لا إله إلاّ الله محمد رسول الله ♥
🌜.. حلقات رمضانيه.. 🌜
الحلقه ال٨ ج٣
لما سمع صوت ضحكها طلع من المكتب لقاها بتضحك مع شخص حس بالغيره وراح عندهم وقال: هو انا مش قولت خليكي في المكتب وصوت ضحكتك جايب اخر الشركه
سلمى ببسمه: ده معاذ هنا مكنتش مصدقه انه هنا
معاذ ببسمه: وحشتيني والله يا بنت عمتي
كانت هتتكلم قاطعها ليل وقال بعصبيه: هي مين دي اللي وحشتك اتلم يلا..
ضحك معاذ وقال: لسه بيغير عليكي
بصت ل ليل اللي كان شكله لا يبشر بالخير و ثواني وكان هيمسك فيه
ليل: روح على شغلك يلا مش ناقصه
معاذ بضحك: ماشي يا عم روميو
مشي معاذ وليل قال بهدوء: انا مش هزعق ومش هتعصب ومش ه..
مكملش كلامه لما مسكت ايده وقالت: حبيبي رمضان بكره انا فرحانه اوي
ابتسم وقال: بتغيري الموضوع ماشي...
مسكت ايده وقالت: هنجيب الحاجه امتى بقى...
ليل: انهارده يا حبيبي
قربت منه وقالت بهمس: العيال بيخططوا لحاجه علفكره
ليل: ليه بتقولي كده
سلمى: قاعدين من امبارح عمالين يتهمسوا الأربعه
ليل: هنشوف الحوار ده دلوقتي نعدي عليهم ناخدهم ونتغدى وننزل نجيب الحاجه
سلمى: تمام يا حبيبتي..
في الطريق..
سلمى: حبيبي..
ليل: اي يا روحي..
سلمى: انا عارفه ان السؤال مش وقته
ليل: قولي يا حبيبتي..
سلمى: هو انت عاوزني احمل تاني
ليل: وانا اكره وبعدين ده رزق من عند ربنا... بس اشمعنى؟
سلمى: لاء عادي
ليل ببسمه: قلبي بيقولي ان في حاجه جايه في السكه
سلمى: لاء لاء مفيش...
ضحك بصوت رجولي وقال: مفيش مشكله...
وقفت العربيه قدام المدرسه وهي نزلت تروح تجيبهم
ليل: ادخلي هاتيهم وانا هستناكي بره الفصل خليها مفجأة
حركت دماغها بمعنى ماشي..
بعد وقت..
طلعوا التلاته وهما فرحانين واول ما شافوا ليل جريو عليه وهو ضمهم بحب ابوي.. كان منظرهم حلو اوي
في الطريق..
ليل: العصفوره قالتلي انكم بتخططوا لحاجه
ضحكوا كلهم وليل قال: لما نروح هنقعد مع بعض شويه وبعدين هنروح نجيب حجات رمضان
سقفوا بسعاده وهي بصتله ببسمه وحطت اديها على بطنها وهمست في نفسها: اتمنى ميكونش في حاجه انا مش قادره بجد
لاحظها ومسك اديها وقال: هو في ولا ايه
حركت دماغها بمعنى لاء
وهو طبطب على كتفها...
بعد ساعات...
في شقه ليل وسلمى...
كانت قاعده وقدامها ولادها الأربعه كالعاده مرتصين عالكنبه وهي قاعده قدامهم
سلمى بحزم مش لايق عليها وعلى شخصيتها: ها يا حبايب ماما رمضان بكره كل سنه وانتم طيبين ها ناوين على ايه؟
فهد بحماس: اكيد يعني هنعمل قايمه بكل أصناف الأكل
بصتله بقرف وقالت بضيق: مبتفكرش غير في الأكل وكرشك
كتموا ضحكهم وسلمى بصت ل تيام وقالت: الأخ حبيب البنات اللي عاملي فيها تامر حسني في فيلم عمر وسلمى هاااه ناوي على ايه
فرد تيام وقال سؤال مهم جدا: هات ياض يا تايم التفاحه دي
ادهاله واخد قطمه وقال والاكل في فمه: هنجيب لبس رمضان حلو بقى فيه شويه جلاليب جامده لما شوفت جلبيه بابا عجبتني وقولت لازم اجيب زيها
سلمى: مستنيه ايه من الفاشونيستا ابني اللي عاملي فيها عارض ازياء ده... انا قصدي على موضوع البنات اللي بتكلمهم
تيام: بابا زعل مني لما كلمت بنت عالنت وهو اضايق مني فأنا مكلمتش حد تاني والله دلوقتي كزماله وفي رمضان مش هتعامل اصلا وكمل بغرور يمثل ليل: مع انهم لو شافوني بالبجامه او الجلابيه هيقعوا في حبي من اول نظره انا لو نزلت بالبجامه هيبقى شكلي مززز...
