الحلقه ال٢٥
فتح الهديه وكانت صدمت ليل...
ليل بصدمه: ايه ده...وكمل بفرحه: انتي حامل
سلمى بفرحه: اه
شالها ليل وقعد يلف بيها جامد وهو بيضحك وقال بفرحه: انا مش مصدق نفسي بجد حامل يعني شايله حته مننا جواكي
سلمى: ايوة يا حبيبي حامل والله وكملت بضحك: نزلني بقى بدل ما نقع زي المره اللي فاتت فاكر بس المره دي انا حامل يعني الغلطه بفوره
نزلها وقربها منه وقال بلهفه: حاسه بإيه طب كويسه مفيش حاجه صح طب.. طب كشفتي... عارفه في الشهر الكام... تخدي اي... طب جعانه.. نفسك في اي وانا اجبهولك... طب..
قطعته بهمس: انا في الشهر الاول وداخله في التاني....وكملت: كنت عند الدكتورة انهارده وقالتلي.. وعملت اختبار حمل الاول مع نفسي وأكتشفت اني حامل وحبيت اروح اطمن اكتر اعرف اخد اي وكدا وجبت الحاجه اهه وحطت في الدرج جمبك
ليل: مواعيد الادويه اي
سلمى: خلاص انا عرفاهم
ليل؛ وانا معرفهمش ليه لاء لازم اعرفهم عشان افكرك بيهم..
ابتسمت وقالت؛ انت بجد فرحان
ليل: هموت من الفرحه عارفه يعني اي انتي حامل يعني هبقى اب وهنشيل ابننا او بنتنا وحياتنا هتبقى مستقره وهيملاها علينا اللي هيجي ده..
سلمى: انا مكنتش متخيله انك هتكون فرحان اوي كدا
ليل: هو في بعد كدا. هدايا يا بنتي وبعد الخبر ده فرحه
سلمى: معلش يا حبيبي اخدت مبلغ صغير كدا من الخزنه عشان مكنش معايا فلوس وجبت الدوا ده...
ليل؛ ده انتي اللي تعوزيه تخديه انتي فكراني مضايق ولا حاجه
دمعت عنيها بفرحه وحضنته وقالت: انا بحبك اوي اوي عمري ما تخييلت اني هحبك الحب ده
ضمها جامد وفرق الطول اللي بينهم كان واضح جدا
قرب منها وهمس: حد يعرف انك حامل
سلمى؛ سندس بس قولتلها وكان طبعا لازم اسمع زغروطه منها زي يوم نتيجه الثناويه العامه جت في الشارع تحت بيتي وزغرطت عشان جبت مجموع عالي ودخلت كليتي اللي ندكان نفسي فيها
ليل: ربنا يخليكم لبعض... يعني محدش يعرف تاني
سلمى: لاء قولت يعني تبقى طبعا سندس تعرف وبعدين انت تبقى تقول ليهم بكره تفرحهم معانا
ليل: طيب يا حبيبتي... ثواني كدا يعني اللي في بطنك ده هيضيع علينا الليله اللي نفسي فيها
سلمى ببسمه: اممم ومش هينفع تعمل كده تاني ها
ليل حطها على السرير وقال: ده طلب ولا امر
سلمى بكسوف: ليل... مش هينفع... الدكتورة قالتلي مينفعش هتعب
ليل: لاء عادي الدكتوره دي كدابه خلينا في حالنا.... وكمان انا مصدقت قلبك حن عليا وبقيتي تلبسي ليا كده.......
تاني يوم....
صحيت لقته حضنها بتملك ابتسمت وقالت؛ يخربيتك اي ده لازم تعمل اللي في دماغك بردو
ليل؛ عيب عليكي
ابتسمت وقالت؛ صباح الخير
ليل: صباح العسل يا حبيبت قلبي
سلمى: اي الدلع ده كل ده عشان قولتلك اني حامل
ليل: انتي من زمان وانتي قلبي اصلا
ضحكت وقالت؛ طب يلا عشان شغلك وبالمره تقولهم لما ننزل
ليل: ثواني كدا ننزل فين
سلمى: تحت انا وانت
ليل: انتي مش هتتحركي من هنا
سلمى: ده ازاي بقى ان شاء الله الدكتوره قالتلي وانا اعرف اني لازم اتحرك كتير عشان وزني ميزدش والولاده تبقى سهله
ليل: انا خايف عليكي
سلمى؛ لاء انت خايف على اللي في بطني مش عليا
ليل: والله عليكي وحتى لو بخاف عليه اعذريني يا ستي اول مره احس الشعور ده انا مش متخيل اني هبقى اب وهيتقلي ابوي واعيش الجو ده
سلمى: ان شاء الله يا حبيبي على خير... يلا بقى عاوزه اجهز عشان ننزل
ليل: طيب يا ستي..
