عشقني ليل الصعيد

الحلقه ال ٣ ج٣

الحلقه ال٣
فتح الباب ودخلوا ولقوا فهد رابط طرحه على دماغه وبيكنس وتميم وتيام قاعدين هادين وتايم رابط رجليه
كانوا واقفين وحسين انهم هيحصلهم حاجه
سلمى بخوف على تايم: في اي اللي حصل... مالك يا تيمو..
تميم: الحمدلله يا ماما حصل خير بسيطه
ليل بغضب: حصل اي لاخوكم انطقوا
وقفوا ورا فهد وهي قربت من تايم ونزلت دموعها لما شافت الجرح وقالت: محتاجه خياطه يا ليل
تايم بخوف: لاء يا ماما بالله عليكي بلاش خياطه هي مش بتوجع وانا كويس
ليل: خلاص يحبيبتي اهدي... مش هنخيطها ولا حاجه بسيطه.. ووجه كلامه لتميم وتيام وفهد: هغير هدومي وهطلع وهتصرف معاكم..
كان ملامح العصبيه والغضب على وشه وهي خافت على عيالها منه وقربت منه وقالت بهدوء: براحه عليهم عشان خاطري.. عيال وغلطوا
ليل: انتي مش شايفه رجل الولا عامله ازاي واحنا من امتى بنمشي ونسيبهم ونرجع نلاقيهم كدا... لازم يتربوا..
سلمى: طب براحه عليهم متضربهمش...
حرك دماغه بماشي...
بعد وقت..
كان قاعد بهدوء مرعب وحاطط رجل على رجل وتميم وتيام وفهد واقفين قدامه بإحترام..
ليل: حصل اي قولوا وانا مش هعملكم حاجه...
بصوا لبعض وفهد قال: انا قولتلهم يروقوا الشقه عشان لما تيجوا تلاقوا البيت نضيف وكدا انا كنت فالمطبخ بعمل اكل ومره واحده سمعت عياط جريت عندهم لقيت تايم عالأرض ورجله بتنزف فتميم طلع لطنط ضحى وهي نزلت عملتله الجرح وبس هو ده اللي حصل...
ليل: تمام.. حصل كل ده ازاي
بص تميم وتيام لبعض وسكتوا قام ليل وبكل غضب ورفع كفه وكان هيضربهم وقفت قدامه وقالت: خلاص عشان خاطري... خلاص
ليل بحده: ما تنطق ياجذمه انت وهو
قعد وهي جمبه ماسكه ايده عشان ميضربهمش
ليل بحده: اي اللي حصل ولاخر مره هقولها..
تميم بخوف: احنا كنا بنروق زي مافهد قلنا فتيام ضربني بالمقشه وانا سكت وقعد يضايقني وكل ما اروق حته يروح يبهدلها فمسكته ضربته فتايم كان بيسلك مابينا فتيام زقه عند المكتب فالازازه الازاز وقعت على جله
كان كاتم غضبه بالعافيه وبيبصلهم بغضب وقال بحده: انا هعلمكم الادب عشان تحبو بعض.. انتو ازاي اخوات من بطن واحده ومن دم واحد..
تيام: حقك عليا يا بابا انا اسف وانا السبب في اللي حصل لتايم انا عارف بس انا كنت بهزر والله
ليل بحده: شوفت اخرت هزارك..
سكت وليل قال بهدوء: اقعدوا..
قعدوا عالارض وليل قال: تعرفوا ان اول جريمه عالأرض كانت الغيرة...
تميم: ازاي؟
ليل: سيدنا ادم عليه السلام كان عنده ولدين قابيل وهابيل كان هابيل طيب وهادي ومسالم وكان قابيل قاسي كان بيسمع كلام الشيطان في اي حاجه لحد ما قتل اخوه
تايم بصدمه: قتله؟؟
ليل: اه
تميم: بس ده اخوه
ليل: الغيرة والغضب بيعموا الواحد
تيام: يعنر انا كده كنت زي قابيل
ليل: اكيد لما بتسمع كلام شيطانك وتضايق اخوك واخوك يمسكك يضربك كده انتو سمعتوا كلام شيطانكم..
