Seducing The Bad Boy (AWESOMELY COMPLETED)

Kapag Lasing, Nababaliw

28

Kumapit ako sa batok ni Tan Tan para mas lalong mapalalim ang halik niya sa akin. Lumipat sa pisngi ko ang isa niyang kamay at hinawakan ang mukha ko para hindi ako makagalaw palayo sa kanya. Naramdaman ko na lang ang pagsandal niya sa akin sa kanyang kotse habang patuloy pa rin sa paghalik.

Tumigil lamang siya noong maghiyawan ang mga bisita sa streetdance. Dinikit niya ang noo niya sa aking noo at tiningnan ako sa mata. Nakakalasing ang titig niya, pakiramdam ko ay walang binatbat ang alak na nainom ko kumpara sa tingin ni Stanley sa akin. Nakakapanlambot ang titig niya at nakalimutan ko na lahat ng sakit na pinagdaanan ko nitong nakaraang araw dahil sa kanya. All I remember is him, his wicked eyes, his sinful lips. Wala na akong ibang maisip kung hindi ang moment naming ito. It is too perfect, too damn real, na kung pwedeng hindi na lamang gumising sa panaginip na ito ay gagawin ko. I want to be trapped in this fantasy.

"Tan Tan." Tawag ko sa kanya. Tumaas ang sulok ng labi niya bago bumaba ang ulo niya at hinalikan ulit ako. Mababaw na lamang at mapangbitin na halik. Hindi ko napigilan ang sarili kong habulin ang kanyang labi noong humiwalay siya.

"Come on Victoria." He chuckled bago ako inalalayan papasok sa kotse niya. Ilang beses pa akong muntik matapilok sa sobrang hilo ngunit nakaalalay naman siya sa akin.

"Nahihilo ako." Reklamo ko noong nakaupo na ako sa frontseat. Sumandal ako sa headrest at mariing pumikit. Naramdaman ko ang paglapit ni Stan sa akin. Pinilit kong idilat ang mata ko para tingnan siya sa kanyang ginagawa. Nakita kong inaayos niya ang seatbelt ko noong may mapansin akong itim sa kanyang leeg. Itinaas ko ang kamay ko at hinaplos iyon. Napapitlag siya sa ginawa ko at tiningnan ako.

"May dumi ka." Wala sa sarili kong sabi habang pinipilit kong burahin iyon sa kanya. Hindi siya sumagot, inayos lang niya ang kanyang kwelyo at bumalik sa manibela.

"Tan Tan may dumi ka sa leeg." Inabot ko ang leeg niya pero hinawakan lang niya ang kamay ko at ibinaba iyon.

 

"Ang ingay mo." Asar niyang sabi. Natawa lang ako sa kasungitan sa kanyang boses. Come on Stanley, para nagtatanong lang. Sungit nitong gwapong ito.

"Hindi ka ba naliligo? Ang dumi talaga oh." Pagpipilit ko pa rin. Doon ko lang napansin na mahaba pala ang itim na linya sa kanyang leeg. Huminga lang ito ng malalim at hindi na sumagot. Binuksan ko na lang ang bintana ng kanyang kotse at inilabas ang kamay ko roon.

"Damn it. Ibalik mo nga yang kamay mo dito sa loob. Mamaya mahagip pa yan ng kotse." Inis na inis na siya sa akin. Tumawa lang ako at lalo iyong inilabas. Ang sarap ng hangin eh. Isa pa, wala namang sasakyan. Hatinggabi na kaya. OA talaga ni Montreal.

"Kakulit." Bulong niya at hinila ang braso ko. Tumatawa ko siyang tiningnan. Tumitig lang din siya sa akin habang napapailing na lang. Ibinalik niya ang tingin niya sa daan at bumulong bulong.

Inayos ko ang upo ko bago sinidihan ang radio ni Tan Tan. Tiningnan niya pa ako ng masama pero ngumiti lang ako. Napabuga na lamang siya ng hangin sa aking ginawa.

I'm all out of faith

This is how I feel

I'm cold and I'm ashamed

Lying naked on the floor

 

 

Sumabay lang ako sa kanta habang hinahayaan kong mahipan ng hangin ang buhok ko. Umusog ako ng kaunti at lumapit kay Tan Tan habang kumakanta pa rin.