بعد وقت...
كانوا قاعدين كلهم قدام التلفزيون.. بص ليها وهي حركت راسها بالموافقه ولاحظهم سليمان وقال: في اي ما تتلموا بقى اي الهم ده
ابتسمت وليل قال والبسمه مش مفارقه وشه: في الحقيقه يعني في خبر كدا لسه انا عارفه امبارح... بصوا ليه بإهتمام وهي اتنهدت وابتسمت وقالت: انا حامل...
سليمان بفرحه: ايه؟ حامل؟ الف الف مبروك يا حبايبي
ليل: الله يبارك فيك يا بوي
خديجه بفرحه: اللهم صل على النبي والله كنت حاسه من ساعت ما تعبتي ولما نزلتي امبارح وراجعه فرحانه قولت اكيد انك حامل
ابتسمت وحضنتها وقالت: ربنا يخليكي لينا يا خديجه
سليمان بمرح: طب وانا مليش حضن ولا اي.. قربت منه ولسه هتحضنه ليل قال؛ انا هحضنك انا ارجعي..
شدها سليمان واخدها في حضنه وقال: امشي يلا دي زي بنتي واكتر
بصت ل ليل اللي نظرات الغيره باينه عليه لاحظها سليمان وقال بهمس: متخافيش على زعله اوي كدا ده تنح
سلمى بهمس؛ ليه كدا
سليمان بهمس: اه يا بت فهد واقعه اوي كدا فيه
ابتسمت وضمته وقالت بهمس: ربنا يخليك ليا يا سولي
سليمان بهمس: انتي في الشهر التاني...
سلمى: اه.... طبطب عليها وبعدت عنه واول ما بعدت شدها ليل وقال: علفكره يا بوي دي مرتي انا احضن مرتك
ضحكوا وسليمان قال؛ اتحشم ياض... تعالي يا ديجا.. ضحكوا كلهم
ضحى: مبروك يا قلبي..
سلمى: الله يبارك فيكي عقبالك يارب...
ضحى: يا رب يا قلبي
زين:مانتي اللي بتتكسفي مش كان زمانك محصلاها
ضحى اتكسفت منه وكله ضحك عليها
قربت ضحى وليل بعد عنهم وضحى قالت؛ بس غريبه يعني مقولتليش
سلمى: ما انتو عرفتوا اهه
ضحى: طيب يا سلمى... قولي لسندس بقى عشان متزعلش منك
سلمى: ما انا قولتلها
ضحى: طيب... بعدت عنها وسلمى قالت:ليل انا عاوزه محشي وسوداني وموز وو...
قاطعها وقال: ايه... ايه.. ايه كل ده وايه محشي ده اول ما تتوحمي تتوحمي على محشي
خديجه: هجبلك اللي عوزاه يا حبيبتي... ونت يا ليل اللي تقوله يتنفذ البت حامل واللي تعوزه تجيبه ليها
ليل: حاضر يا امي.... ده الغزاله تؤمر ونا انفذ
سلمى: اللي قولته تجيبه
ليل: حاضر...
بليل.....
رجع من الشغل لقاها قاعده بتاكل وبتتفرج على فيلم ومبتسمه ابتسم بحب وقرب منها وباس خدها وقال: وحشتيني
سلمى: وانت كمان...
سلمى: عاوزه طلب صغنن اد كدا
ليل؛ اي هو
سلمى: انا عاوزه اروح لماما
ليل: تروحي فين بس نتي كده هتتعبي
سلمى: عاوزه اقضي فتره الحمل هناك ومش هتعب متخفش..
