الحلقه ال١٨
ليل: هو نتي بتحبيني
سلمى: ايوة طبعا بحبك
ليل: يعني مش هتسبيني مهما حصل
سلمى بإستغراب: طبعاً مش هسيبك بس ليه بتقول كده
ليل: مفيش يلا بينا
نزلوا اتجمعوا كلهم راح الرجاله مجلس الرجاله والستات مع بعض كان فرح كبير يليق بإبن سليمان العمده...
.
عند الستات...
سلمى: قمر يا ضحضوحتي بسم الله ماشاء الله
ضحى: انا خايفه اوي
سلمى: خايفه ليه ده حتى زين بيحبك
ضحى: صح انا مش هخاف.... لاء خايفه
ضحكوا عليها....
ليليان: تيجي نرقص يا زهره
زهره: لاء مش هعرف عشان سليم قالي مترقصيش
سلمى: ده فرح صحبتي انت هرقص
بدأت البنات يرقصوا......
ليليان: يلهوي ده نتي رقاصه يابت ياسلمى متعلميني حركتين..
سلمى: لاء نا مش رقاصه انا بس بعرف ارقص.... وشدتها عشان ترقص معاها والستات البلد بيتهمسوا على جمال مرات ليل وعلى رقصها
ست اسمها فتحيه وهي بتمصمص في شفايفها: يابختوا ليل الصراحه ده زمانه مدلع
ست مهره: ايوة شايفه وسطها وبترقص ازاي ولا ضحكتها يلهووي ولا شعرها دي خلعت طرحتها بس شعرها زي الحصان هي بنات اسكندريه جمال اكده
فتحيه: انا لو اعرف كده كان زماني جوزت ابني من هناك
خديجه واللي سمعتهم: قل اعوذ يرب الفلق في ايه يا وليه نتي وهي البت هيحصلها حاجه
مهره: في اي يا ام سليم ده احنا بندردش
خديجه: دردشوا بعيد عن بنتي
فتحيه: حد جاب سيره بنتك يا وليه
خديجه: سلمى بنتي زي ليليان بالظبط دي مرات الغالي
مهره بضحكه صفرا: ربنا يبارك
ام ضحى(فيفي) بدوع: مبروك يا بنتي
ضحى: الله يبارك فيكي اديني اتجوزت اهه عشان متقوليش عليا عنست
فيفي: سمحيني يا بنتي انا كنت بس عاوزه افرح بيكي
ضحى: عارفه يا ماما
عند الرجاله....
ليل وسليم: مبروك يا خوي
زين: الله يبارك فيكم
سليمان: عارف لو زعلتها يا زين مش هخليك تتهنا بيها فاهم
زين: ههههه حاضر يا حج
نزلت الستات وتعالت الزغاريط بنزول العروسه(ضحى) اللي كانت قمورة اوي
قرب زين منها وباس اديها وقال بفرحه بهمس: مبروك يا ام لسان طويل
ضحى: اقسم بالله لافركشلك كل ده لم نفسك
زين: ماشي يقلبي وكمل وهو بيقول لنفسه: والله يتقفل علينا باب واحد واطلع عليكي اللي كنتي بتعمليه فيا
جت رقاصه وبدأت ترقص وكله بدأ يسقف ويهيص معاها قام سليمان ورقص مع الرقاصه وخديجه اللي كانت هتولع منه وبعديها قام ليل اللي حط ايده على خصر الرقاصه وقعدت تميل عليه وتدلع وسلمى بتبصله بغيرة
زين: الحقي صحبتك هتروح تجيبهم من شعرهم
ضحى قربت من سلمى: اهدي كده وصلي عالنبي
سلمى بغيرة: شايفه يا ضحى بيرقص ازاي معاها ولا هي بتميل عليه ازاي انا مش عاوزه اروح ابوظ. الدنيا عشان ده فرحك نتي وزين
ضحى: ماشي يقلبي ابقى عتبيه فوق
سلمى: والله لاخليه يقول حقي برقبتي
قامت خديجه ترقص وشدت سلمى معاها وسلمى رقصت معاها وعيون ليل عليها واقسم انه مش هيسيبها..
