Book1:Courting my Future Husband (CMFH)

Chapter 28 part 2

After class, pumunta kami nina Nathan at Arden sa J.S building. Magpa-practice na naman sila para sa gaganapin na Battle of the Bands. Mukhang sineseryoso talaga ni Nathan ang sinabi ni Drew kaya todo ang pagpa-practice nila. Ayaw rin niyang magpatalo sa kahit na sino at mas lalong hindi niya gustong matalo kay Drew pagkatapos ng mga nangyari.

Kanina pa kami dito sa music room pero wala pa rin si Tristan. Naiinip na sina Nathan at Arden dahil ang tagal niyang dumating. Hinihintay ko rin siya dahil sasamahan pa niya ako mamaya sa magiging trabaho ko.

"Tsk. Nasaan ba kasi si Tristan?" Ngumuso ako.

Tumingin sa akin si Nathan na may pagtataka.

"Anong kailangan mo sa kanya?" tanong niya.

"Hm... kasi tutulungan niya raw akong makapasok sa isang restaurant. Kailangan ko kasi ng trabaho."

"Trabaho?!"

"Aish! Huwag ka namang sumigaw, Moo!" Grabe na naman 'yung mukha niya. Parang hindi maipinta sa inis. "Oo. Trabaho. Kailangan ko ng pera. Mawawalan kami ng matutuluyan kapag hindi kami nakapagbayad sa Linggo. Nathan, malapit na 'yun. Gusto kong tulungan si Mama."

Bumuntong hininga ako.

"B-bakit hindi mo agad sinabi sa 'kin?"

"Sasabihin ko naman talaga eh. Kaso narinig ni Tristan kanina 'yung paghahanap ko ng tabaho kaya may inalok na agad siya sa 'kin."

"Bibigyan kita ng pera. Magkano ba?"

Makabigay naman! Hahaha! Kung katulad ako ng iba na huhuthutan siya ng pera, malamang siya na ang bangko ko. Pero syempre, hindi ako ganoong klase ng babae. Gusto ko 'yung pinaghirapan ko.

"Ganyan din ang sinabi sa 'kin ni Tristan kanina. Ay, hindi pala! Kasi siya, ang sabi niya, papahiramin daw niya ako. 'Yung sa 'yo, ibibigay. Hahaha! Ayoko nga! Gusto ko 'yung pinaghirapan ko!"

"Ang arte mo naman."

"Maarte na kung maarte basta ayoko."

"Tsk! Naman oh! Mahihirapan ka pa tuloy! F*ck! Bibigyan na lang kita ng pera!"

"Ayoko nga sabi! At saka isa pa, mas mahirap pa 'yung ginawa kong panliligaw sa 'yo noon. Kaya walang-wala ito compare dun!"

Tinawanan ko siya. Aba! Tunay naman! Ang hirap ng panliligaw ko sa kanya! Pero ngayon... Ehem! Officially mag-on na kami. Hehe! At 'yan, namumula si Nathan ko. Ang gwapo niya talaga! Nakakainis! Haha!

(Arden's P.O.V.)

Ang cheesy nung dalawa kaya umalis muna ako sa music room. Psh! Ang mabuti pa, hanapin ko na lang si Tristan. Langya, isa pa 'yun. May gusto ata siya kay amazona girl. Ta*gina, hindi ko pa nakikitang tumingin iyon ng gano'n sa isang babae.

Sh*t lang. Gulo ito kapag nalaman ni Nathan.

Nasa garden lang pala si Tristan. Tsk! Ang hindi ko inaasahan ay ang makita na kasama niya si Nicole. Na-bad trip ako nang makita si Nicole na tumatawa kasama ang kaibigan ko samantalang hindi na niya ako pinapansin.

"Nicole!"

Nagulat siya nang tawagin ko siya. 'Yung kaninang masayang mukha, nawala na. Ganun ba iyon? Nang makita niya ako, hindi na siya nakangiti. Ayaw niya na ba talaga sa 'kin?

Lumapit ako sa kanila. Tumingin ako kay Tristan.

"Nasa music room na kami kanina pa. Hinahanap ka rin ni Mika 'dun."