عشقني ليل الصعيد

العيد فرحه🥰🌺ح١٩ ج٣

" أستغفر الله العظيم "
الحلقه ال١٩ ج٣
مكملتش كلامها لما أغمى عليها أتصدموا وجري ليل عليها برعب هو
والتوأم وفهد والباقي
بعد وقت...
كانوا التوأم وفهد وليل وضحى والبنات حواليها..
سلمى: والله يا جماعه انا كويسه ليه القلق ده..
ضحى: انتي محتاجه تكشفي فعلا...
ليان: طنط انتي كويسه صح...
سلمى: اه يا حبيبتي...
ليل: كدا كتير انا حجزت عند دكتورة خلاص بكره بعد الفطار
سلمى: يا ليل انا والله كويسه دي دوخه بسيطه...
ورده: اسمعي كلام عمو يا طنط لازم تطمني... مالت ضحى على زهره وقالت: شكل في حاجه في السكه
زهره؛ اي يا بنتي زياده الخير خيرين
ضحى: لاء زياده الخير اربعه... ضحكوا...
ليل: طب بعد اذنكم يا جماعه اطلعوا دلوقتي... طلعوا ماعدا ولادهم
ليل؛ يلا يا ولاد اطلعوا
فهد: معلش يا بابا خلينا مع ماما نطمن عليها
سلمى: متتعبوش بابا واطلعوا يا حبايبي انا كويسه..
طلعوا وليل قرب منها بلهفه وقال: حسه بإيه
سلمى: دماغي وجعاني..
ليل: مش انا قايلك قبل كدا لما تحسي انك تعبانه تقوليلي
سلمى:محصلش حاجه انا كويسه اهه...
ليل: بكره بعد الفطار هنروح..
سلمى: انا مش عاوزه انا كويسه
ليل: مفيش حاجه اسمها مش عاوزه...
سلمى: طيب يا ليل...
نزلوا الاتنين...
سليم: هتعوزوا كام للسوداني وطلبات العيد
ورده: عاوزين شوكلاتات وسوداني كتير
ضحك وحازم قال: طول عمرك يا ورده بتعشقي الشوكلاته
ليان: اي بنت بتحب الشوكلاته
حازم: فعلا بس انتي مبتحبيش الشوكلاته
ليان: اه بحب نوع معين ويا سلام لو شوكلاته اللي لونها ابيض... بصولهم وهما بيتكلموا حمحم ليل وقال: طيب تمام...
سلمى: هو ينفع يعني لو نزلنا انا والبنات كدا نلف شويه في شوارع الصعيد...
ليل: حبيبتي انتي تعبانه ومحتاجه راحه اللي تعوزيه قوليلي وانا هجبهولك...
سلمى: مخنوقه اوي يا ليل ومحتاجه اشم شويه هوا..
كان هيعترض لكن جه في باله فكره وقال: طيب تمام تيجي ننزل كلنا كدا كل واحد ياخد مراته وننزل نشم شويه هوا كلنا... وغمز لإخواته وهما فهموه...
زين: اه والله فكره حلوة..
تميم: يعني انتو تخرجوا وتحبوا في بعض واحنا السناجل نقعد كدا
ليل؛ تميم تلاجه خليك في حالك
ليليان: هتعقد الواد حرام عليك...
ليل: احنا بنهزر صح ياض
تميم: طبعا يسطا... ضحكوا وليل مال عليها وقال: قومي إلبسي...
قامت جريت تلبس وكذلك ليليان وضحى وزهره...
بعد وقت...
كان كل واحد ماشي وفإيده مراته...
سليم: هاه ياست سلمى هنروح فين
سلمى بفخر؛ هنروح احلى مكان انا بحبه في الصعيد كله..
بصولها بإهتمام وهي كملت: عند عمو اللي بيبيع حلويات وبتاع الهدوم اللي هنا...
ضحى: فين بتاع الهدوم ده..
سليم: قصدك عند الناس الكتير اللي هناك...
صرخ زين: نعمممم...
بصوله وهو قال: بقى انا الرائد زين هجيب من الهدوم ديه
سلمى: اه
زين: يا بنتي ما احنا جيبين من مصر هدوم حلوة كمان
سلمى: انا لازم اجيب بجامه العيد من هنا...
زين: على جثتي...
بعد وقت...
كانوا بيحولوا يمشوا في المكان الزحمه...
ليل: خليكي جمبي عشان منتوهش...
سلمى: ما انا جمبك اهه لاء وايه ماسكني من وسطي اوه يا جنتل
ضحك وعدى من جمبهم راجل وخبطها وكانت هتقع مسكها زعق فيه وقال؛ ما تفتح يا أعمى...
الراجل بزعيق: الاه في ايه يا بيه انت مش شايف مفيش مكان نحط فيه رجلينا
كان هيمسك فيه لكنها جذبته من ايده وقالت؛ خلاص يا ليل
كانت ماشيه ضحى وزين قدامهم...