تيام: بس انا مكنش قصدي انا بس بحب اهزر مع تميم عشان يلعب معايا
ليل: عاوز تهزر هزر كويس مش اللي عملته ده واللي بتعمله...
قام تيام وقرب من ابوه ومسك ايده وباسها وقال: حقك عليا يا بابا انا اسف متزعلش مني..
قرب تميم وعمل زيه وقال: وانا كمان يا بابا اسف
بصلهم وهو فتح دراعه ودخلوا في حضنه وهو ضمهم بحب ابوي..
بصتلهم بغيره لاحظها تايم فقرب منها وعمل زيهم وهي حضنته...
شافهم وابتسم ليهم...
قامت وقالت: هعملكم حاجه تكلوها..
سمع فهد الكلمه دي واتسحب وجري على اوضته
دخلت المطبخ واول ماشافت الحله صرخت جري عليها ليل وقال: اي يحبيبتي في اي في اي
سلمى بعياط: حلتي.. حلتي ياليل..
ضحك وقال: حلة اي يابنتي اللي بتعيطي عليها
ضربته على صدره بغيظ وقالت: انت بتضحك ما انت عارف اني بحب وبعز اي حاجه انت بتجبهالي
ليل: خلاص هجبلك واحده تانيه
سلمى: لاء انا عاوزه حقي.. 
ضحك وقال: حقك من عيالك.. ده انتي لو مرات ابوهم مش هتعملي كده
سلمى: قصدك اي.. قصدك اني قاسيه على عيالي
باس دماغها وقال: مين قال كده ده انتي حنيه العالم كلها فيكي
ابتسمت وقالت: بتعرف تصالحني..
ليل: هو احنا اتخانقنا اصلا عشان نتصالح.. بس اي رأيك في المفجأة اللي كانت في اليخت..
احمر وشها وهو ابتسم عليها وقال: كوبايه قهوة معلش يحبيبتي وهاتيها عالأوضه
سلمى: ماشي.. طلع من المطبخ وراح اوضته...
عند ليل...
كان قاعد وافتكر نفسه وهو صغير لما كان كدا زي تيام وانه كان مصيبه زي مكان بيقولوله.. ابتسم لما افتكر انها كانت بتدافع عنه قبل مايقربلها..
فلاش باك...
في المكتب...
سليمان: يعني اي ضيعت ثفقه زي دي
ليل: معجبتنيش الثفقه..
دخلت حطت القهوة اللي طلبوها وهو كان متابع تحركتها
سليمان: ليل..
مردش وكان مركز معاها...
سليمان: ركز معايا... بصله وهي قالت: تؤمر بحاجه تاني يا عمي
سليمان: اه يا بنتي معلش هاتي الورق اللي في الدولاب اللي جمبك..
راحت عند الدولاب اللي في المكتب وهما اتكلموا
سليمان: ما هو مش بمزاجك هو انت عارف انت خسرتنا اد اي
ليل ببرود: ٣٠٠الف جنيه مثلا
سليمان بغضب: انت بارد كده ليه
قربت منهم وادت ل ليل الورق وغصب عنها وقعت القهوة على جلبيته
ليل بغضب: انتي غبيه مش تفتحي
سلمى: اسفه مكنش قصدي
ليل: اعمل اي بأسفك يعني... مسك دراعها وضغط عليه وقال: دقتين وطالع اطلع الاقي الحمام جاهز وجلبيع البسها
كتمت دموعها وقالت بنبرة خوف: ح.. حاضر.. بس ينفع تسيبني
ليل: والله.. جه على اخر الزمن وواحده ست هتمشي كلامها عليا..
سلمى: انا مش بمشي كلامي والله.. انت بس بتوجعني...
