حلقه خاصه ١....
كانت قاعده بتسرح شعرها لقت تلت نسخ داخلين وهما بيجروا ورا بعض واكبرهم شايل البوم الصور وبيتخنقوا مين اللي هيتفرج عليه
تميم : انا الكبير وانا اللي هتفرج عالالبوم الاول
تيام: نعممم انت اكبر مني بدقتين بس يعني مش كبير اوي
تايم بطيبه: انا الصغير يعني المفروض تحترموني وتخلوني اتفرج
سلمى بصراخ: بااااااسسس.. ايه اهدوا شويه بتزعقوا ليه... وشهقت.. انتو جبتوا الالبوم ده منين انا كنت مخبياه
تايم: ماما انا عاوز اتفرج على صورك انتي وبابا
سلمى: اتفرجوا مع بعض
تيام: انا عاوز اتفرج لوحدي وتميم عامل فيها الكبير ومش عاوز يفرجنا معاه
سلمى بحده: عيب يا ولد ايه عامل فيها الكبير دي ده اخوك الكبير
تيام: اكبر بدقتين بس... يعني زي ما هو عنده خمس سنين انا كمان عندي خمس سنين
سلمى: سمعت قولت اي
تيام بزعل: انتي بتحبيه اكتر مننا....
اتصدمت وبصتله بزعل وحست انها مفضله تميم عليهم ونزلت لمستواه وقالت بحنيه: حبيبي انا مش بفضل حد على التاني بالعكس انتو حبكم في قلبي نفس الحب ولما بيزيد بيزيد ليكم التلاته وطبعا اخوكم الكبير فهد
تيام: انا اسف يا ماما بس كنت متعصب
سلمى بهزار: انتي تتعصبي يا لوزه
اتقمص وتميم وتايم ضحكوا
اخدت الالبوم وقالت: تيجي نتفرج مع بعض كلنا
ابتسموا ليها وجريوا عالسرير وهي قعدت جمبهم وبدأوا يتفرجوا عالصور
تميم: هي الصور دي اتصورتوها فين اصل المكان اللي متصورين فيه مش فالصعيد
سلمى: كنا في الغردقه
قعدت تحكيلهم على مغامرتهم فالغردقه ولما ولدتهم فالطياره
تايم: انتي اتوجعتي لما خلفتينا في الطياره
سلمى: طبعا..
تيام: مش المفروض تكرهينا
سلمى: اكرهكوا؟؟ ليه...
تيام: عشان احنا وجعناكي
سلمى: هي في ام بتكره عيالها بردو.... بصوا انا اه اتوجعت واي واحده ست بتولد بتتوجع والوجع بيخليها تكره اليوم اللي اتجوزت فيه بس لما بتشوف طفلها بتنسى وجعها كأنه بيهون عليها الوجع ربنا حط في الام او الست عموما فيها رحمه وحنان ممكن تنسى الوجع ببسمه طفلها ابتسموا وقالت بهدوء: مش عاوزه اي غيرة مبينكم خالص انتو اخوات سند ل بعض شايفين ابوكم تعامله ازاي مع اخواته مفيش غيره مفيش حقد فيه محبه مبينهم وبس كلهم ايد واحده اللي يتكلم على حد فيهم وحش ياكلوهم بسنانهم مش عاوزه اشوفكم بتتخنقوا تاني فهمين ولا لاء
التلاته في نفس واحد: فهمين...
تيام: هو بابا مش ناوي يرجع من السفر
سلمى: هيرجع ان شاءلله قريب
خبط الباب ودخل فهد وقال:السلام عليكم وراح جمبها وباس اديها بحنان وقال: ازيك يا امي
سلمى: ازيك يا حبيب ماما
فهد: كويس... وبص لاخواته وقال: مش ناوين تنزلوا ولا اي
بصوله بضيق وقال تيام بمشاكسه: حاضر هننزل يا ابو سته ابتدائي
فهد: انزل يا جذمه منك ليه
نزلوا يجروا وهما بيضحكوا.....
قعد قدامها وقال: انتي لسه زعلانه من ابوي
سلمى: اه عشان هو زعلني ومش راضي يسمع كلامي
فهد: محصلش حاجه لكل ده يعني
سلمى: لاء حصل... انا مش عاوزه اعلمكم هنا... انا عاوزه اعلمكم زي ما انا اتعلمت
فهد: طبعا عندكم التعليم احسن... بس شغل ابوي اللي هنا يمكن رفض عشان كده
سلمى بزعيق: علفكره ابوك في القاهره بيعمل شغل وكمان هو اتعلم في مصر فيها اي لما يعلم ولاده هناك... لاء وبيعاندني وراح يسافر وبيتصل بيا كأن مفيش حاجه حصلت والمفروض ارد عليه...
فهد: خلاص يا امي... اهدي... متعصبيش نفسك.... ابوي جي انهارده بليل انا كلمته وهو قالي
سلمى: تمام.... انزل وانا نازله دلوقتي
نزل وهي فضلت تفكر تخليه يوافق وقالت: والله يا ليل لاخليك تقول حقي برقبتي مكنش سلمى لو مخلتكش توافق.... نزلت وقعدت مع ضحى وزهره وبدأو يحضروا الاكل
بليل....
كانت قاعده وحطه رجل على رجل ولبسه فستان قصير وقاعده مستنياه.... معداش ثواني كان دخل الاوضه واديه ملفوفه قامت شهقت وقالت بخضه: ليل... انت كويس
مردش عليها وهي قامت وقفت قدامه وقالت: رد عليا..
ليل بتعب: مش ناقصه عالمسا يا سلمى انا عاوز انام تعبان...