زين: صحبتك دي مفتريه غاويه فرهده وبهدلن وخلاص...
ضحى: والله المكان حلو
زين: انتي مش شايفه الناس بتتلزق فينا ازاي..
ضحى: انت لسه شوفت حاجه من سلمى... لف وبصلهم وكانت هي وليل بيتكلموا بصلهم بقرف وليل قال: في حاجه يا شق...
زين: حط في جيبك رق..
ضحكت وليل ضربه برجله وكان هيقع لولا ضحى اللي مسكاه...
ضحى: زين انا خايفه اوي
زين؛ اشربي يختي مش المالمكان تحفهه..
سلمى: تعالو تعالوا... انتبهوا وراحوا عند المحل اللي واقفه فيه...
سلمى للبياع: بكام العبايه دي يا عم الحاج
البياع: ب٢٠٠ يا مدام
ضحى: حلو.. ضربتها في اديها وقالت للبايع: ٢٠٠ايه يا عنيا قال ٢٠٠قال دي بره٧٠جنيه... بصولها بصدمه ومالت ليليان عليها وهمست: حلو سعرها يا سلمى
سلمى بنفس الهمس: اسكتي انتي خالص... سكتت وسلمى قالت؛غالي اوي يا حاج...
قرصها من دراعها وقال: اخرسي واشتري يلا..
اتكلم البايع بنفاذ صبر: يا مدام دي حاجه مستورده وخامتها نضيفه برا هتلاقيها ب٣٠٠ عندنا ب٢٠٠
سلمى: يا سلام.. بص يا حاج احنا هناخد اكتر من واحده ولازم الواجب بتاعنا انا هاخد الواحد ب١٠٠ جنيه...
البايع: لاء يا مدام مينفعش خالص...
سلمى: لاء ينفع مينفعش ليه..
البايع: انا كدا هخسر يرضيكي اخسر..
ليل بحده: ما تتكلم عدل ياعم انت اي يرضيكي ديه
خبطته في كتفه وهمست: اسكت يا ليل...
ليل: مش شايفه بيتكلم ازاي..
البايع: بصي يا مدام مش هينفع...
مسكت ايد ليل وقالت: طب يلا بينا...
كانوا هيمشوا وقفهم البايع وقال: طب ب١٣٠ ينفع...
سلمى: لاء بردو انا هاخد كتير مش هينفع...
ليل بهمس: يا بنتي كويس ١٣٠ مش وحش... تجاهلته والبايع قال خلاص زي ما نتي عاوزه ب١٠٠ حلو... بصولها بصدمه والبايع قال: اختاري الالوان وانا تحت امرك... شاورت ل (ليليان وزهرة وضحى) وقالت: اختاروا اللي عوزينه...
كانوا في صدمتهم قالت: انتو هتفضلوا متنحنلي كتير يلا وبلاش صدمات... اختارت كل واحده عبايه مال ليل عليها وقال بهمس: هاتي ازرق هيبقى حلو
سلمى: يعني مش عاوز احمر
ليل: احمر ملفت اوي... وبعدين الاحمر ده في حجات تانيه...
بصت في الارض بخجل وقاطعهم البايع اللي قال: يا مدام اختاري...
اضايق وهي بصت ل ليل وهو قال: الازرق دي...
ليل: كل واحد يدفع لمراته...
سليم: اه ما انت مش هتدفع غير لمراتك مبالك احنا كل واحد هيدفع لمراته وبنته كمان...
ابتسم وبصلها وقال: يلا يا جماعه...
بعد وقت في البيت...
كانوا قاعدين البنات شوق وليان وورده وسلمى قاعده قدامهم في اوضه ليل...
سلمى: احنا قاعدين بعيد عنهم عشان اديكم كام نصيحه كدا وقعدين قعدة بنات وانتو فاهمين..
حركت ليان وشوق راسهم بالفهم وكانت قاعده ورده وسرحانه سلمى بمرح؛ اوبا ده البت ورده سرحانه سرحانه في اي يا بت..
انتبهت وقالت؛ مفيش يا طنط
سلمى بمرح: اوعي تكوني يا بت بتحبي وماشيه معاه من ورانا
ورده: لاء طبعا يا طنط تعرفي عني اني كدا... حست ليان بالذنب وسلمى بصتلها وبصت ل ورده وقالت بمرح؛ عفارم عليكي يا بنتي
ابتسمت وفتحت دراعها وهما جريوا لحضنها وهي قالت؛ بمناسبه هزارنا وضحكنا كدا فكرتوني بحاجه ماما كانت بتحذرني منها ونا صغيره... بعدوا عنها وبصولها بتركيز...
