Training the Next Heir

Epilogue

Breathe in. Breathe out.

Waah ano ba?! Bakit bigla akong kinabahan ng ganito e magtatabi lang naman kami ni Clark sa isang kama. Matagal ko ng pantasya 'to wala ng urungan!

"Kim kalma lang. Wooo!"

First night namin 'to kaya kailangan all out performance ang gawin ko. First impression last diba.

Nangangalkal ako ng maisusuot na damit nang bumukas ang pinto ng banyo at iniluwa ang bagong paligong si Clark.

He's almost naked right in front of me.

"A-abs." Wala sa loob kong sabi habang nakatitig sa naghuhumiyaw nyang abs.

Totoo ba 'to o nanaginip lang ako?

Nangingiti-ngiting dinaanan lang ako ni Clark habang pinupunasan ang kanyang basang buhok.

Sinundan ko sya ng tingin at goodness gracious kahit yung likod nya ang sexy. Kung kasalanan lang maging ganito kaperfect naku papatawan ng death penalty itong si Clark, over e.

Naupo sya sa kama at kinuha ang kinuha ang laptop nya at nagtipa.

"Clark magbihis ka muna bago ka maglaptop." Sabi ko bago bumalik sa pagpili ng damit.

Tapos na kong mamili ng damit pero si Clark hindi pa rin nagbibihis.

Napatampal ako sa aking mukha ng maalalang trabaho ko nga palang ipaghanda sya ng damit dahil mag-asawa na kami.

Abuso naman 'tong si Clark unang araw palang pinagtatarabaho na ko.

"Clark oh magbihis ka na." Utos ko sa kanya ng ibigay ko ang pantulog na nakalkal ko sa closet nya.

"Why?"

"Anong why?"

OMG don't tell me hubad na natutulog si Clark!

"Mahiya ka naman Clark. May kasama ka na ngayon matuto kang magdamit bago matulog." sermon ko sa kanya.

"Bakit ako mahihiya? You're my wife now." kibit balikat nyang sabi at saka unti-unting lumapit sa akin at hinapit ako sa bewang "And why wear clothes e huhubarin ko rin naman yan mamaya?"

"Huhubarin mamaya? May sakit ka Clark?"

"Sakit?"

"Sleepwalk."