Book1:Courting my Future Husband (CMFH)

Chapter 21 to 22: ^___^

Facebook: Crunchh WP

Twitter: imericacruzat

PM me if you want to be a part of our group "Crunchh Wattpad Stories" at sumama sa mga gala namin minsan! :)

==

Chapter 21

Hindi ako makapaniwala! Ang pula ko tuloy na bumalik sa class room! Syempre magkasabay kami ni Nathan at dahil doon, pinagtitinginan kami ng mga kaklase namin. Nakayuko akong umupo sa upuan. Dahan-dahan kong iniangat ang ulo ko para tingnan si Nathan. Laking gulat ko na lang nang nakangiti pala siyang nakatingin sa akin kaya umiwas ako ng tingin.

Dahil doon, tumawa siya na ikinagulat ng lahat. Kahit nga ako nagulat sa pagtawa niya. Ngayon ko lang kasi siya nakitang tumawa talaga ng ganito kalakas.

"Nathan, ayos ka lang?!" Nag-aalalang pumunta si Arden ka Nathan.

"Anong nangyari sa kanya?" Kitang kita ko naman sa mukha ni Tristan ang pagtataka. "Bakit siya tumatawa at saan kayo galing?"

"Hala! Kanina lang magkagalit kayo ah? Bakit ngayon mukhang may something!" tanong ni Arden.

"Hahaha! Wala...wala... Ayos lang ako. Just get out of the view, Arden." Hinawi niya si Arden at tumingin ulit sa akin.

At dahil naiilang ako sa ginagawa niyang pagtitig sa akin ay tinakpan ko ang aking mukha. Mabuti na lang at dumating na 'yung next teacher namin! Nagkunwari akong nakikinig pero ang totoo ay wala talaga akong maintindihan sa mga sinasabi niya.

Hindi ko na yata kaya! Ramdam na ramdam ko 'yung titig sa akin ni Nathan. Sasabog na ako! Gusto ko nang matapos ang araw na ito. Gusto kong malaman kung nananaginip ba ako o ano.

"Namumula ka..." Tumingin ako sa kanan ko sabay hawak ni Tristan sa aking noo. "May sakit ka ba?"

"Ha? Wala akong sakit." Tumingin ako sa pwesto ni Nathan at nakita kong nakasimangot na siya ngayon. Oh, anong nangyari sa kanya?

Nang matapos ang klase ay agad na pumunta si Nicole sa harap ko. Parang nahihiya pa siyang kausapin ako.

"Ah, Mika. Kasi ano... Hindi ako sasabay sayo ngayon kasi sa subdivision na muna ako matutulog. Okay lang ba?" parang nahihiyang sabi niya sakin.

"Huh? Eh sino ang susundo sayo? Alam na ba ng driver niyo?"

"Ako na ang bahala sa kanya." Kumindat sa akin si Arden. Nanlaki naman ang mga mata ko.

"Seryoso Nicole?!"

"Ha? Oo... Huwag kang mag-alala. Si...si Arden na ang bahala sa akin. Ikaw nga itong iniisip ko kasi mag-isa ka na namang uuwi. Sorry talaga."

"Naku—"

"Of course I will take her home." Tumabi sa akin si Nathan.

"Seryoso?" sabay na tanong ni Arden at Nicole. Napansin ko rin na nagulat si Tristan pero hindi na siya umimik pa.

"Yes." Inakbayan pa ako ng prinsipe ko. "She got me."

Pagkatapos nun ay kinuha ni Nathan ang bag ko at saka niya ako hinila palabas. Nag-wave na lang siya sa kanila habang papalabas kami ng class room. Kitang kita ko na hindi sila makapaniwala sa mga narinig at nakita nila dahil pare-parehong nanlaki ang kanilang mga mata. Dumiretso kami ni Nathan sa parking lot kung saan nandoon ang puti niyang sasakyan. Simula nang mawala 'yung kotse niya ay ito na ang kanyang ginagamit.

Pinagbuksan niya ako ng pinto na ikinabigla ko naman. Nahihiya akong pumasok sa loob.

"So what do you want us to do?" Seryoso siyang nakatingin sa akin.