سلمى: كانت ديما تقولي اوعي يا بت يا سلمى ترتبطي من ورايا وتضيعي ثقتي رغم انها عارفه اني عمري ما أعمل كدا بس ديما كانت بتقولي كدا عشان تفكرني لانها كانت خايفه عليا ان واحد يضحك عليا ويقنعني اننا صحاب وصداقه بريئه ... بصتلها ليان وأتملت عنيها بالدموع لحظتها وطبطبت على اديها بحنان وكملت ببسمه: مفيش حاجه في دينا تقول ان في صداقه بين الولد والبنت... يعني مثلا انتو لو كنتو بتكلموا ولاد واتعودتوا على صداقة الولاد كان زمنا بنعاني نمنعكم عنها... ومثل تاني بنت بتخبي حاجه على مامتها حتى لو كانت صغيره هتتعود انها متقولهاش وهتعملها من وراها... تعرفوا يا بنات اللي بيعمل حاجه وواثق انها صح بيقف قدام العالم كله ويقول انا بعمل الحاجه دي... واللي بيعمل حاجه غلط مبيقدرش يقول عليها وبيخبيها رغم انه مقتنع انها حاجه بسيطه وان كله مأڤور فيها طب لو انت صح ليه بتخبي احنا بطبيعتنا البشريه نقدر نفرق بين الصح والغلط بس شيطانا والنفس الأماره بالسوء بيسيطروا علينا بس احنا ايمانا قوي ونقدر نتغلب عليها صح يا بنات... ليان في سن مراهقه وشوق كمان وانا خايفه عليكم بس عارفه ومتأكده انكم مش هتعملوا حاجه غلط...
شوق: ما مثلا يا طنط ممكن اي اتنين يطلعوا بيحبوا بعض
سلمى: في الوقت ده لاء ده مش حب ده هلاك ضعف وهرمونات اي ولد او بنت في سن المراهقه ده مشاعرهم بتبقى مياله للجنس الآخر ويقعدوا يفكروا في الارتباط مع انهم لما يكبروا هيضحكوا على اللي كانوا بيعملوه وهيقنعوا ولادهم بكدا.. بصوا انتو في السن ده مشاعركم وكل حاجه فيكم مش مكتمله ومحتاجه وقت عشان تكتمل عشان كدا بيسموه سن مراهقه...
ورده: صح يا طنط...
سلمى: طب اطلعوا عاوزه ليان في سر..
قربت شوق وورده حضنوها وطلعوا...
سلمى: مالك يا لي لي كنتي هتعيطي ليه
عيطت وسلمى حضنتها فهي فاهمه السبب لكنها اتظاهرت بعدم الفهم
سلمى: مالك يا قلبي...
ليان: انا عملت حاجه غلط يا طنط..
سلمى: حاجه ايه يا بنتي...
ليان: انا كلمت ولد من ورا ماما وبابا...
سلمى بهدوء: كنتي بتحسي بإيه وانتي معاه
ليان: اني بعمل حاجه كبيره وان ممكن بابا او ماما او سليمان او اي حد منكم يشوفني معاه ولنا ورده شافتني انا اترعبت ان ممكن كان حد من الشباب يشوفني...
سلمى: طب وعملتي ايه
ليان: لما اتكلمتي معايا من فتره انا اقتنعت بكلامك وعملتله بلوك وقولتله اني مش عاوزه اتعامل معاه تاني
سلمى: شاطره يا بنتي ده الصح
ليان: يعني مش هتقولي لماما ولا لبابا
سلمى: لاء مش هقول بس انتي اللي هتقولي
عيطت وقالت: لاء مش هقول ماما وبابا هيضربوني وهيزعلوا مني
سلمى: لازم تواجهي كدا
ليان: طب ينفع يبقى سر بيني وبينك
سلمى: هو سر بيني وبينك وبين ماما..
ليان: يعني ايه؟
سلمى: يعني احكي ل ليليان دي ماما والمفروض تبقى اقرب مني قربي منها واحكيلها واكيد هتتفهمك صح ولا غلط..
ليان: صح...
سلمى: إسألي ماما كدا على قصة حبها لبباكي كدا شوفي واسمعي منها
ليان: حاضر.. انا بحبك اوي يا طنط
سلمى: وانا كمان يا قلب طنط..
طلعت ومعداش ثواني وكان اتفتح الباب وكان ليل اللي قال ببسمه: عرفه انا فخور بيكي اد ايه قدرتي تحلي المشكله من غير ما تتطاولي على البنت او تحسسيها انها قليله..
قربت منه وقالت: انت كنت بتتصنط
ضحك وهي قالت؛ تعرف يا ليل بابا وماما ربوني اني مخبيش اي حاجه عنهم وربوني على الدين والاخلاق اتعلمت امتى ابقى بميت راجل وامتى اكون ست البنات اتعلمت ان سن المراهقه ده السن اللي يحدد الشخصيه ومنه يحدد مصيرنا...
شدها لحضنه وقال بحب: حبيبي العاقل هاتي بوسه... وباس دماغها بحنان وكمل: عرفتي ليه نفسي في بنت...
سلمى: اه عرفت....
تاني يوم...
دخل زين وسليم البيت وهما بيتكلموا وكانت صدمتهم كانوا البنات والولاد سواء كبير او صغير قاعدين حولين طاولتين
طاوله تجمع(التوأم وفهد ويوسف وشوق وزهره)
وطاوله تجمع(حازم وليان وسلمى وضحى وليليان وفراس)
وبينقشوا الكحك والبسكوت وكثير من الصواني المرتص بها الكحك والبسكوت المعجن..
