اصلك مختفي دايما يابني و منعرفش عنك حاجة ولا كأننا عايشين في بيت واحد
كيان : معلش بقى يا عمي انت عارف انني بحب اقعد لوحدي كتير
عبدالرحمن : خلاص يبني اللي يريحك انا بس كنت حابب اتطمن عليك
دادة كريمة : اتفضل يا ادهم
ادهم : شكرا يا دادة تسلم ايدك
دادة كريمة : بالهنا و الشفا
ادهم : طب استأذن انا بقى يا جماعة هطلع اتعشى في الأوضة و هنام
زينب : ماشي يا حبيبي
ادهم : تصبحوا على خير
طلع ادهم اوضته و اتعشى و رقد على السرير و مسك تليفونه و طلع صورة ورد
ادهم : لا ماهو بصي انتي هتوافقي يعني هتوافق مفيش كلام وافقتي كان بها و هخطبك و الدنيا هتبقى زي الفل لو موافقتيش بقى بس انشاء الله هتوافقي بس لنفترض انك موافقتيش قسما بالله يا وردة لو وصل بيا انني اخطفك هعملها ماهو مش بعد كل ده و اسيبك فاهمة ، بحبك والله العظيم بحبك و محبتش قدك *اتنهد* تصبحي على خير يا وردة قلبي 🌹🤍
ساب التليفون و نام و هو مبسوط و بيفكر في ورد و شكلها من قريب لما كانوا عندها و في اسألتها في الاول اللي تبين أنها واحدة جد و بعد كدا اتحولت لأسئلة تافهة بتدل على ان جواها طفلة بتحب الكارتون و الاندومي و تلقائي اترسمت ابتسامة على وشه لما افتكر اسألتها باعدين نام
(♡_♡)(♡_♡)(♡_♡)(♡_♡)(♡_♡)(♡_♡)(♡_♡)
تاني يوم
سعاد صحت ورد و رهف و قاموا صلوا الصبح و وقفوا مع سعاد و عملوا الفطار و رهف صحت ابراهيم باعدين قعدوا يفطروا
ابراهيم : ايه رأيك في العريس يا ورد
ورد : احم والله يا بابا باين عليه شاب محترم و هايل يعني و انا صليت استخارة و حسيت انني مرتاحة
سعاد بفرحة : يعني موافقة
ورد بخجل : موافقة
سعاد كانت لسة هتزغرط قامت ورد وقفتها
ورد : مش عالصبح كدا بقى يا سوسو و الجيران هتسأل في ايه و مش عارفة ايه وفري الزغاريط للخطوبة
سعاد بضحك : ماشي يا ستي
ابراهيم : ربنا يفرح قلبك يا حبيبتي اهم حاجة تبقي مرتاحة انا مش عايزك توافقي لا عشاني ولا عشان امك
ورد : متقلقش يا بابا انا والله مستريحة و موافقة
ابراهيم : خلاص على بركة الله نبلغهم برأيك بكرا انشاء الله
رهف : مبروك يا وردة
ورد : الله يبارك فيكي يا رهف
سعاد كانت قاعدة و بتعيط
ورد : الله بتعيطي ليه بس دلوقتي يا سوسو مش كنتي كل شوية تقوليلي امتى ييجي اللي يريحني منكم اهو جيه اهو مالك بقى
سعاد : مبسوطة يا حبيبتي مبسوطة عشان جيه اليوم اللي هشوف فيه بنتي عروسة قدامي و انا اللي هجهزها الف حمد و شكر ليك يا رب
ورد : بابا شوف بقى مراتك دي اللي هتقلب الليلة دراما الواحد ما صدق ان سما كتبت حاجة فرفوشة خليها تكمل بقى
= استوب استوب و انا مالي يا لمبي دي امك انتي
ورد : احنا شخصيات في خيالك
= ايه ده سوري خلاص كملوا فرحتكوا يا جماعة
سعاد : انا هقلب الليلة دراما طب قومي بقى منك ليها قوموا اعملوا الشاي بلبن
رهف : و انا ذنبي ايه طيب
سعاد : ذنبك على جنبك يلا قوموا
رهف : أكمل فطار طيب
سعاد : قوموا اعملوا الشاي بلبن باعدين كملي اكل براحتك
ورد : لو لاقيتونا قدام معبد يهودي كنتوا هتسيبونا نكمل فطار مش كدا يعني
سعاد : ايوة يا بت لاقيينكوا قدام معبد يهودي يلا منك ليها عالمطبخ
ورد و رهف عملوا الشاي بلبن و طلعوا قعدوا مع سعاد و ابراهيم و بيتفرجوا على التليفزيون في جو عائلي لطيف باعدين ابراهيم قام اتوضى و لبس و نزل يصلي الجمعة
ورد : مامتشييييي
سعاد : خييير
ورد : هنزل اخرج مع رنيم شوية و هرجع
سعاد : هتروحوا فين؟
ورد : هنقعد في كافيه انتي عارفانا بنحب الهدوء و الانسجام
رهف بتريقة : انسجام !!
ورد : مالكيش دعوة يا بطريق انتي ليل نهار تحت البطانية
سعاد : يا عيال انتوا كبرتوا هفضل لحد امتى اقولكوا بطلوا اللي بتعملوه ده
ورد : هي اللي بتعلقلي عالكلمة
رهف : هي اللي بتقول حاجات غريبة
ورد : لمي ليلتك يا رهف
رهف : لميها انتي يا ورد انا ساكتالك عشان ماما بس
سعاد : و على ايه انا هدخل جوا
ورد : صلي عالنبي بس كدا انتي مبتشوفيش بنتك دي بتعمل ايه تحسيها جون سينا في نفسها كدا
سعاد : طب خلاص بقى بطلوا انتوا عيال تافهة بتتخانقوا على حاجات تافهة
رهف : عندك حق انا تافهة
ورد : احنا سيبنا الموضوع الاساسي و دخلنا في انك تفاهة يا ماما انا هلبس و هنزل
سعاد : يا ستي روحي هو انا مسكاكي
يتبع.....
#جراحة_عالجت_قلبي
#part_8
YOU ARE READING
جراحة عالجت قلبي { كاملة }
Random" ماذا يحدث عندما يقف الطمع و الحقد في طريق الحب الحقيقي ؟ 🖤 "
