Seducing The Bad Boy (AWESOMELY COMPLETED)

Endlessly

49

Last chapter then epilogue. Maraming salamat.

Suportahan pa rin sana ninyo ang TTCB.

---------------------------------

"Hey." Bati ko kay Ria. Tinaas niya ang tingin niya mula sa damit na sinisipat niya bago ako hinarap. Agad siyang ngumiti sa akin bago niya binalikan ang puting damit na tinitingnan.

I told you I'll buy a ring for Stan right? Narito ako ngayon sa mall para hanapin ang perpektong singsing para kay Montreal. Uunahan ko na siya. Bahala na ang pagiging tradisyunal. Wala na akong pakialam. Somebody needs to make a move.

Habang naglilibot ay doon ko nakita si Leria. Balak ko rin kasing bumili ng bagong damit para mamaya.

"Hey. Can you try this for me?" tanong niya. Hindi na niya hinintay ang sagot ko. Agad niyang pinakuha ang damit sa saleslady at hinila ako sa isang dressing room.

Sinubukan ko ang damit. Umabot iyon hanggang sa aking tuhod. Wala itong manggas pero may lace ito hanggang sa aking leeg. Umikot pa ako sa harap ng salamin habang tinitingnan ang aking repleksyon. Napanguso ako dahil nagustuhan ko ang damit pero mukhang si Ria ang bibili niyon.

"Ria. Bibilhin mo ba ito?" tanong ko sa kanya. Tumaas ang tingin niya bago umiling.

"Gusto mo ba? Sakto lang sayo?" sunod sunod niyang tanong. Tumango lang ako at napakagat sa labi. Lumapit siya sa akin at inayos ang neckline. Tinitigan ko lamang siya bago ngumiti.

"I'll buy that for you." Aniya. Nanlaki ang mata ko at bago pa man ako makapagsalita ay inunahan na niya ako. "Sorry. Nag-away kayo ng dahil sa akin. Just get the damn dress para wala na akong utang sayo." dagdag niya.

"Fine." Pagpayag ko. Lumawak ang ngiti niya bago tinawag ang saleslady at binigay ang card niya. Sabay kaming lumabas dalawa sa boutique bago naghilay. Dumiretsyo ako sa jeweler at naghanap na ng perpektong singsing.

Iilan rin ang nakakuha ng atensyon ko. Pero nagustuhan ko ang isang singsing na may dalawang parang vines na nakatali sa isa't isa. Sa taas niyon ay isang emerald na nakalagay sa gitna. Hindi na ako nagdalawang isip at agad na iyong binili.; Pagkatapos niyon ay dumiretsyo na ako sa apartment namin ni Avvi para maghanda sa pagkikita namin ni Stanley mamaya.

May performance sila ngayon sa Open Grounds ng Galleria. Ngayon na ang balik ni Greg sa AEGIS. Ito rin ang unang pagkakataon na haharap ang AEGIS na magkakasama. Gusto kong gawin ang hinahanda kong proposal kapag tapos na ang kanilang set.

Hindi na ako nagpasundo kay Stanley. Ayaw ko na siyang balahin dahil alam kong nahahanda rin siya. Gusto ko rin kasing masorpresa siya kapag nakita na niya ako suot ang puting damit na bigay ni Leria sa akin.

Marami ng tao sa Open Grounds noong makarating ako. Nasa stage na rin ang anim at naghahanda na sa kanilang performance. Humalo na ako sa mga tao at nagpasyang panuorin na sila. Agad kong hinanap si Stanley at napangiti na lamang noong nakita ko na siyang umupo sa harap ng kaniyang drums.

Kagat niya ang labi niya habang sumusubok ng ilang nota sa drums niya. Inikot niya ang mata niya sa mga audience bago muling tumingin sa banda. Tumango siya sa dalawang bokalista at nagsimula na ang unang kanta nila.

'You lift my heart up when the rest of me is down

You, you enchant me even when you're not around

If there are boundaries, I will try to knock them down

I'm latching on, babe, now I know what I have found'

Ang malamig na boses ni August ang agad kong narinig. Nakapikit siya habang kinakanta ang mga linya. Naririnig ko ang ilang sigawan ng mga babae sa paligid na para bang matutunaw sila sa bawat salitang binibitiwan ni Pangit.