سلمى: اهو سليم وزين جم عشان يساعدوا ليل وسليمان..
زين: اساعد مين هو انتي قولتي ليل... طلع ليل وعلى وشه وهدومه دقيق وماسك صاجه وجمبه سليمان اللي شبهه...
نزل سليم وقال: الله يرحمك يما كانت بتعمل معانا كدا هاتي يا زهره العجينه شويه...
زين: اي يا ليل مالك...
مردش ونفخ بضيق فهو ساعدهم بسببها...
مدت ليان اديها لسلمى وقالت؛ حلوة النقشه دي يا طنط...
سلمى: جميله...
حازم: انا كان مالي بس يا رب...
ليان؛ مالك اي يا عم انت مش حاسس بالأجواء مش احسن من الجاهز
ابتسم وقال: الصراحه اه تعرفي يا بت يا لي لي... بصتله لما نطق دلعها وهو قال: الجو ده حلو اوي اول مره اعمل كدا
بصتلهم سلمى وليليان كانت مشغوله مع ضحى في النقش...
سلمى: تعالى غير شكل مكنه البسكوت عوزين نغير الاشكال شويه
نزل ليل وقعد جمبها وغير الشكل... بصت سلمى ل ليل وبعدين بصت ل زين بغيظ...
سلمى بغيظ: اي يا اخ زين مش هتنزل تعمل معانا اخوك الكبير نزل وعمل انت اي مش هتنزل تساعدهم انزل لف مكنه البسكوت بدل ليل شويه.. بصلهم بصدمه واتفاجأ بضحى اللي قالت: انتي عاوزه تريحي جوزك يعني وتتعبي جوزي
سلمى: حرام عليكي يا شيخه ليل معانا من الصبح جوزك لسه داخل
هز ليل راسه بتأثر وزين بصله برفع حاجب
ضحى بدفاع عن زين: يعني هو كان بيلعب ما هو طفحان الدم في القسم والمجرمين
سلمى بحده: قصدك ان جوزي بيلعب... وبعدين جوزك بيفضل قاعد في المكتب اربعه وعشرين ساعه بيمضي ورق واوامر وبس... اما ليل حبيبي يفضل طالع داخل على شغله وبيروح مواقع وبيثبت نقط عشان يبنوا وبيرسم مخططات يعني بيتعب
باس خدها وقال: يسلم فومك يا قلب ليل... سبوني ارتاح بقى
تجهلت كلامه واللي عمله وكله متابع بصمت..
ضحى: على الاقل جوزك قاعد في امان مش شايل كفنه على ايده
بصتلها بصدمه وقالت بحده: انتي بتقري على جوزي؟؟!!
ضحى بخوف من نبرتها: لاء والله
زين بجديه: خلاص انتي وهي يلا لموا كدا...
سلمى: يلا يا زين وبطل دلع وخد الصواني عند عمو سعيد اللي على اول الشارع واوعى يضحك عليك ويبدل الصواني
زين: انسي يا سلمى ان الرائد زين الجندي هيودي الصواني المخبز...
بعد وقت...
سلمى بشماته: براحه على الصيجان اللي انت شايلها يا حضرة الرائد لحسن تقع ولا حاجه...
بصلها بشر وقال: والله لأوريكي...
ليل بحده؛ هتعمل اي يعني يا زين..
زين: مش هعمل...
حدفتله قبله في الهوا وقالت بحب: ربنا يخليك ليا يا قلبي انت...
ليل: ويخليكي ليا يا قلب قلبك...
قربت ضحى منه وقالت بدلع وهي بتعدل الصيجان: معلش يزيني ده العيد بكره وكل سنه وانت طيب يا حبيبي...
حس بالهدوء والراحه فلا أحد يستطيع أن يهون عليه سواها " وليس هناك أجمل من حبيبان يحملا مشقه الحياة سويا ويهونوا على بعضهما وقت الغضب والحزن... "
تميم بمرح: لاء حضرت الرائد من كلمة اتثبت... بصله بشر وقرب فراس منه وقالت بتأثر مصطنع وهو يكتم ضحكه: عنك يا غالي اشيل عنك...
كان هيرمي الصجان على الارض لولا تدخل ليل اللي قال: ارجع انت وهو بدل ما يديكم بالصاجه في دماغكم...
بليل تحديدا بعد الفطار بساعات قليله...
كانوا قاعدين وبيرصوا الكحك والبسكوت في علب...
كانت وقفه وبتناولهم الصيجان وحست ان الارض بتلف بيها...
سلمى في نفسها: هو في ايه بقى انا كويسه ايوة وبدوخ ليه...
مسكت في ايد الكنبه وغمضت عنيها وهي تحاول أن تتماسك لكن خانتها نفسها ووقعت لكن ليل كان لحقها قبل ما تقع بصتله بتعب وهو قال: يلا معايا هتكشفي...
