عشقني ليل الصعيد

الحلقه ال١٤ ج٢

البارت ال١٤
صحى عز ولقى نفسه في بيت صاحبه اللي بيسكره فيه وبيشربه فيه ولقى صاحبه بيضحك
عز: بتضحك ليه ده ايه الكيف ده
معتز بضحك: اصل الالم اللي اخدته معلم جامد
قام عز وقف قدام المرايا واتصدم من وشه المحمر وعليه علامات صوابع
عز: هو ايه اللي حصل
حكاله معتز وهو اتعصب
عز: هي مين البت دي
معتز: ديه بنت بدر الهواري.. ملاك
عز: هه هاخدها اتسلى بيها وارميها
معتز بخوف: ما بلاش دي يا عز اسمع مني
عز: ليه ان شاء الله
معتز: هي اه جميله بس البت صعبة جدا.. ديه اخت عاصم صاحب ليل....
عز: عاصم قولتلي طب خلاص هتجوزها شهر وهرميها وشوف بقى فضيحه بنت صعيديه اطلقت بعد جوازها بشهر
قعد يضحك بشر....
بعد وقت...
في بيت سليمان....
رجع عز وقابلته وفاء
وفاء: كنت فين يا عز
عز: كنت عند صاحبي... وسابها وطلع...
في اوضه سلمى وليل...
كانت بتسرح شعرها وهو بيبص ليها ابتسمت وقالت: بتبصلي كدا ليه شكلي حلو شعري كدا احلى طول مش كدا
ابتسم وقال: انتي قمر اصلا.... وقف ادامها وحرك ايده على شعرها وهي استغربت نظراته وقالت: في اي ليل بتبصلي كده ليه
ليل: انتي كنتي بتعيطي ليه امبارح
سلمى: بطني كانت وجعاني شويه
ضغط على اديها وهي بصت ليه وهو قال: متكذبيش
بصت ليه وقالت: طب ايدي
ليل: كنتي بتعيطي ليه
سلمى: افتكرت بابا بس ذكريات قديمه بينا
ليل: هو انتي عوزاه يسامحك على اي هو في حاجه حصلت قبل ما يموت
لمعت عنيها بالدموع وقالت: صدقني يا ليل لما احس اني عاوزه احكي هحكي والله
ليل: وانا مستني يا حبيبتي
مسك فيها وهي بصت ليه ببسمه وقال: استني
سلمى: اي
طلع علبه من جيبه وهي بصت ليه وقالت؛ هو اي ده
ليل: اكيد مش علبه تونه يعني يا سلمى
سلمى: يا عم بطل رخامه...
فتح العلبه ونزل على ركبته وقال: اللي اشتغلت بسببه فتره زياده واتأخرت عشانه عشان اعوض الحلويات دي انها تزعل مني تاني
بصت للعلبه وقالت: بس ده غالي اوي يا حبيبي
باس دماغها وقال: مفيش حاجه تغلى عليكي ابدا واعتبريه بدل اللي بعتيه عشاني يوم ما كنت محتاج
سلمى: يا حبيبي فلوسي هي فلوسك انت اللي جايبه ليا اصلا وحقك تاخده
ليل: انا مش اللي ابيع مراتي دهبها عشان ازمه اتحطيت فيها ما اتصرف بس حقيقي معرفتش اتصرف من حد وهي كانت غلطه مش هتتكرر تاني ان شاء الله بس غصب عني والله يا سلمى مش هتتكرر تاني و... قاطعته وقالت: وجبتلي الاحسن منه والاغلى يا ليل اي حاجه بالنسبالي انا بفرح بيها ولو اتحطيت في الموقف ده تاني هبيع كل دهبي عشان مشوفش ضعفك ده تاني وكمان ده من شهر يعني خلاص انسى
باس اديها وهي ابتسمت وحضنته دخل فهد وقال: علفكره انا عاوز حضن وعارف اني هاجي الاقيكي يا امي حضناه
ضحكت وبصت ل ليل اللي شاله وغمز ليها وقال: تعالى يا فهد هعلمك تركب الحصان زي جدك ما علمني
ابتسمت وهو طلع وبصت للخاتم ببسمه وافتكرت وقت مكنش معاه واضطرت تبيع دهبها
فلاش باك....