خلص الفرح وكله راح على اوضته
عند سليمان وخديجه...
خديجه: انت ايه اللي عملته ده
سليمان: عملت اي
خديجه: رايح ترقص مع رقاصه وسط ولادك واحفادك
سليمان: عادي كله رقص حتى ابنك وبعدين ما نتي اخدتي حقك وقومتي ورقصتي ورقصتي معاكي مرات ابنك بس ابنك بقى حالف لمراته كنتي خدتي حقك لوحدك من غيرها
خديجه بعياط: والله لأسيبلك الاوضه واروح انام جمب ابني
عند سلمى وليل....
ليل كان قاعد حاطط رجل على رجل وبينفخ فالسجاره
ليل: يلا يا قمر كده
سلمى: والله يا ليل انا اسفه مش هعمل كده تاني
ليل: مش عملتيلي فيها الرقاصه العسل يلا وريني
سلمى: مش هعمل كده تاني والله
ليل: يلا ومن غير كتر كلام
سلمى بكسوف: مش هعرف قدامك
ليل بغضب: وغرفتي قدامهم تحت مش كده عجبك نظراتهم ليكي
سلمى: مامتك هي اللي شدتني اقولها لاء
ليل: لاء متقولهاش لاء يلا بقى عاوز اتفرج اصل معرفتش اتفرج تحت يلا.... وشغل اغنيه
سلمى بدأت ترقص في البدايه كانت مكسوفه وبعدها اتعودت وليل بينفخ في السجاره وقام رقص معاها وهي بدأت ترقص زي الرقاصه وتدلع زيها وعملت كل حاجه زيها ليل رمى السجارة وقام شالها وبقى فوقيها..
سلمى: ليل...
ليل: استحملي بقى ومش عاوز كلام كتير
سلمى: طب ما انت كمان كنت بترقص مع الرقاصه ومحترمتنيش
ليل: تقومي ترقصي قدامهم تحت اذا كان انا شفتك بترقصي ليا مستحملتش.... ومين قال اني محترمتكيش ابوي رقص معاها ومحصلش حاجه يعني..
سلمى: امم نا زعلانه منك و ابعد كده
ليل: مش هخليكي تزعلي وهصالحك دلوقتي
وبدأ يقرب من رقبتها ويقبلها وهي بدأت تستسلمله لفت اديها حولين رقبته
خبط الباب...
سلمى بكسوف منه: ليل... حد بيخبط عالباب
ليل : فكك من الباب دلوقتي وخليكي معايا
سلمى: ياليل قوم شوف مين
نفخ ليل بضيق وقام فتح الباب..
خديجه بحرج : معلش يابني جيت في وقت غير مناسب
ليل: لاء يا امي ولا وقت غير مناسب ولا حاجه... نتي معيطه
خديجه: لا ولا حاجه روح شوف مرتك ونا هروح لسليم
شدها ليل ودخلها الاوضه: تعالي يا امي وقوليلي في اي
قربت منه وهمست: انت لابس التيشيرت غلط يا اهبل...
قامت سلمى عالحمام لما عرفت ان خديجه عالباب وعدلت هدومها
طلعت من الحمام وبصت لخديجه...
سلمى: ايه ده ديجا.. ايه ده نتي معيطه..
خديجه: احمم اه يحبيبتي معلش جيت في وقت غير مناسب
سلمى: لاء خالص وهمستلها: ده نتي نجتيني الله يباركلك
ضحكت خديجه وحكت لهم....
ليل: هو ده اللي مزعلك
خديجه: اه وهطلق منه
ليل: كل ده عشان رقص مع رقاصه بس كده... محصلش حاجه لكل ده
خديجه بغضب: لاء حصل... اقول ايه طالع زي ابوك وبصت لسلمى وقالت: لحق ياكل بعقلك يابت لحقتي تنسي اللي عمله مع الرقاصه
سلمى: لاء نا اصلا زعلانه منه
ليل: وزعلانه مني ليه بقى مش كنت بصالحك
سكتت....