سلمى بإغماء: لاء لاء انا كويسه اهه
ليل بغضب وزعيق: كويسه كويسه مش هتهدي غير لما تروحي مني صح يا سلمى...
زقته بكل قواها وعيطت وقالت: انت بتزعقلي ليه...؟؟
بصولهم بصدمه وبيتبعوهم بصمت من اللي بيحصل...
ليل بحده: انتي بتزقيني انتي اد اللي عملتيه ده... قعدت على الارض وانكمشت وقالت بعياط: انا زعلانه منك يا ليل
مسح على شعره بضيق لكنه اتنهد ونزل لمستواها وقال: حبيبتي... مردتش وشهقت لما شلها وقال: عن اذنكم يا جماعه... وطلع بيها الاوضه...
في الأوضه...
فضل شايلها وهي بصاله طال الصمت لثواني وقطع الصمت لما قالت: نزلني
ليل: لاء
سلمى: نزلني يا ليل...
ليل: لاء قولتك..
سلمى: ليه
ليل: انتي ايه اللي عملتيه ده...
سلمى: انت اللي زعقتلي
ليل: وتبعديني عنك انتي عارفه كويس اني خايف عليكي ومرعوب عليكي
سلمى: ده برد طبيعي يعني... نزلها وقال بغضب خفيف: برد اه انا مش هستنى لما الاقيكي بتروحي مني لولا اني كنت جمبك كان زمانك وقعتي على الازاز اللي كان وراكي...
سكتت وقالت بكذب: بس انا تعبانه ومش قادره نروح للدكتورة..
بصلها شويه وراح نحيه الدولاب وطلع فستان ليها ولفلها وقال: قربي
سلمى: لاء يا عم انت هتضحك عليا زي كل مره
ضحك بخفه وقرب بخطوات سريعه وشدها ليه وفكلها حجابها بهدوء واتحركت ايده على ضهرها يفتح السوسته بتاعت الفستان بهدوء أتوترت وقالت: ليل...
ليل: شششش مش عاوز ولا كلمه...
سلمى بتوتر: ابوس ايدك بلاش كدا
مهتمش وكمل اللي بيعمله وأتفجأ لما عيطت وضمت نفسها وقالت: لاء لاء انت هتعمل اي
ليل بإستغراب: بعمل اي هغيرلك والبسك عشان نمشي...
سلمى: لاء
ابتسم بهدوء وقال: مكسوفه؟ وماله احب انا كدا...
بصتله بخجل وهي ضمه نفسها شدها ليه اكتر وقال: انا جوزك يا بطه فريك انتي...
سلمى بكسوف: يا ليل انا مش عاوزه كدا
ضحك وقال: وانا عاوز كدا
زقته وجريت على الحمام وهو جري وراها وقبل ما تقفل الباب كان دخل وقفل الباب بالمفتاح وقال: وريني بقى هتطلعي ازاي...
حاصرها في الباب وقرب منها وقال: هاه هتغيري وهتيجي تكشفي بمزاجك ولا أتصرف انا... احمر وشها من قربه الزايد
ليل بخبث: يبقى اتصرف انا... اتكلمت بسرعه؛ لاء بمزاجي...
ليل: لاء ميصحش تبقى مراتي تعبانه ومسعدهاش...
حست انها هيغمى عليها من الكسوف اتكلمت بأنفاس عاليه؛ ليل ابعد انا مش قادره امسك نفسي وهقع من كسوفي منك...
ضحك وقرب منها يبوسها غمضت عنيها وأتفجأت لما سمعت صوت المفتاح وهو بيفتحه ومسكها وفتح الباب...
كان هيطلع لكن وقف وقال: شوفتي بقى انك اللي عوزاني اعمل كدا... وطلع وهي أتمنت ان الارض تنشق وتبلعها...
بعد وقت...
طلعت وملقتهوش نزلت وقالت: هو ليل فين
ليليان: راح يجيب حاجه وجاي... قعدت وأتفجأت بصراخ البنات والولاد الصغيرين بأسم ليل... قامت جريت بسرعه ووراها ليليان وأتفجأت لما لقت ليل ماسك حبل طويل فيه الكتير من البلالين
سلمى بزعيق: ايه اللي عملتوه ده صويت صويت ايه قلقتوني
تيام: مالك يا ماما احنا بس كنا فرحانين ان بابا جبلنا البلالين اللي عوزنها
طلعت على الاوضه وهي حاسه انها هتعيط...
تميم: هو في ايه
كان هيطلع لكن وقفه الولاد وهما بيقولوا؛ البلالين
ليان: هات يا عمو وانا هقسمهم...
حازم: انتي يا شحطه مش كبرتي على الكلام ده
ليان؛ ملكش دعوة انا بحبهم وبعدين اي بنت بتكبر بيبقى جواها طفله صغيره وبردو طنط سلمى بتحبهم...