تنحت وبعدين بصت على تميم: تميم باشا
تميم: هيكون اي يعني يا ماما يوم زي اي يوم.... وفجأة صرخ بألم لما رمت الشبشب في وشه..
سلمى: ديب فريزر مخلفه ديب فريزر يا خواتي مستنيه اي من خلفه ليل
بصت ل تايم وقالت ببسمه واسعه فيها اشراقه بالأمل: اللي ناصفني ها يا عيون امك هتعمل اي في رمضان
ابتسم تايم وعدل نضارته وقال: ان شاءلله هختم القران الكريم وفي شويه برامج دينيه حلوة هظبط وقتي عشان اسمعهم واستفاد
ابتسمت ابتسامه واسعه وقالت بحب: ربنا يباركلي فيك يا حبيبي
وبعديها بصت للباقي ووقفت وقالت بجديه مضحكه لا تليق بها: بما اني سمعتكم... وشوفت افكار كل واحد فيكم جه دوري دلوقتي تسمعوني..
بصولها بإهتمام...
سلمى ببسمه: اولا كدا رمضان مش للنوم ولا للمسلسلات ولا يوم عادي.. رمضان شهر الطاعه والغفران متخيلين ربنا يغفرلنا ذنوبنا.. الدعوة بتاعتنا مستجابه وهو الشهر اللي نزل فيه القران وبردو ربنا بيعتقنا من النار ... في اول عشر ايام رحمه وتاني عشر ايام مغفره وفي اخر عشر ايام عتق من النار تخيلوا الجمال ده بتاع رمضان ونيجي احنا وبكل سهوله وبساطه نقول عليه يوم عادي..
ابتسموا ليها بتركيز فقال تايم: يعني اي عتق من النار
ابتسمت وقالت: يعني ربنا بينجينا من النار
بصتلهم بحنان وقالت: بصوا يا حبايبي رمضان تلاتين يوم بس احنا عاوزين نستغلهم ونستغل كل ساعه فيهم.. لأن دي فرصه كبيره اوي للي عاوز ربنا يغفرله ويسامحه وحاله يتصلح اول حاجه المسلسل اللي بيفضل ساعتين وتلاته وكله اعلان مش هنسمع المسلسلات كلها بتتعاد بعد رمضان مهو حرام نضيع ساعتين وتلاته وانا اسبل للمزه البطله والمز البطل وهييحح احب فيه واحب على نفسي ونتخيل سيناريوهات معاهم ولما بتيجي لقطه رومانسيه ونقعد نحب فيهم وفي نفسنا احنا بناخد سيئات واحنا قاعدين
ضحكوا بمرح وقال تايم: هو في احلا من ابطال وبطلات الروايات
سلمى: كان يوم اسود يوم ما خليتكم تقروا روايات معايا..
تيام وهو بياكل التفاحه: ما هو انتي مش عشان عندك بنات فخلتينا نقراهم معاكي عشان ناخد رأي بعض
سلمى: ما انتو زي بناتي
ضحكوا بشده من اللي قالته
سلمى: بصوا احنا هنوقف روايات
تايم: ليه هي حرام
سلمى: القراءة مش حرام... في فرق بين قراءة وقراءة مفيده هتفدني واطلع منها بمعلومه سواء دينيه او علميه او دنيويه او ثقافيه وقراءة تانيه ما اطلعت منها بحاجه غير اني بضيع وقتي...
فهد: بس سعات ببقى زهقان ومش لاقي حاجه اعملها فعشان كدا بقراها وبتبقى حلوة ورومانسيه...
سلمى: ايوة يا قلبي حاجه تسليني نص ساعه اوكي انا مش هنكر اني مبقراش روايات اكتر ما بشوف ابوكم بس الحاجه دي ما اخدش عليها ذنوب اصل اول حاجه ربنا هيسألنا على وقتنا اللي بنضيعه هيقولنا ضيعناه في ايه وكمان في مشاهد رومانسيه جامده بجد بتخليك تقعد تتخيل اللي بيحصل وبالذات البو*سه دي...