كانت قاعده مستنياه دخل الاوضه واول ما دخل جريت عليه وقالت: اي يا حبيبي كل ده اتأخرت اوي وحشتني
بعدها عنه وهي قالت؛ طب طمني عليك مالك
ليل: سبيني في حالي يا سلمى
مسكت ايده وقالت؛ مش هسيبك انا جمبك
بص ليها وقال: انا مضايق ومش عاوز اتعصب عليكي عشان مش عاوز ازعلك مني هتعصب وانا مش عاوز كدا
سلمى: طب في اي يا ليل انا عملت حاجه عشان تتعصب عليا كدا
ليل: لاء ال.... قاطعته وقالت: والله لو مضايق من حوار اني نزلت من غير حجاب امبارح والله كنت عطشانه وعاوزه اشرب
بص ليها وهي قالت؛ يبقى اكيد زعلان اني حضنت عمي سليمان
بص ليها بصدمه وهي قالت؛ يبقى انت زعلان اني حرقت القميص الابيض بتاعك والله المكوه اللي مش عارفه تكوي مش انا
كان متنح وهي قالت: هو انت زعلان عشان شوفتني وانا طالعه من عند عمو سليمان
ليل بعصبيه: بس اي المصايب دي كلها
سلمى بتوتر: ايه ده هو انت مش زعلان من كدا
ليل بعصبيه: مكنتش اعرف اصلا
سلمى بصدمه؛ بجد
ليل بغضب: ويا ترى نزلتي بالفستان اللي كنتي لبساه امبارح وحضنتي سليمان ليه ان شاء الله وحضنتيه بشكلك اللي نزلتي بيه
سلمى؛ الصراحه مش هكدب انا نزلت بالفستان بتاع امبارح وصراحه اكبر عمو سليمان كان مضايق فكنت بفرفشه يعني
ليل: لا والله عنده مراته تفرفشه يختي انتي مالك
سلمى؛ صعب عليا
ليل بغضب؛ طب سيبك من سليمان دلوقتي اي اللي نزلك بشكلك بتاع امبارح مصحتنيش ليه انزل اجبلك
سلمى؛ انت كنت نايم
ليل: لا والله ما انتي ديما بتصحيني
سلمى؛ خلاص بقى يا لولي
ليل: اتزفتي نزلتي بشكلك بتاع الزفت امبارح ده ليه
سلمى؛ عشان... قاطعها وقال بزعيق: غندك بدل الفستان عشرين عندك بدل الاسدال خمسه عندك حجات ساتره نزلتي ليه بشكلك ده افردي سليم شافك بشكلك ده افردي زين وزين ما هيصدق طبعا هيبص وهيقعد يضايقني وهيبص على عرضي ولا حازم ويوسف بقوا شباب دلوقتي ومينفعش ده فهد بتقعدي ادامه بأوسع حاجه عشان بتتكسفي وانا محرج عليكي صح ولا لاء
سلمى بزعل: على فكره انت عارف ان اخواتك محترمين
ليل بغضب؛ متزفت عارف
سلمى؛ طب انت متعصب ليه والله... قاطعها وقال: طب اعاقبك ازاي بس ابعدي عن وشي لسانك ميخاطبش لساني انتي فاهمه
سلمى: والله يا ليل كنت عطشانه وكله كان نايم اللي شافتني خديجه
ليل: كمان خديجه
سلمى؛ وكنت طالعه قابلت عمو سليمان هزر معايا وقالي منزلش كدا تاني وانا مش هعمل كدا تاني
طلع بره الاوضه وهي بصت ليه بزعل وقالت؛ لازم انسحب من لساني يعني مكنتش هقوله لكن لما لقيته بيبصلي كدا خوفت وقولت وخلاص
عند ليل...