ضحك حازم وقال: طنط سلمى دي العسل كله ومحدش زيها أبداً
ليل بحده: انت بتعاكس مراتي صح
حازم بإستفزاز: اه....
كان هينقض عليه لكنه اتحرك نحية السلم وقال: الايام بينا يا ابن سليم
دخل الاوضه ولقاها نايمه على السرير بالفستان والحجاب وباين عليها العياط والتعب....
حط البلالين جمبها وابتسم وحضنها من ضهرها وقال: اي يا قلبي من أمتى وانتي قلبك قلب خسايه كدا...
سلمى بغيظ: تقصد اني قاسيه
بعد عنها وقال: اي يا بنتي انا بهزر... اتعدلت وقالت؛ ما ده معنى كلامك
ليل:مش ملاحظه حاجه
سلمى: ايه
ليل ببسمه: الهرمونات دي مبتفكركيش بحاجه
بصتله بعدم فهم وهو قام وقال: طب يلا يا قلب ليل ورانا معاد مع الدكتورة...
كانت هتقوم لكن اتفجأت بيه وهو بيبوسها بهدوء وهي مصدومه بعد عنها وقال: الروج شكلك نسيتي تمسحيه وعقابك لما تحطيه برا البيت اخدتيه...
حطت اديها على شفايفها بصدمه ووقفت قدام المرايا وكان الروج أتبهدل بمعنى الكلمه...
ابتسم وقال: امسحي ولا محتاجه مساعده...
سلمى: لاء لاء همسحه والله... خلصت وهو مسك اديها ونزلوا
ليل: معلش يا جماعه هتعبكم شويه خلي بالكم من الولاد
سليم؛ اتوكل على الله ومتقلقش ابقى طمنا...
ليل: تمام يا خويا.... ومشيوا...
في الطريق..
سلمى: يا ليل مكنش ليها لازمه...
ليل: اطمن عليكي بس...
سلمى: ما انا كويسه اهه... وقف العربيه ومسك اديها وحطها على قلبه وقال: ده لسه متأكدش وهيموت من الرعب عليكي..
سلمى: بعد الشر عليك ليه كدا
ليل: يبقى تكشفي وطمنيه...
سلمى: حاضر...
بعد وقت...
عند الدكتورة...
كانوا الاتنين قاعدين قدام الدكتورة بعد ما كشفت عليها...
ليل بقلق: ها يا دكتورة...
ابتسمت وبصت لسلمى وقالت: طبعا مش محتاجه اي تحاليل ولا اي حاجه لان الحمل واضح جدا
شهقت بصدمه اما ليل مصدقش اللي قالته ومنعش نفسه من احتضانها قام وحضنها ولف بيها وقال: مبروك يا قلبي... دمعت عنيها وهي شايفه فرحته وليل نزلها وقال: مالك يا حبيبتي شايفك مش مبسوطه...
عيطت وقالت؛ انا مش هقدر
ليل: يعني ايه
سلمى: يعني مش هقدر يا ليل انا خايفه اوي مش هقدر على تلاته تاني ولا يمكن يطلعوا اربعه...
الدكتورة: اهدي يا مدام سلمى اي التسرع ده وبعدين هو واحد بس انا لسه كاشفه عليكي وطلع واحد بس...
سلمى: يعني واحد...
الدكتورة: اه وانتي داخله في الشهر التالت...
سلمى بصدمه: يعني ايه ازاي انا كنت عند دكتورة من كام اسبوع وقالتلي ان عندي برد في معدتي... بصلها بحده وقال: نعم من ورايا...
سكتت والدكتورة ابتسمت وقالت؛ يمكن شخصتك غلط او اتبدل التحاليل عالعموم الف الف مبروك...
في الطريق...
كان الصمت سيد الموقف سعادته بحملها لكن زعله انها خبت عليه انها  كشفت وشرودها في البيبي الجديد والايام الجايه...
في البيت...
كانوا قلقانين اتفتح الباب واول ما دخلوا وقفوا قدامهم
فهد: ماما انتي كويسه اي اللي حصل.... حط ايده على وسطها وقال بغرور؛ أبداً بس كنا بنطمن على البيبي...
بصولهم بصدمه وسرعان ما تعالت الزغاريط وصرخات البنات بفرحه وبسمه الولاد بسعاده...
فهد: مش فاهم
ليل بفرحه: اخوكم او اختكم...
فهد بفرحه؛ ماما انتي حامل... حركت دماغها ب اه بزعل...
لاحظها وقال: يلا نطلع...
سليم؛ متتأخروش عشان عوزينكم...
ليل؛ تمام..
طلعوا واول ما دخلوا شلها وهو بيحاول يقلل حزنها وقال: انا مش مصدق انتي حامل بجد...
مردتش وهو نزلها وقال: في اي يا حبيبتي مش فرحانه بالحمل
مردتش وليل وقف قدامها وقال؛ طب كشفتي من ورايا ليه
سلمى: كنت عاوزه اتأكد الاول
ليل بنفاذ صبر: ولو اتأكدتي كنتي هتعملي اي
سلمى: صوتك يا ليل...
