How to Seduce a Hunk Again [Book 2] COMPLETED

Chapter 34: Akala Ko

Na cut ang lovescene dahil sa reporters. Anyways, plot naman ang main ingredients ng story not the bed scene. Sana'y mag like kayo at magcomment.tnx.

Jace'a POV

Nawala na ako sa sariling katinuan habang nakikipagromansahan kay Mick dito sa Sofa. Nakapatong ako sa kanya habang nagsasalitan kami ng mapupusok na halik. Tantyado ko pa nung una ang ritmo ng aming halikan, nang bigla na lamang umiwas si Mick sa pagkakahalik ko na siyang nagpahinto sa pagtungo namin sa tuktok ng kaligayahan.

"Bakit??" nasorpresa ako dahil bigla bigla na lang niyang tinulak ako papalayo hawak ang aking dibdib. Yung mga mata niya'y bigla na lang nanlaki na akala mo'y nakakita ng multo.

Hindi siya sumagot, bigla na lang siyang umalis sa pagkakadagan ko sa kanya. Ako nama'y walang ka-ideideya kung bakit ganuon na lamang kawirdo ang inasal niya.

Tumayo ako at kinuha na ang hinubad na damit. Maging siya'y isinuot na rin ang mga damit na tipong nagmamadali.

"Sorry Jace, hindi dapat nangyari 'to"

Napakunot ang nuo ko sa tinuran niya. Bakit naman kailangang humingi ng sorry e pareho naman naming ginusto 'yun?

"Ang wirdo mo Mick. Ano bang sa tingin mong masama sa ginagawa natin?"

Tumingin siya sa 'kin pabalik, reactionless lang ang pagkakatingin niya na hindi mo kakakitaan ng bahid ng rason kung bakit siya umaarte ng ganun.

"Kailangan ko nang umalis," mabilis niyang sambit sabay diretso palabas ng pinto. Gaya nang kanina, hindi ko siya pinigilang lumayo pero sa puntong iyon, tuluyan na talaga siyang umalis na hindi ko man lang nalaman kung bakit siya umayaw.

Alam ko, buo na sa puso ko na may tinatago siyang lihim. At binigyan niyang linaw ang lahat ng 'yun dahil sa pag walkout niya.

Alex POV

Muntik na akong maloka sa kahahanap sa magaling kong tiyuhin. Ni hindi man lang nagpaalam sa magandang pamangkin niya? E paano na lang ako kung wala siya? Saan ako kukuha ng pantustos ko sa pag-aaral? Saan ako kukuha ng allowance? Saan ako kukuha ng makakain? Baka pulutin ako sa kangkungan nito? Oo, ang OA ko mag-isip pero yun talaga ang naglalaro sa isip ko habang nagsasagawa kami ni Papa Jace ng search and rescue operation sa posibleng makita na naming katawan ni Kuya. O atleast hindi ko naman inisip na baka patay na siya diba?

Ayun si Kuya, nagpakita naman kina-madaling araw. Akala mo'y ginahasa siya ng sampung Pokpok dahil gulo gulo ang buhok at naka boxers lang. Nakahinga naman ako ng sobrang luwag dahil buhay pa siya. It only means, hindi ko na siya iisipin, so iisipin ko na lang muli ay ang prince charming kong hindi man lang nag farewell sa 'kin. Pero Farewells are not forever kaya heto ako ngayon, sinalubong ang umaga na may ngiti sa labi dahil I have a mission today to stay positive, and a mission to hunt Papa Joaquin. Hmmmm, akala niya makakatakas siya sa ganda kong 'to? E alam ko lang naman ang address ng tinutuluyan niya ngayon kaya humanda siya sa 'kin.

"You can run, but you cannot hide," bulong ko sa sarili habang nagpopose ng evil laugh. On my way lang naman ako papunta sa tinutuluyan niya.

Tirik na tirik ang araw nang makapunta na ako sa pansamantalang tinutuluyan ni Papa Joaquin wearing this silky red dress. Nakita kong nakabukas ang maliit na gate kaya't hindi na ako nag 'Tao Po'.

I took a very deep breath before I enter the house. Sarado ang pintuan, tahimik ang lugar na tingin ko'y wala ng katau-tao. OMG... Did Joaquin leave? Hindi maaari ito. Hindi niya ako maaring iwan. Marami pa siyang kailangang ipaliwanag sa 'kin.

Nilakasan ko na lang ang aking loob at nagpakapositibo. "Bawal muna ang nega, nandyan si Papa Joaquin. He's there and he loves me," bulong ko sa sarili.