سلمى بعياط: لاء مش هتنام غير لما تطمني عليك.... عشان خاطري رد عليا... انسى اننا متخنقين وكلمني يا بابا
ليل بهدوء: انتي بتعيطي لي دلوقتي
سلمى بعياط: عشان خايفه عليك... انت مش كويس
مسح دموعها بحنان وقال: ينفع تهدي... متعيطيش... ميت مره اقولك متعيطيش دموعك غاليه عندي
وقفت عياط وبصتله بخوف وقالت: تعالى اقعد وقولي حصل اي..
قعد معاها وقال: وقعت وانا بثبت النقط عالمبنى بسبب ان العامل كان تعبان وعملت الشغل مكانه واديا حصلها خلع بسيط فروحت للدكتور وقالي راحه يومين راحه ولفلي ايدي وقالي اعمل فيها ميه دافيه ومحركهاش كتير....
شهقت بخضه وقالت: خلع!! طب مكلمتنيش ليه مقولتليش ليه
ليل: ما الاستاذه مقموصه ومش عاوزه ترد على مكلماتي....
سلمى بزعل : حقك عليا انا اسفه... وبصت لأديه ونزلت دموعها وقالت: والله كنت ناويه اصالحك انهارده واني مقدرش ازعل منك
ليل: حصل خير يحبيبتي.... وكمل وهو بيغمزلها بشقاوه: حلو الطقم ده.. كنتي ناويه تصلحيني بيه
ابتسمت وقالت وهي بتمسح وشه بحنان: اه... زعلان لسه
ليل: هو في بعد كده زعل يناس...
ابتسمت ودخلت في حضنه وحضنته جامد وهو قال: ده انا شكلي واحش القمر اوي
سلمى: من نحيه وحشه يا لولي فأنت وحشه اوي....
ضحك وقربها منه وقال: متجيبي بو*سه
ابتسمت بخجل وبصت فالارض وجه يقرب يبو*سها كانت زقته وهو اتصدم وقالت بحده: انت تعبان يابيه والدكتور قالك مفيش اي مجهود عشان ايديك
ليل ومازال في صدمته وقال: انتي بعدتيني عنك
سلمى: شوف بقول اي وهو بيقول اي
قام وبصلها بشر لانها منعته من حاجه هو كان عوزها وخلع حزامه وقال: انتي بعدتيني عنك مش كده
سلمى: في اي... وخلعت حزامك ليه... لاء انا مش تيام ابو لسان طويل
ضرب حزامه عالارض وهي انتفضت وهو قرب منها وهي زقته وطلعت تجري وكانت هتفتح الباب كان شيلها...
سلمى بخوف عليه: ليل... نزلي... كتفك هيوجعك... نزلني يلاا..
نزلها عالسرير واعتلاها وقال: اوعي تبعديني عنك تاني...
سلمى بخجل: ليل... انت تعبان
ليل: مين قال ما انا كويس اهه
سلمى: يحبيبي... خف وابقى كويس واعمل اللي عاوزهه
بعد عنها وهو فرحان انهم اتصلحوا ودخل الحمام يغير هدومه....
وبعد وقت طلع...
راح جمبها واخدها في حضنه وهي قالت: فكرت فاللي قولته
ليل: مش قفلنا الحوار ده
سلمى: لاء مقفلنهوش... فيها اي ل....
قاطعها لما ضمها اكتر وقال: سبيني يومين افكر....
ابتسمت وقالت: يومين بس هه...
ليل: ماشي....
عند زهره وسليم...
كانت قاعده بتتفرج جمبه عالتلفزيون وعماله تفكر فاللي قاله سليم..
سليم: هاه اي رأيك مش بذمتك فكره
زهره: مش هنتأقلم يا سليم... هنتعب.. لو هما عوزين كده يعملوا اللي عوزينه لكن انا مش عاوزه
سليم: فيها اي يحبيبتي لما نعمل زيهم والصراحه انا شيفها فرصه حلوه جدا ونكون كلنا مع بعض
زهره: هي مش فكره وحشه بس يعني...
سليم: بس اي.... قولي..
زهره: هتقدر تعمل كده
سليم: ان شاءلله متقلقيش بس.. احنا التلاته دفعنا بالنص في كل حاجه عملناها دفعنا بالنص
زهره: تمام يحبيبي.... امتى كده الحوار ده
ضمها لحضنه وقال: يومين تلاته كده على راس السنه...
زهره: تمام...
بعد اسبوع...
في اوضه سلمى وليل...
سلمى: كتفك عامل اي دلوقتي
ليل: كويس يحبيبتي
سلمى: عدى اسبوع والبيه مردش عليا
ليل: لمي هدومك
سلمى: ليه
ليل ببرود: كده
سلمى: طب فيه اي
ليل: مامتك موحشتكيش ولا اي وعندي شغل هناك ومش عاوز اسيبك لوحدك تاني وبالمره نقول كلمتين حلوين لوحدنا هناك....
سلمى: بجد... خلاص ماشي...
وطلعت تجري تحضر الشنط وهو بعت رساله ل زين وقال: تم... كل واحد في عربيته واحنا نزلين
وقفل المحادثه....
بعد وقت...
نزلوا وهي مستغربه ان مفيش حد فالبيت
سلمى: حبيبي... هو مفيش حد فالبيت ولا اي
ليل: معرفش يلا بينا...
طلعوا وووو.......
يتبع....
YOU ARE READING
عشقني ليل الصعيد
Romanceنظل ما بين تلك الحرب القويه ما بين مشاعرنا... لم يتوقعا ان يقعا في عشق بعضهما البعض... بعد قسوة وزواج مجبران عليه تحولا الى عاشقين لا يستطيعا ان يتفرقا او يتخلوا عن بعضهما البعض...، كانا يظنان انهما في طريق طويل مظلم لا نهايه له... حتى تقابلا هي ذاق...
