Jeepney Overdrive

J. O. Chapter 14

CHAPTER 14

Getting to know well...

“Classical physics became a separate science when early modern Europeans used these experimental and quantitative methods to discover what are now considered to be the laws of physics." Lecture mode ang teacher nila sa Physics, sanay na sila sa araw-araw na pag na-narrate ng teacher ng mga bagay na makikita mo rin naman sa wikipida.

Masisipag ang mga istudyanteng, panay ang yuko at tingala sa pagkopya ng nakasulat sa monitor. Permanente naman ang tingala ng mga istudyanteng gusto lang mag-mukhang nakikinig. Permanente rin ang yuko ng mga gustong mag-mukhang nagsusulat, pero nasa dream land na.

Magaling na nakakalusot ang mga pasimpleng nagda-daldalan. Ang mga ‘it-girls’... busy sa pag-aayos ng kilay kahit may guro sa unahan. May nagbabasa ng librong hindi naman related sa klase. Ganito ang buhay ni Mr. Guillermo sa tuwing papasok siya sa section 2 Pearl. Sanay na rin siya.

“Ok... class, copy for 15 mins.” Lumabas siya sa kwarto at napabuntong hininga. Tsk... 25% lang naman sa kanila ang nakikinig huhu... wala akong kwentang teacher.

Kasama sa mga permanenteng nakayuko si Jessie. Buong weekend ay ginugol niya ang araw sa pag-papalevel ng character niya sa RO. May bossania kasi at exp times, minsan lang siya magkasabay. Halos ilang araw ring siya hindi nakalaro dahil sa sipon at sa mga naganap sa mga kaibigan.

“Psst.”

Lumingon si Aisha sa sumitsit, si Nico... apat na upuan lang ang layo nila dahil alphabetical ang arrangement. “May sakit?” tanong nito sa kanya, si Jessie ang tinutukoy.

“Wala... puyat lang, dumating siya dito kanina... 3 gramo ang eyebag.”

“Ah, ok. Palevel siguro.”

“Siguro, bago matulog ang sabi niya... si Ifrit daw ang nakikita niya. Di ko naman yun kilala.”

 

Nagpalevel nga, kaya pala hindi namamansin... wews buti naman akala ko nakipagdate siya sa lalaking yun eh... pfft. Nagsusulat si Aisha sa notebook, pero hindi natingala sa white board. “Nakopya ka ba?”

“Ha? Ako? Hindi, si Nisa na bahal sa lecture haha.”

“Eh... ano yan?”

Pinakita nito ang notebook, miski ang apat nilang katabi... simpleng sumilip sa notebook niya. “Hehe... fanart ko kay DJ. Hahaha.”

Juice ko po. Kamot na lang si Nico.

Bumalik saglit sa pagtuturo si Mr. Guillermo, tapos ay dinismiss niya. Wala naman nangyaring iba, mas naging legal lang ang lahat ng ginagawa nila. Tulog pa rin si Jessie, mahimbing at nasa malayong map na ng dream land. Sumilip sa pinto si Ms. Christy, tumahimik sila saglit. Sumilip uli, hindi na sila tumahimik. Tumuloy na sa loob ang adviser, ngiting mabait ang lahat.

Alam nilang may balita nanaman ako kaya sila tumahimik... hays, hindi naman ako ang P.R.O ... adviser kaya nila ako... huhu. “Class, tommorow there will be a new teacher for your T.L.E class... see Mrs. Lopera is due to live for her pregnancy.”

“Ma’am lalaki po ba ang papalit?” tapos ng mag make-up si Bianca.

“Ah... hehe I’m not yet sure ee, ngayon pa lang siya darating para sa contract pero most likely babae siya.”