Seducing The Bad Boy (AWESOMELY COMPLETED)

Phone

43

Wala ng naging problema sa kanilang music video. Kinuhanan lang sila ng ilang shots para sa cover ng kanilang album. Pagkatapos non ay pinayagan na kami ni Leria na makabalik na sa Maynila. She actually gave the guys a three day break bago nila irelease ang album nila.

"Sungit."

Bahagya kong nilingon si August. Nasa likuran siyang parte ng van habang kami naman ni Tan Tan ay nasa gitna. Nakahilig si Tan sa aking balikat kaya hindi ako makagalaw ng maayos. Gumalaw lang siya ng kaunti at kumapit sa upuan namin.

"Tingin mo, tanggap nila ako?" bulong niya. Nilingon ko ang ibang AEGIS na mahimbing ang tulog. Napangiti ako sa tanong ni August.

"I'm sure. Isa pa, wala na rin silang magagawa kung sakali mang hindi ka nila tanggap. Three days from now, you will be introduced in the public." Pagpapaalala ko. Nawalan ng kulay ang mukha ni August sa narinig. Bigla akong kinabahan sa kanyang itsura.

"Wag mong sabihing kinakabahan ka?!"

"Eeeeh.."

Umusog pa ako ng kaunti para mas makaharap ko siya. Tinaas ko ang dalawa kong daliri at pinitik ang noo niya.

"Aray! Sungit, wag mo akong gasgasan! Maawa ka sa mga babae." Anas niya bago ngumuso. Natawa ako sa itsura niya.

"Baliw. Wag ka ngang kabahan, para kang tanga." Naiinis kong sabi. Hindi na ito nagsalita. Ngumuso lang siya lalo kaya napahalakhak na lamang ako. Bumalik siya sa upuan niya bago ako tiningnan. Inirapan niya ako kaya napailing na lang ako.

"Sinong nagsabing kinakabahan ako?" ngumisi siya bago nagpogi sign sa akin. Napailing na lang ako sa kanya.

"Sige, deny pa Pangit."

Bumuntong hininga siya bago niya tiningnan ang bigay niya sa aking kwintas. "Baka himatayin ako sa release. Pahiram mo sa akin yung kwintas mo ha? Pang moral support lang." seryoso niyang sabi. Natawa na lang ako habang umiiling iling sa kanya.

"Ang baliw mo talaga August."

-----------------------------------------

"Greg!"

Tumakbo ako sa kama niya. Agad niyang ibinaba ang librong binabasa niya at sinalubong ang yakap ko. Napaungol siya ng kaunti dahil sa lakas ng impact ko but I just couldn't care less. Ngayon lang ako pinayagan nila Tan Tan na makita si G, at excited ako dahil doon.

"Kamusta ka na?" tanong ko noong bumitaw na ako sa kanya. Ngumiti lang siya.

"Eto, masakit na ang pwet sa kakahiga." Medyo paos niyang sabi. Tinitigan ko lang siya bago ko inabot ang kamay niya.

"Magpagaling ka na ha?"

"Oo naman. Isa pa, Shana's taking a good care of me." sabi niya bago tiningnan si Shana na nagbabalat ng orange sa kabilang gilid. Ngumiti lang siya bago tumayo at lumapit sa akin.

"Ate Toryang." nakangiti niyang sabi. Niyakap ko siya at tinitigan. Napasinghap ako ng makita siya. halos kasingtangkad ko na siya. At maganda. Halata ngang kapatid siya ni Montreal.

"Laki mo na."

"Punta ka sa birthday ko ha? Hindi na ako teenager Ate!" tuwang tuwa niyang sabi. She'll be turning 20 this Sunday. Hinawakan niya ang kamay ko bago humilig malapit sa akin.

"Kasama mo si Kuya?"

"Nasa labas. Bumili sila ng kape." Sagot ko. Ngumuso siya bago niya ibinagsak ang orange sa sidetable ni Greg.

"Nakakainis siya. I heard from Mom hindi niya tinuloy yung proposal sayo--"

"Shana." Tawag ni Greg dito. Nagpabalik balik ang tingin ko sa kanilang dalawa. Nanlaki ang mata ko sa narinig sa kapatid ni Stanley.