ضحكوا وهي قالت: وانتو بتتخيلوا الخيال ده هناخد عليه ذنوب... فنقطع الروايات الرومانسيه الفتره دي بس... ونقرا حاجه كوميدي او ديني بس برضو مش هنضيع وقتنا هي نص ساعه في وقت فرغنا...قاطعها تايم وقال: اننا ميكونش ورانا مذاكره او صله ونأجل فيها عشان الروايه او حد طلب مننا حاجه وانا ارفض عشان اخلص الروايه نكون مخلصين كل اللي ورانا..
سقفت وقالت؛ الواد ده ابني...
ضحكوا كلهم وسمعوا ضحكات تانيه نحيه السلالم
ليل بضحك: بذمتك يا شيخه انتي حساه ابنك..
بصت ل تايم وقالت: لاء طبعا...
ضحك ليل وضرب ضهرها وهي برقتله وهو حسس على ضهرها وقال: عااااش يا وحش حلوة نصيحك...
ضحكوا كلهم وهي بصتله بشر انهم يستكوا فسكتوا وهما بيكتموا ضحكهم..
سلمى بجديه: روح اقعد جمب ولادك عشان نتكلم شويه...
قعد جمبهم وكان بيبصلهم بحب ابوي وكانوا الخمسه شبه بعض في القعده والنظره والملامح تأملتهم لثواني وابتسمت بحب ليهم وتمتمت بأدعيه ليهم في سرها...
سلمى: اولا كدا مفيش مسلسلات ولما نروح الدروس او المدرسه مش هنسمع اغاني
حركوا دماغهم بمعنى ماشي...
طلعت ورقه وقلم وقالت: دلوقتي قايمه رمضان انا كتبتها شوفزا هنحتاج اي...
بصلها تميم وهو مش مهتم وهي قالت: اخ سيد ركز معايا وبلاش برود ابوك ده..
رفع ليل حاجبه وبصلها وهي قالت بتسرع: بهزر يا لولي..
الأولاد في نفس واحد: لولي؟؟
عدل ياقت قميصه بحرج وحط ايده ورا رقبته بحرج واتوعدلها وهي قالت بتوتر: احم اقصد ليلي...
انفجر تيام في الضحك وكلهم بصوله
ليل: الله يسامحك...
سلمى: دلع بابا ده بينا وبين بعض محدش يعرف بيه عشان محدش يضايق بابا..
كلهم: تمام يا ماما...
سلمى: بصوا بقى هنعمل ورد قرءان عشان نختم المصحف ان شاءلله
ليل: وانا قدكم كنت بختمه مره واتنين وتلاته الموضوع حلو اوي صدقوني...
تايم:المصحف كامل...بس انا مش هقدر
ليل بحنيه: بص ياحبيبي المصحف في كام جزء
تايم: تلاتين
ليل وهو بيمسح على شعره: برافو... ورمضان فيه كام يوم
تايم:تلاتين يوم
ليل: وكل جزء فيه ٢٢او ٢٠صفحه... انتو فرثتوا حكايه الروايات دي من امكم وبتقروا روايات معديه الميت صفحه في قاعده واحده وبتقعدوا تتفرجوا على فيديوهات بالساعات جت على العشرين صفحه بتوع القران لما نقرا جزء كل يوم هنختم المصحف ان شاءلله في رمضان وممكن قابليه لو اتشجعنا كدا فكدا هنخلص القران وهناخد حسنات كتير على كل حرف قرأناه والحسنه بعشره امثالها فتخيلوا كدا هناخد حسانات اد ايه
كلهم بحماس: واحنا هنختم ان شاءلله السنه دي
ليل: وانا اولكم طبعا... وعاوزين نعمل ورد للإستغار والصلاة عالنبي والتهليل والتهليل يعني نقول لا إله إلا الله ... و التسبيح يعني نقول سبحان الله و هكذا ... عاوزين نعمل ألف ذكر في اليوم... نقول أستغفر الله العظيم ۲۰۰ مره و الحمد لله ۱۰۰ مره و نصلي علي الرسول ۲۰۰ مره و نقول سبحان الله العظيم و سبحان الله وبحمده ۲۰۰ مره... و نقول لا إله إلا الله وحده لا شريك له له الملك وله الحمد وهو على كل شيء قدير ۲۰۰ مره... و في الاخر نختم ب لا إله إلا انت سبحانك اني كنت من الظالمين ۱۰۰ مره و كدا ال الالف مره ... و مش عاوزه أقولكم كمية الحسنات)
ردت تيام بذهول: بس هنعملهم ازي دول
رد ليل ببسمة: مش هياخدو وقت.. احنا نقسمهم.... بعد كل صلاة نقول ال ۲۰۰ ذكر.. و كدا نتم الألف بسهولة...