ليل: ونا هنام في حضن مين بقى
سلمى: ما انت هتبقى معايا لو عاوز نأجر شقه ماشي ولو عاوز نبقى مع ماما في الشقه بردو ماشي
ليل: لاء مش هنروح اصلا
بعدته عنها وعيطت وقالت بعياط: لاء هنروح ولو مش هتوديني هقول لمعاذ يجي يخدني
افتكر معاذ وقال بحده وحاول يكتم غضبه: سلمى متعصبنيش... معاذ ايه وقرف اي وهي كلمه واحده مش هنروح يعني مش هنروح فاهمه
سلمى بعياط: انا عاوزه ماما.... انت وحش ونا مبحبكش وعاوزه ماما....
ليل بإستغراب من طريقتها: نتي بتتكلمي كده ليه وبتعيطي ليه
سلمى بعياط:مش عارفه بقى...
ليل: طب بطلي عياط
سلمى بعياط : لاء....... لاء....... وقعدت تعيط
ليل:طب خلاص هوديكي ميهونش عليا زعلك....
سلمى بفرحه: بجد
ليل: حنفيه الدموع وقفت يعني..
سلمى: خلاص بقى يا حبيبي... هنروح امتى؟
ليل: بصي نا موافق بس مش هنقعد مع مامتك في الشقه هنقعد في الشقه اللي تحت شقتكم او جمبها مش فاكر بس تبقي قريبه منها عشان تاخد بالها منك ونا في الشغل ونبقى براحتنا بردو في الشقه.....
سلمى: اوكيه يا حبيبي.... ليل...
ليل: اممم
سلمى: هات كل اللي في جيبك
مسكها مسكت الحراميه وقال: نتي هتقلبيني يا بت
سلمى: نا مش عارفه ربنا هيتوب عليا امتى من المسكه دي.... هات بس اللي في جيبك
طلع اللي في جيبه ولسه هيعدهم قال: خودي اهه ببركتهم
قربت منه وقالت: الصراحه انا فرحانه اوي اني حامل وخصوصا وانا حامل منك فبص انا عاوزه اطلعهم صدقه عشان ربنا رزقني بحمل منك
ابتسم وقال: بصي في الخزنه اكتر من كده طلعيهم كلهم
حضنته وباست خده وقالت: انا بحبك اوي يا ليل
ليل: ونا بعشقك يا قلب ليل..
تاني يوم....
في الشغل عند ليل..
كان قاعد قدام سليمان وقال: بقولك يا بوي
سليمان؛ اي
ليل: كنت يعني احم عاوز اخد اجازه من الشغل هنا
سليمان: ليه ان شاء الله
ليل: هروح اشوف الشركه بتاعتي بقى اللي في اسكندريه بقالي كتير مش مهتم بيها..
ابتسم سليمان وقال: عاوز تروح عشان شغلك ولا عشان مرتك طلبت تروح عند امها
ليل: سلام قول من رب رحيم انت عرفت منين
سليمان: لاء ابدا كنت معدي بالصدمه ولقيتكم بتتكلموا فسمعتكم
ليل: جميل انت يا بوي
ضحك وقال: مفيش مشكله ابراهيم يمسك مكانك مفيش حاجه
ليل: شكرا يا بوي
سليمان: بتحبها مش كدا
ليل بهيام وتوهان: بحبها بس ده انا بعشقها وبعشق كل حاجه فيها تفاصيلها ضحكتها حبها ودلعها طفولتها كل حاجه فيها
ابتسم سليمان وقال: يا ولد على الرومانسيه
ضحك وقال؛ عن اذنك بقى هروح اشوف شغلي
تاني يوم..
خديجه بحزن: عاوزه تسبينا يا معفنه
سلمى: لاء والله بس ماما وحشتني وعاوزه اقعد معاها فترة الحمل واول ما اولد هنيجي على طول
ليل: ان شاء الله تقومي بالسلامه
سلمى: ان شاء الله هتوحشوني كلكم...
ابتسم ليها الكل
دخلت ليليان وقالت:.......
يتبع.....
أنت تقرأ
عشقني ليل الصعيد
Romanceنظل ما بين تلك الحرب القويه ما بين مشاعرنا... لم يتوقعا ان يقعا في عشق بعضهما البعض... بعد قسوة وزواج مجبران عليه تحولا الى عاشقين لا يستطيعا ان يتفرقا او يتخلوا عن بعضهما البعض...، كانا يظنان انهما في طريق طويل مظلم لا نهايه له... حتى تقابلا هي ذاق...