خديجه ضحكت وقالت: خلاص ياولاد.... انا هقوم اروح عند سليم انام معاه ونتو اتصالحوا....
سلمى مسكت فيها وهمست برجاء: ابوس ايدك خليكي معايا ده قليل الادب وغلاوتي عندك
خديجه: خلاص خلاص هقعد
ليل:تمام انا هنام عالكنبه ونتو ناموا عالسرير
................
في اوضه سليمان مكنش عارفه ينام من غيرها قام وراح يخبط عند اوضه ليل
كانت سلمى نايمه وخديجه مكنتش عارفه تنام من غيره
قام ليل فتح الباب وقال: في اي يابوي
سليمان: امك هنا
ليل: اه هنا وكمل... الله يسمحك نت ومراتك
سليمان:ليه في اي
ليل: ضيعتوا اللحظه اللي هموت عليها
سليمان: طب هاخد امك وكمل اللي كنت بتعمله
ليل: بعد اي بعد مانامت كانت خلاص استسلمت منك لله انت ومراتك
سليمان: عديني اجيب امك
ليل: لاء سلمى نايمه مش هينفع
سليمان: انا زي ابوها يا واد
ليل: لاء استنى هنادي امي
سليمان: ماشي...
ليل: يا امي.. ابوي عاوزك بره
خديجه: ليه
ليل بمشاكسه: مش عارف ينام من غيرك مثلا
قامت بفرحه وراحت عند سليمان ورسمت البرود
خديجه: اي يا سليمان
سليمان حضنها وباس دماغها: حقك عليا يا ست الكل
خديجه بحرج من ابنها: ماشي يا سولي
ليل: يلا اتصالحتوا عاوز انام جمب مرتي بقى
مشي سليمان وخديجه وقفل ليل الباب وراح عندها واخدها في حضنه
تاني يوم..
صحيت سلمى لقت ليل جمبها
سلمى وهي بتصحيه: ليل... ليل... هي خديجه فين
ليل بنوم: راحت عند ابوي امبارح
سلمى بتعب: تمام ماشي
جت تقوم شدها ليه
سلمى بتعب: عاوزه اقوم
ليل: لاء خليكي شويه
سلمى: انت عندك شغل وسع هروح احضرلك هدومك
ليل سابها وهي قامت حضرتله هدومه وبعديها جريت عالحمام
جه ل ليل اتصال..
ليل: اي يا ابراهيم
ابراهيم: صباح الخير يا صحبي... كنت عاوزك في موضوع ضروري
ليل: في حاجه ولا اي
ابراهيم: لاء بس كنت عاوزك في موضوع بس مش عاوز نخسر بعض
ليل بقلق: طب اقفل اقفل انا جي...
اخد هدومه ونزل جري.....
طلعت من الحمام ملقتهوش لبست حجابها وطلعت قابلتها ليليان
سلمى: ليلو هو ليل فين
ليليان: لسه نازل تلاقيه راح شغله
سلمى وهي بتمسك بطنها: تمام ماشي
ليليان: مالك..
سلمى: تعالي جوه ونا هفهمك
ليليان: حاضر
دخلوا الاوضه وبدأت سلمى تعيط
ليليان بخوف: مالك.. بتعيطي ليه
سلمى بعياط:.....
يتبع....
YOU ARE READING
عشقني ليل الصعيد
Romanceنظل ما بين تلك الحرب القويه ما بين مشاعرنا... لم يتوقعا ان يقعا في عشق بعضهما البعض... بعد قسوة وزواج مجبران عليه تحولا الى عاشقين لا يستطيعا ان يتفرقا او يتخلوا عن بعضهما البعض...، كانا يظنان انهما في طريق طويل مظلم لا نهايه له... حتى تقابلا هي ذاق...