ضحك بسخريه وبدأ يكلمهت بحده ويوبخها ويقول كلام يجرحها نزلت دموعها من الكلام اللي بيقوله قام سليمان بغضب ووقفها وراه وقال بغضب: انت اتجنيت يا واد انت ازاي تكلم مرتك اكده وازاي تقولها كلام زي ده
ليل بغضب: انا حر دي مرتي وانا حر..
رفع كفه وكان لسه هيضربه وقفت قدامه وقالت بعياط: معلش ياعمي وغلاوة بابا عندم متضربه ليل جوزي وانا وهو بنحل مشاكلنا مع بعض وانا راضيه بطريقته عشان خاطري ميصحش تضربه قدام حد حتى لو مراته...
بصلها ليل وسليمان قال: شايف بنت الاصول شايف البنت برغم اللي قولته بدافع عنك ازاي..
سابهم وطلع اوضته وهي اتنهدت وطلعت وراه...
كان قاعد بيشرب سجاير كعادته وبينفخ دخانها بعصبيه قربت منه وقالت: انا اسفه اني رديت عليك قدام بباك كان المفروض.. قاطعها من كلامه وقال: ولا يهمك وشكرا
سلمى: على اي
ليل: انك دافعتي عني برغم اني جرحتك
ابتسمت وطبطبت على ضهره وقالت: ولا يهمك
باك...
كان قاعد مبتسم وهي دخلت حطت القهوة وابتسمت لبسمته وقعدت جمبه وقالت: حلوة البسمه دي متفرحني معاك..
ليل: لما دافعتي عن الولاد فكرتيني بزمان لما دافعتي عني برغم قسوتي واني كنت بجرحك..
ابتسمت وقالت: كنت حنينه...
ليل: كنتي؟؟ لاء انتي طول عمرك حنينه وهتفضلي حنينه...
سلمى: العمر بيعدي بسرعه اوي مش مصدقه ان العيال بقوا ١٢سنه وفهد ١٦سنه واخد بالك العمر جري ازاي...
ابتسم وضمها لحضنه وقال: هما يكبروا واحنا هنفضل صغيرين....
قطع اللحظه دي صوت الباب نفخ بضيق وقال: كنت حاسس... ضحكت وقامت فتحت وكان فهد
فهد: نعم يا بابا حضرتك كنت عاوزني...
ليل: تعالى يابني... دخل قعد وهي كانت هتطلع ليل قال: اقعدي...
قعدت وليل بص لفهد وقال: انت طبعا اللي حرقت الحله..
فهد: والله يا بابا مكنش قصدي انشغلت ب تايم واوعدك يا امي هجبلك واحده تانيه
ابتسم ليل وقال: طب كويس انك هتجبلها لاني كنت هخليك تجبلها غصب عنك
فهد: اي حاجه لأمي انا مش هبقى مجبر عليها لانها حبيبتي
اضايق ليل وهي ابتسمت وقالت: قلبي يا فهودي
خبطها في ضهرها وهي ضحكت
ليل: طبعا انت عارف انك السنه الجايه هتبقى ٣سنوي
فهد: عارف يا بابا
ليل: انت في اولى وتانيه كنت بتجيب درجات عاليه متجيش في تالته وتستهبل
فهد: حاضر يا بابا حضرتك عارف اني قدها..
سلمى: عوزاك تفرح قلبي وتجيب مجموع وتبقى مهندس زي ابوك...
فهد: من عنيا
ليل: هشغلك معايا في الشركه وليك جايزة عمرك ماهتتخيلها..
فرح اوي وحضنهم هما الاتنين وقال: اوعدكم هرفع راسكم.. ضموه بحب وهو بعد عنهم
ليل: تعالى بقى اقولك انا كنت بعمل اي لما كنت في سنك...
سلمى: طب هسيبكم انا بقى.. اعملكم حاجه تشربوها..
ليل وفهد في نفس واحد: شاي يحبيبتي..