سلمى ببسمه: يلا كل واحد يقوم يجيب حصالته عشان نتصدق ونعمل خير كتير اوي اوي يلااا...
قاموا كلهم بحماس ...
قام ليل وقرب منها بحب وهو بيقبل راسها بحب وقال: حبيبي يا ناس اللي بينصح عياله وفضحت جوزها
ضحكت وقالت: مكنش قصدي والله انا بس عشان متعوده اني اقولها
ضمها لحضنه وهي بصتله بحب فهو كان ونعم الزوج وخير معين في تربيه اولاده...
جه الاولاد وكل واحد ماسك حصاله...
كانت العلب محطوطه على الطاوله
مسكوا العلب وقعدوا يفتحوا فيها ويعدوا فيها بعد وقت خلصوا وليل قال: الله ينور يا حبايب بابا ربنا يجازيكم خير... هناخد جزء نجيب لبس ونعمل شنط رمضان عشان الناس اللي على اد حالهم فهنساعدهم لان ربنا ادانا فلوس وامرنا نتصدق ونعمل مساعدات كتيره وتتحسب لينا صدقه
تيام: طب والفلوس اللي محطوطه على جمب دول ايه
ليل: دول بتوعي انا وماما دول الجزء التاني بتاع صداقتنا احنا ... فإحنا هنجيب بيه لعب وهدايا لأطفال مستشفى...... 57357
دمعت عنيها وهي بتفتكر والدها اللي كان مصاب بالمرض الخبيث ده... اخدها ليل في حضنه وهو بيهدئها لانها بدأت تعيط وقالت بعياط: تعرفوا انا كل نا كان بيبقى معايا فلوس كنت بتبرع للمستشفيات دي...
بصولهم بحزن فهما عرفوا بإصابة جدهم بالمرض ده قربوا منهم ودخلوا في حضنهم... فحضنهم ليل كلهم وهو بيحمد ربنا عليهم وعلى هذه النعمه...
بعد وقت بعدت وقالت بمرح عشان تزيل الحزن وقالت: يلا بقى بلاش دراما ومشاعر قوموا يلا البسوا عشان هنجيب حجات رمضان والهدايا والفوانيس والزينه..
فهد: هو احنا مش هنرجع الصعيد
ابتسم ليل لان فهد الوحيد اللي عاش فالصعيد واجوائها وعارف مقدار حبه للصعيد وقال: احنا هنقضي رمضان هنا لحد ما الصغيرين يخلصوا امتحانتهم وبعدين هنروح الصعيد هنقضي بقيت اخر اسبوع في رمضان بالعيد هناك فتره وهنرجع
بعد وقت...
كانوا قاعدين في العربيه واجواء رمضان في الشوارع والزينه واغاني رمضان تملأ الشوارع وكتير من الناس بيشتروا طلبات رمضان فكان هناك حب وتراحم شديد...
سلمى: رمضان حلو اوي يا ليل ... شوف الفرحه والبهجه في وش الناس رغم المشاكل والهموم الا ان كل حاجه بتروح كل حاجه بتتنسي وكله بيفكر في رمضان والجو ده وهيعمل ايه وينسى همومه وينشغل عنها..
ليل ببسمه: كل سنه ونتي طيبه يا قلب ليل
سلمى ببسمه: وانت معانا يا ليل..
كانوا بيبصوا من شبابيك العربيه على اجواء رمضان والشوارع والزينه اللي مليانه في الشوارع الشعبيه...
نزلوا من العربيه وقعدوا يتحركوا في الاسواق والشوارع حل الليل واضاءت اضواء الفوانيس مما زاد من بهجه وجمال الشوارع...
كانت سلمى ماسكه ايد تيام وتايم وليل ماسك ايد تميم وجمبه فهد اللي اصبح طوله
وقفوا في زقاق بعيد عن الزحمه
ليل: احنا هنتفرق تلاته هيشتروا المستلزمات وتلاته هيشتروا الفوانيس والزينه
حركوا دماغهم بالموافقه وليل قال: روح يا فهد مع ماما عشان تشيل معاها...