كان قاعد في المكتب بتاع سليمان وحاطط ايده على دماغه وقال: طب اعمل اي اتصرف ازاي في المصيبه اللي انا فيها دي... بص للباب وقال: انا عارف اني اتعصبت عليها طب تعالي بقى عارف انك هتيجي تعالي... خبط الباب وهو ابتسم وقال في نفسه: عارف انها مش هتعدي وقت طويل وهتيجي
ليل؛ متدخليش
اتكلمت من بره الباب: ليه بس عشان خاطري
ليل: ادخلي
دخلت وهو بص لإديها اللي ماسكه الحزام بتاعه وقال بإستغراب: ايه اللي في ايدك ده
سلمى؛ صلحتهولك عشان انا اللي كسرته
ليل: شكرا.... بس قولتلك هجيب غيره
سلمى: للدرجادي زعلان
ليل: اه
قربت منه وقالت؛ طب انا اسفه
ليل: مش قابل اعتذارك
قربت خطوة وقالت: والله كنت عطشانه وعمو قالي معملش كدا تاني
ليل: طيب ماشي
اتكلمت بزعل وقالت: ما احنا بنزعل من بعض علطول وبنتصالح ديما اول مره تزعل مني كدا
ليل: عشان حقي صح
سلمى؛ صح بس انا اعتذرت ليك
ليل: وانا مقبلتهوش
كانت هتحضنه بعد لورا واداها ضهره وقال: مش فاضي ورايا شغل
سلمى بزعل: خلاص يا ليل براحتك بس انا اعتذرت وعرفت غلطي
غمض عنيه واتنهد ومحبش يضغط عليها ولف ومسك اديها وقال: يعني ينفع اللي عملتيه تطلعي بالحلاوة اللي كنتي فيها دي امبارح ينفع كدا انا مأكد عليكي من ساعت ما اتجوزنا وقبل ما احبك كمان لبس ضيق لاء شعرك يبان من الطرحه لاء بناطيل بره الاوضه بتاعتنا لاء عاوزه تلبسي اللي انتي عوزاه في الاوضه بتاعتنا غير كدا اطول واوسع حاجه
سلمى: حاضر
ليل؛ متتكررش
سلمى: حاضر
ليل: اطلعي يلا
سلمى: طب انت لسه زعلان صح
ليل: انتي شايفه اي
سلمى: طب هصالحك
قعد على كرسي المكتب وقال: ازاي
قربت وجابت كرسي وقعدت. جمبه وحضنته وقالت؛ هقعد معاك وانت بتشتغل انا اشطر منك في الفرنساوي عشان لو احتجت ترجمه
ليل: وانتي فكراني هركز كدا
سلمى؛ مش عارفه
ليل: طب تعالي نتكلم فوق انا مضايق
سلمى؛ ماشي
بعد وقت...
سلمى: يا ليل حرام عليك من ساعت ما طلعنا عماله اقولك مالك فيك. اي يا حبيبي وتقولي مفيش ووشك مضايق قول بقى والله هسمعك
ليل: مضايق مشاكل في الشغل
سلمى: طب قولي يا حبيبي ممكن اساعد
ليل: بصي كان عليا ثفقه حلوة بس انا مرتحتش فيها خالص فرفضتها ونسيت خالص حوار ان علينا فلوس لناس وكنا هنسددها من الثفقه دي بس انا بوظت كل حاجه
سلمى: عادي يا حبيبي مش انت مرتحتش خلاص
ليل؛ والفلوس اللي عليا سليمان لو عرف هيبهدلني
سلمى: هو المبلغ كبير اوي
ليل: مش اوي انا اتصرفت في شويه يعني
سلمى؛ هو كبير يعني
ليل: متين ألف
سلمى؛ يلهوي طب اي
ليل: هو انا المفروض استلم شحنه فاكهه من مزرعه سليمان فهدفع فلوس
سلمى: خلاص متستلمش
ليل: والشرط الجزائي
سلمى: ولو مدفعش
ليل: انا اللي هتحبس انا اللي ماضي الورق
سلمى بقلق: تتحبس؟ ليه بس يا حبيبي ان شاء الله مفيش حاجه صح
ليل: متخافيش هدفع الفلوس والله انا اتصرفت في مبلغ بسيط من ابراهيم وسليم واللي في الخزنه
سلمى: طب ما تقول لزين او سليمان
ليل: زين ايه يا سلمى هو زين ملاحق على طلبات ضحى وعياله ده غير انه فتان هيقول لسليمان وانا هتعلق اما ابراهيم وسليم مش هيقولوا واول ما هقبض هديه ليهم انا معايا تمانين ألف مش عارف اعمل اي
سلمى: طب بص يا حبيبي انا عندي فكره حلوة كدا
ليل: فكره اي
قربت وقالت: ممكن نبيع شويه من الدهب اللي عندي و... قاطعها وقال: لاء يا سلمى انا مش هاخد منك دهب انا مش هاخد دهبك انا المفروض ازودك مش انقصك
سلمى؛ يا حبيبي احنا واحد مش هيحصل حاجه لو بعتهم ما انت اللي جايبهم ودي فلوسك وجايبلي بدل الغويشه عشره ويمكن اكتر والخواتم بردو ما شاء الله فعادي يا روحي
ليل: لاء
سلمى: يا ليل انت لو بعتهم كلهم انا والله ما هزعل انت فاكرني هزعل
ليل: يا سلمى مش هقدر
سلمى: العلبه مليانه دهب خد اللي انت عوزه وربنا يخلينا لبعض يا حبيبي
مسك اديها وباسها وقال؛ انا اول مره اعمل كدا
سلمى؛ مش مهم احنا واحد ولا انت بقى مش شايفنا واحد
ضحك وقال؛ انا بحبك اوي
سلمى: وانا بموت فيك دي شويه اصلا
حضنها وهي ابتسمت وحضنته
باك...