ليل بحده: انطقي...
اتكلمت بزعيق وقالت: كنت هنزله لاني مش عاوزه تاني
بصلها بصدمه وقال بزعل: للدرجادي مش عاوزه تخلفي مني تاني.. انتبهت للي قالته وبصتله وهو قال؛ شكرا يا سلمى واعملي حسابك مش هينزل مش هشيل ذنبه هيكمل الحمل على خير وهاخده وهربيه ومش هيبقى ليكي دعوة بيه ولا بيا...
قربت منه وقالت: والله ما قصدي انت فهمت غلط
ليل؛ ولا فهمت صح كلامك يوحي بكده من ساعت ما سمعتي انك حامل وانتي مضايقه كله فرحان الا انتي...
سلمى: طب والله انا مش قصدي اللي فهمته يعلم ربنا اني بحبك اد ايه واني مش كارهه الفكره بالعكس والله حباها بس انا تعبانه اوي من ساعت التوام... مهتمش وقال؛ غيري يلا هدومك عشان هننزل نشوفهم عوزين اي... مسكت ايده قبل ما يطلع وقالت: طب اصبر بس...
شد ايده بهدوء وقال: يلا وملكيش كلام معايا...
طلع وبعد وقت نزلت...
سليم: بما ان العيد بكره فأحنا قررنا نعمل حاجه كدا
بصوله بإهتمام وسليم كمل: البنات هتبقى في اوضه والولاد في اوضه
زين؛ نعمم يعني اي مش هنام جمب مراتي
سليم؛ اه... كانت مستنيه رفضه لكن اتفجأت لما قال: طب حلو يلا....
قام الشباب ودخلوا اوضه سليم وهي بصتله بزعل... مسكوها البنات(شوق وليان وورده) وقالوا؛ تعالي نجهزك بقى عشان متتعبيش
سلمى: استنوا بس...
ضحكوا بمرح وورده قالت: هتيجي عندي في المستشفى وانا اللي هطمن على النونه بنفسي... ابتسمت بزعل وقال؛ طب يلا...
في اوضه الشباب...
كانوا نايمين على الارض بعد ما كل واحد استحمى ولبس بجامه الوقفه
كان قاعد على الارض وسرحان في اللي حصل وكلم نفسه وقال: ما انت بردو مكنش ينفع تبقى قاسي اوي كدا... لاء بس هي مش عاوزه تحمل مني.... بس هي بتحبني وهي مكنش قصدها... فاق من تفكيره على فهد اللي قال: مالك يا بابا
ليل: مليش يا ابني... ااااه.. صرخ ليل بوجع لما ضربه زين برجله في كتفه وقال: الواحد كان وحشه ضربك يا ليل...
ليل: ابعد رجلك المعفنه دي...
زين بإستفزاز: اي يا ليل انت مضايق عشان منمتش في حضنها ولا اي يعم اهدى شويه بدل ما تسقطها ولا حاجه...
قام وانقض عليه وزين بيضحك عليه...
حازم؛ عنده حق يا باشا...
قام مسكه وقال: مش قولتلك الايام بينا
ضحك حازم وسليم قال: ابني هيروح مني...
كتفه التوأم وتميم قال: ده بيعاكس مراتك هتسكتله...
ضحكوا وحازم قال: يلهوي على ايدك...
في اوضه البنات...
لبست فستان قصير ورقيق جدا
ضحى: اللهم صل على النبي...
ابتسمت وليان قالت: تعالي نحط مسكات بقى... قعدوا وحطوا مسكات وهي كانت سرحانه في ليل وحطت اديها على بطنها وقالت؛ متزعلش مني انا مش قصدي ازعلك والله انا بحبك وكنت حاسه بيك بس كنت بكدب نفسي بس انا والله بحبك...
شغلوا اغاني وبدأوا يرقصوا وفرحانين...
على الساعه٣...
اتسحبت وراحت نحية الاسطبل لما شافته نزل...
راحت وكان هناك استخبت وهو كان قاعد على الارض وهو مديها ضهره...
فضلت تبص عليه وهي مستخبيه
ليل بهدوء: عاوزه اي
سلمى: اانت عارف اني هنا
ليل: انا بحس بيكي وبعدين ريحة البرفان بتاعك انا حافظها مش هتوه عنها...
قربت وبصت في الارض وبتفرك اديها بتوتر قام وقف قدامها وحط ايده في جيبه وقال:نعم؟؟
مردتش ونزلت دموعها بصمت مسح دموعها وهي مسكت ايده وقالت بعياط: انا آسفه..
ليل ببرود مصطنع:وانا مش متقبل أسفك...
سلمى؛ طب والله مكنش قصدي خالص...
لف وشه بعيد عنها وهي اتنهدت وقالت؛ مفيش فايده
مردش وهي قربت وباسته من خده براحه وقالت؛ انا بحبك وبحبه اوي وكانت هتمشي شدها ليه وقال: طب ما انا عارف
ضربته في كتفه بغيظ وقالت؛ تصدق انك بارد يا ليل...