وقف فهد وسلمى وتيام وكانوا هيمشوا لوحت بإديها ل ليل وهو بعتلها قباه في الهوا
تيام؛ علفكره احنا هنشوفه تاني محسساني اننا مش هنشوفه تاني
ضربته في راسه بخفه وقالت؛ عشانانا متعوده انا وهو ننزل مع بعض
كانوا واقفين عند محل
تيام بصراخ: زودي البلح يا ماما زودي كتير اوي
سلمى بغيظ: اسكت يا ابني فضحتنا اسكت
عند ليل...
تايم: هو احنا مروحناش ماركت مشهور
ليل: انا متعود انا وماما نيجي هنا في الأجواء دي وبعدين ده احلى مكان تشتري منه بسيط وجميل
تميم وهو بيشير لفرع الزينه: هات يا بابا من الفرع ده وده كمان شكلهم حلو...
ليل: كل اللي عاوزينه هجيبه...
كان بيشتري فانوس لكل واحد من عياله ولفت انتباهه شاب
الشاب: لو سمحت عاوز فانوس رمضان وبوكس رمضان اللي بيبقى مليان شوكلاته وفوانيس صغيره ده...
طلع البياع بوكس على شكل فانوس والشاب اخده ومشي...
ليل في نفسه: سلمى هتحبه اوي...
ليل: عاوز بوكس زي ما الشلب طلبه وفانوس على شكل كرتون...
ضحك تميم وقال: ده لماما صح
ليل ببسمه: اه طبعاً... بس محدش يقولها خلينا أفآجأها
حركوا راسهم بالموافقه...
بعد وقت كانوا ماشين كلهم جمب بعض
تميم: جبتي الكنافه والقطايف يا ماما
تيام بفخر: انا قولتلها وفكرتها..
ضحك فهد وضربه على راسه وقال: يا كداب انا اللي فكرتها...
ابتسم ليل وقال: امشوا قدامنا يلا وانا همشي جمب مراتي شويه..
مشيوا قدامهم وكل واحد من الولاد شال شنطه ما عدا هي
مسك اديها بحب وقال: فرحانه
سلمى ببسمه: اوي.. اوي..
ليل: العيال دول يناموا وهديكي هديه...
سلمى: هديه ايه
ليل: هديه حلوة زي اللي هتاخدها..
مال تيام على تميم: هاه جبت الحاجه
تميم: طبعاً زوغت من بابا وجبتهم
تيام: شاطر
تميم: ضحكت عالراجل وفاصلت معاه زي طنط ضحى وجبت الحاجه بدل ب ٧٠ ب٥٠جنيه
تيام: الله عليك... ماما جابت شويه جلاليب واسدال ليها حلو اوي
تميم: وبابا جاب سجاجيد صله وسبح كتير اوي وحلوين بردو
تيام: ده هيبقى رمضان حلو ومختلف...
تميم: ان شاء الله...
بعد ساعات...
روحوا وكلهم كانوا تعبانين ما عدا هي
سلمى: يلا كل واحد يغير هدومه ويجي يساعدي ارص الحاجه في مكانها
بصولها بصدمه وتيام قال: هو انتي متعبتيش
سلمى: الله اكبر في عينك ياض... مكنوش ساعتين يعني
ليل بمرح: امكم تقعد تلف بالساعات والله اكبر مبتتعبش وتقولك دول ساعتين بس...
ضحكت وقالت: فاكر لما كنا فالصعيد وكنا بنشتري الحاجه وقعدنا من الساعه٦ ل١٠
غمزلها ليل وقال: هو انا بحب الصعيد من فراغ وهي دي ايام تتنسي
ليل: يلا كل واحد يغير هدومه ويرص حاجته وناموا شويه واحنا هنبقى نصحيكم قبل السحور بشويه
حركوا راسهم بالموافقه وكل واحد جري على اوضته وهما في استعداد للنوم ويستعدوا لوقت السحور المليء بالمغامرات وحبهم المتبادل بينهم وبين بعض..
يتبع....
كل عام وانتم بخير رمضان مبارك عليكم يارب 🌜❤
YOU ARE READING
عشقني ليل الصعيد
Romanceنظل ما بين تلك الحرب القويه ما بين مشاعرنا... لم يتوقعا ان يقعا في عشق بعضهما البعض... بعد قسوة وزواج مجبران عليه تحولا الى عاشقين لا يستطيعا ان يتفرقا او يتخلوا عن بعضهما البعض...، كانا يظنان انهما في طريق طويل مظلم لا نهايه له... حتى تقابلا هي ذاق...