ابتسمت ولبست الخاتم وحطت الغوشتين في العلبه بتاعتها
بعد وقت.....
على الأكل...
عز: انا عاوز اتجوز بنت بدر الهواري
علي: وانت شوفتها فين
عز: لما بروح لأحمد بشوفها اصل بيته قريب من بيتها
سليمان: على بركه الله انهارده بليل هنبقى عندهم
كل ده ووفاء مصدومه ان ابنها عاوز يتجوز وانه كده مش هيبقى معاهم في الخطط اللي بيخططوها ابتسمت وبصت ل ليل ومسك ايده وهو استغرب لكن ابتسم وقالت في نفسها: الحمد لله كدا مش هيضايقني تاني
بص ليل ليه وقال: ابو دي عيله عيله معفنه والله
بليل...
راحوا الرجاله ووفاء بس رحب بيهم بدر جدا عاصم سلم على ليل لانه صاحبه...
بدر: يا مرحب يا مرحب يا عمده
سليمان: يا مرحب يا خوي
كانت مستغربه ملاك سبب مجيتهم....
بعد وقت.....
عز: انا طالب ايد ملاك
عاصم: وانت شوفت اختي فين؟
عز: انا بشوفها لما بروح عند صاحبي والصراحه لفتت انتباهي...
بدر: مفيش مشكله هنتفق على....
قاطعها عز لما قال: انا عاوزها بشنطه هدومها
عاصم بعصبيه: احنا فقرا عشان اديك اختي بالرخيص
معرفش عز يقول اي فقال زين: اهدى يا صحبي هو مش قصده هو قصده انه عاوزها من غير اي طلبات مننا احنا هنجيب كل حاجه وبعدين ديه هتعيش في دوار العمده
ليل في نفسه: البت دي هتتظلم جدا... انا مش موافق على الحكايه دي
وفاء: طب ايه مش هنشوف العروسه
بدر: طبعا... وصليها يا ام عاصم...
راحت وفاء وشافت ملاك بنت جميله جمالها طبيعي بسيطه قعده وفاء معاها وهي ماسكه نفسها من العياط عشان هي مش موافقه على الجوازه دي وقعدت وفاء تقيمها وهي مش طيقاها اتفقوا على الفرح وانه اخر الاسبوع
مشيوا...
وقعدت ملاك تعيط وخايفه....
روحوا كلهم وطلعوا اوضهم الا ليل اللي قال ل سليمان انه عاوزه
سليمان: في اي يا ولدي
ليل: هو فهد ابو سلمى... مات ازاي
سليمان بحزن: الله يرحمه.... مات بحادثه عربيه
ليل: تمام يا بوي
سليمان: ليه في حاجه ولا اي
ليل: لا لا مفيش... عن اذنك
وطلع وسابه....
دخل الاوضه لقاها قاعده مستنياه ابتسم وفتح دراعه ليه دخلت في حضنه وقالت: احكيلي بقى حصل اي... اي رأيك في الجوازه والبنت جميله بقى...
ليل: تعالي نقعد واحكيلك على رواقه
قعدت جمبه وهو قال: كويس يتجوز
سلمى: والبنت دي جميله
ليل: انا مالي مشوفتهاش... وبعدين اشوفها ليه هو في احلى منك انت يا جميل
ضحكت وقالت: امتى بقى الفرح
ليل: اخر الاسبوع
سلمى بفرحه: بجد الله
ليل: مفيش رقص ونتي عارفه هتقعدي جمبي طول الوقت
سلمى: يا حبيبي الفرح مبيحلاش غير بالرقص
ليل: بتقولي حاجه
ابتسمت وقالت: حاضر يا عم
عدى اسبوع وجه يوم الفرح كان فرح كبير وجميل وكان كله فرحان الا ملاك اللي ماسكه نفسها من العياط
خلص الفرح وكله طلع اوضته
عند ملاك وعز
كانت واقفه وهي خايفه وفجأة كان.....
يتبع...
ياترى ايه اللي هيحصل.. 🤔🤔🤔ده اللي هنتعرف عليه الحلقه الجايه استنونااااا💗💗