ليل: اه عارف...
سلمى؛ مش زعلان
ليل: الصراحه زعلان اوي اوي...
سلمى؛طب أنا اسفه...
ليل: انا مبتصلحش كدا...
بصتله وهو شاور لخده وهي فهمته ومالت وباسته...
ليل؛ الخد التاني يزعل يرضيكي... ضحكت وقالت؛ لاء ميرضنيش... باسته وهو قال: طب ايه
سلمى: اايه..
ليل: تعالي اقولك حاجه في اوضتنا..
سلمى: مش همافيها
ليل: لاء دول في اوضه الواد سليم... حضنته وقالت: حقك عليا والله معرفش قولتهالك ازاي انا بحبك وبحبه ومتحمسه ليه اوي اوي...
ليل؛ مش. ده اللي كنتي مش عوزاه...
سلمى: مين ده... ده انا بحبه جدا ومقدرش انزله لاني بخاف...
ليل: ده رزق وربنا مبيديش حد حاجه وهو عارف انه قدها...
سلمى: صح...
باس دماغها ونزل لمستوى بطنها وقال: حبيبتي مستنيكي بفارغ الصبر
سلمى: انت متأكد كدا ليه انها بنت
ليل؛ قلب الاب بقى...
سلمى: اه يعني هتحبها اكتر مني... باس بطنها وقال: امك هتموتنا... ضحكت وضربته على راسه...
ليل: هو ايه اللي انتي عملاه في نفسك ده
سلمى: البنات حطولي مسك وعملولي شعري والبت ليان حتطلي ميكاب البت ليها مستقبل والله..
ضحك وقال: طب تعالي نتكلم على رواقه فوق....
تاني يوم...
كان البنات بيجهزوا نفسهم لصلاة العيد وكل واحده لابسه اسدال صلة وكل واحد من الشباب كان لابس قفطانه...
اتجمعوا في الساحه بتاعت الدوار قبل ما يروحوا لصلاه العيد...
مسك اديها وباسها بحنان وقال بحب: كل سنه وانتي معايا ومنوراها بحبك وحنانك يا قلب ليل.. حضنها وهي ضمته بحب تدخل زين وقال بمشاكسه: ااي يا جماعه انتو بتعوضوا رمضان ولا اي لاحظوا ان فيه اطفال ومينفعش تشوفكم...
ضحكوا وقرب التوأم وفهد من بطنها ونزلوا لمستواها
فهد: تعرف مستنيك اد ايه يا سلام لو بقيتي بنت كدا وامشي كلامي عليها وادلعها وتسرق هدومي وابقى سندها واغير عليها....
تميم: والله تيجي انتي بس يا بنوته يا حلوه واعلمك ملاكمه
تايم: هعلمك تقري وتكتبي وتبقي متفوقه في دراستك وهعلمك كام طبخه اما اي وهشاركك اسراري والاماكن اللي بحبها...
تيام: هعلمك تبقي مجنونه وتجنني ابوكي وامك واكيد سلمى مش هتخليكي متقريش روايات دي هتسبما وهتحبك انتي بس انا هاخد عند عند اجمد عربيات كبده وحووشي...
ضحك ليل وقال: اانا واثق انها لو بنت هتبقى زي امها وانسوا بقى ملاكمه وشغل الولاد ده انا عاوزها رقيقه ودلوعه زي امها هتبقى زيها
سلمى: هخليها تعمل مسكات وهدلعها والبسها فساتين وهعلمها الرقه وتبقى بنوته...
ليل في نفسه: ااشك...
ضحكوا بسعاده واتحركوا للساحه للصلاه
ليان: تعالو ناخد سيلفي العيد... وقفوا كلهم جمب بعد وإلتقطت ليان صوره تجمعهم كلهم.... إبتسموا بفرحه وحب ومتمنين لاحظاتهم تكمل لآخر وقت مع بعضهم البعض...
ليان؛ حط ايدك يا عمو على بطن طنط عشان يطلع معانا في الصورة
ضحك وحط ايده على بطنها وقال: يلا...
اخدوا الصورة وانضمت صورة الى ألبوم ذكرياتهم ولحظه من أجمل اللحظات وكلهم في إنتظار مولد جديد ينضم لعيلة الجندي التي لا يخلاها الحب والجنان والمحبه المتبادله.... ♡♡
🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺🌺
السلام عليكم ورحمة الله وبركاته 💗
عيد مبارك وكل سنه وانتم طيبين وبخير وسعادة يارب 🌺💗
انتظروني في حلقه جديده من مغامرات عيله الجندي ان شاء الله 🌺
المهم هنوقفهم شويه زنركز في ادهم وتيا لاني مقصره معاهم اوي😁😂
المهم...
قريتوا روايه" غرور وكبرياء عشاق"؟ 🤔🤔
اقروها وقوليلي رأيكم 🥰🌺
سلااامم🥰🌺