عشقني ليل الصعيد

الحلقه ال١٣ ج١

الحلقه ال١٣
فضل واقف مصدوم من شكلها وماغها اللي مليانه دم على وشها وراسها وطرحتها البيضا لونها بقى احمر.. والد*م مش مبطلع نزيف وهو واقف مصدوم كأنه اتشل مش قادر يتحرك مش عارف يفكر طلع زين على صوته واتصدم من اللي شافه زين وهو بيهز فيه: ليل فوق مراتك بتموت الحقها...
راح ليل عندها وشلها وحطها فالعربيه وقعد جمبها
ليل والدموع في عنيه وهو بيمسح على وشها: قومي يا حبيبتي والله ما هضايقك تاني ومش هعاملك وحش تاني قومي يا حبيبتي قومي... انا اسف انا قصرت في حمايتك.... اوعدك هعوضك عن كل اللي فات
وصلوا المستشفى....
كان شايلها وواقف ومش عارف يعمل حاجه
ليل: مراتي بتموت يا بهايم حد يلحقها
الدكتور: اهدى يا فندم..... اخدها الدكاتره منه وهو قاعد بخوف ورعب عليها
زين: انا هكلمهم اطمنهم عشان ضحى عماله تتصل هي وبوي
ليل: ماشي
كلم زين ضحى وقعدت تعيط
ضحى: يعني هي تعبانه انا عاوزه اجي
زين: متخافيش يا حبيبتي هي كويسه بس مغمى عليها اكيد من الخبطه
ضحى: زين لو بتحبني خدني عندها
زين: انا بحبك يا ضحى والله بس ليل مانع حد يجي
ضحى: ابقى طمني عليها والنبي
زين: حاضر..
ضحى: نتو في مستشفى اي اللي كنت بشتغل فيها ولا
زين: لاء احنا في مستشفى ****عشان المكان اللي كانو فيه كان عالحدود
ضحى: تمام ماشي
زين: طمنيهم عندك... سلام عشان اروح ل ليل
ضحى: تمام
طمنتهم ضحى ومشيت عشان تسافر لمامتها
راح زين عند ليل ولقاه بيتكلم في التليفون
ليل بغضب: عاوزك توجب معاهم عاوزهم ميكونوش نفعين من بعديها
_اوامرك يا ليل بيه
قفل ليل وبص ل زين
زين: متقلقش يا خوي هتبقى كويسه
ليل: ان شاء الله هتبقي كويسه
زين: انت بتحبها
بص ليه وقال؛ اكيد مش مرتي
زين: لاء بجد مش حكاية مرتك ومش مرتك والكلام ده انت فعلا بتحبها ولا لاء
ليل؛ انت شايف اي
زين: شايف انك بتموت فيها بس مشكلتك انك ديما بتعاند وبتكابر
ليل؛ انا بحبها ومفيش غرور اهه
ابتسم وقال: الصراحه هي.. قاطعه وقال؛ لم نفسك يا جذمه دي مرتي
زين: اسفين يا بشمهندس
ضحك ليل وبص للأوضة العمليات واتنهد بتعب
بعد ٨ساعات من القلق والخوف طلع الدكتور
ليل بلهفه: مالها مرتي هي عامله اي  طمني هي كويسه
الدكتور: هي كويسه الحمد لله الجرح كان عميق شويه بس لحقناها ولو كنتو تأخرتوا كان لقدر الله دلوقتي هنستنى لحد ما تفوق عشان نشوف لو فيه اثار جانبيه وكدا
ليل: تمام.. اقدر ادخلها
الدكتور: ايوة اتفضل بس بسرعه عشان هي محتاجه راحه
زين: هستناك هنا ادخل انت يلا
دخل ليل وبص ليها وهي نايمه مال وباس خدها برقه وابتسم وقال: حمد لله على سلامتك يا حبيبتي.. هعوضك والله على كل اللي انا عملته معاكي اوعدك اني هتغير هبقى مع الكل بشخصيه ومعاكي انتي احن شخص لقلبك هخليكي تحبيني زي ما انا حبيتك.. انا فعلا بحبك..
دخلت الممرضه وقالت؛ بعد اذنك اتفضل
بص ليل على سلمى وبعدين بص للدكتوره وقال؛ ابقي قوليلي لما هي تفوق..
الممرضه: حاضر يا بيه..
طلع وزين قال؛ اطمنت
ليل: الحمد لله كويسه
زين: فاقت
ليل: لاء لسه
زين؛ هي كويسه مفيش حاجه ان شاء الله
ليل؛ ان شاء الله
تاني يوم
كان ليل نايم وزين نايم على كتفه
الممرضه: يا استاذ المريضه فاقت اتفضل ادخلها
زين بنوم؛ طب هسيبك انا وهروح اغسل وشي واشرب السجاره بره
ليل: تمام يا زين
دخل ليل بلهفه عندها وهي بصتله بإستغراب
ليل اول ما شافها قال: سلمى نتي كويسه
سلمى:...
ليل بصدمه:.........
يتبع......