Seducing The Bad Boy (AWESOMELY COMPLETED)

One

35

"Sino yan?" malamig niyang sabi habang tinitingnan si August. Hindi agad ako nakapagsalita dahil sa galit na nakabalandra sa mukha ni Stanley. Nilingon ko si August at muntik ko na siyang mahampas sa itsura niya ngayon. Nakanganga siya at may malaking ngisi sa mukha niya. Inirapan ko siya at muling hinarap si Stanley.

"Stan, si August." Pakilala ko. Tiningnan lang ni Stanley si August at hindi pa rin gumagalaw sa kinatatayuan niya. Tumikhim si August at humakbang papunta dito. Nilahad niya ang kamay niya kay Stanley.

"August,pare." Nakangiti niyang sabi, may bahagyang nginig pa sa boses niya. Tiningnan lang ni Stanley ang kamay niya at hindi gumalaw. Lumapit ako at hinila si August sa kwelyo niya.

"Anong--"protesta niya. Pinandilatan ko lang siya kaya nanahimik na ito.

"Bakit nandito ka?" tanong ko kay Stan. May kinapa siya sa jacket niya at ibinigay sa akin iyon.

 

"Demo CD namin."

Tumaas ang kilay ko at tinanggap iyon. Nagtatanong ang tingin ko sa kanya. Nagkamot lang siya ng batok bago tumingin kay August.

 

"Walang galang na, pwedeng lumayas ka muna." Maangas niyang sabi. Napasinghap ako sa sinabi niya.

"Stanley!"

Humalakhak lang si August at sumakay ulit sa kanyang skateboard. Nagbow muna siya sa akin bago ako kinindatan.

"Una na ako sungit." Paalam niya bago nagpagulong palayo. Kumaway pa siya sa akin hanggang sa tuluyan na siyang lumiko sa sunod na kanto.

"That was rude!" naasar kong sabi kay Stanley. Nagkibit balikat lamang ito.

"Don't worry. I'm good with being rude dustpan." Nakangisi niyang sabi. Tinitigan ko lamang siya at napapailing na lamang na pumasok sa bahay. Sumunod ito sa akin hanggang sa loob. Umupo siya sa stool sa kusina at pinanood ang pagtimpla ko ng kape.

"Sino na nga kasi yun Yang?" bumalik sa boses niya ang pagkairita. Tiningnan ko lang siya at hindi siya sinagot.

"Isa Victoria--"

 

"He's my friend okay?" pasigaw ko ng sabi. Hindi ko namalayan na nabagsak ko na pala ang creamer sa sobrang inis ko sa kanya.

Natigilan ako sa naramdaman. Nainis ako. Naiinis ako sa kanya. Naiinis ako kay Stanley?

"Your friend? Bakit hindi ko siya kilala?" taas kilay niyang tanong. Napabuga na lamang ako ng hangin sa mga tanong niyang walang kwenta. Binalik ko ang creamer, asukal at kape sa lalagyan bago ibinigay sa kanya ang tasa niya.

 

"As far as I remember, wala akong obligasyon ipakilala sayo lahat ng mga kaibigan ko." sagot ko. Nanliit ang mata niya sa sinabi ko. Pinadaan niya ang daliri niya sa bibig ng tasa bago huminga ng malalim. Tumingin siya sa kanyang orasan bago niya inayos ang sarili.

"Pakinggan mo ha?" malambing niyang sabi. Napatingin ako sa kanya. Lumapit siya sa akin kaya napahakbang ako patalikod. Ngumisi lang siya noong mapansin na wala na akong uurungan.

"Salamat Toryang." Bulong niya. Hinawakan niya ang pisngi ko at yumuko. Nanlaki ang mata ko at agad kong inilagay ang kamay ko sa pagitan naming dalawa para harangan siya.