ابتسمت وطلعت..
ليل: دي حبيبتي انا علفكره
ضحك فهد وقال: بس دي امي
ليل: ملكش دعوة بيها انا مردتش اعاتبك لما حضنتها  دلوقتي...
فهد: حاضر... حضرتك لما كنت قدي كنت بتعمل اي
ليل: طبعا انت عارف اني اتعلمت في مصر وكنت بعيد عن اهلي يعني ولا كان في حد ينصحني ولا قالي ذاكر والكلام ده..
فهد: فاهم...
ليل: بص تالته دي سنه مهمه ودي اللي هتحدد مصيرك وخصوصا انك علمي رياضه كل المجالات صعبه طبعا سواء علمي علوم او رياضه او ادبي كله هيحدد المصير
فهد: فاهم..
ليل: بص اولا كده متحسش انها نهايه العالم هي سنه زي اي سنه بس محتاجه اجتهاد شويه.. خلي عندك خطط بديله واتعامل مع السنه بذكاء روح لمدرسين عندهم ضمير وكويسين وبلاش خمستلاف مدرس وخمستلاف كتاب هو مدرس لكل ماده وكتاب لكل ماده بلاش تضغط على نفسك في البدايه لان السنه طويله وممله وانت محتاج كل طاقتك في اخر ٣شهور بالذات عشان كدا حافظ على طاقتك ونفسيتك وبلاش ترهق اعصابك في البدايه ذاكر واعمل اللي عليك... بلاش دور نجيبه متولي الخولي وتقعد في البيت ٢٤ساعه ودروس ب٥٠ساعه والكلام ده كله انت هتقسم كل ساعتين ماده ويوم كامل ل ماده معينه صعبه عليك ومحتاج تركز فيها وبس... انت مطلوب منك فالبدايه تذاكر اول بأول وتحل ديما وخلي مذاكرتك مش مجرد ماتشوف الصفحه بقت في دماغك خلاص وانك خلاص كده ذاكرت لاء اقعد وامسك الدرس وذاكره بضمير انت لو قعدت ساعتين جد قعدت رجاله كده هتلمها ذاكر بضمير لان اول مذاكره لاي درس هي اللي بتتطبع في دماغك وحل ديما عليه... اعمل وقت ترفيه كده صغير واي حاجه سلبيه ابعد عنها اي حد يقولك مبذاكرش فكك منه متسمعش كلامه لان ده بيبقى مقطعها في المذاكره وبياكل الكتاب اكل بس شايفك احسن منه وبيحاول يقلل من مستواك ويخليك تستهتر اسمع من ودن وخرج من التانيه الكلام السلبي...
قرب من ربنا لو بعيد عنه حافظ على صلاتك اعمل ورد يومي من القران تصدق ولو بجنيه ادعي وانت على سجدتك ادعي وانت فاضي سبح كتير واستغفر كتير لان الاستغفار مفتاح لاي حاجه انت عاوزها ذاكر لنفسك وانا ومامتك موجودين لو احتجتنا بلاش تسيب الماده للمدرس بس اعملك جدول لوحدك وطبعا تسمع كلام المدرس وتذاكر اللي يقولك عليه... ربنا ان شاءلله وفقك ورزقك وجبت مجموع اللي يدخلك الكليه اللي نفسك فيها يبقى الحمدلله... لقدر الله مجبتش تبقى مهيء نفسك لاي ظرف بس اهم حاجه اعمل اللي عليك.. يبقى عندك خطه بديله اتعامل بإحترافيه.. وانا جمبك انا وماما..
فهد: ان شاءلله اجيب مجموع اللي يفرح قلبي وقلبكم...
ليل: ان شاءلله... انت بتكلم حد
فهد: حد زي مين..
ليل: بنت يعني
فهد: لاء طبعا انا مبشغلش بالي بالحجات دي لانها حرام وزي ماحضرتك ربتني انه حرام واني كده كده لسه صغير وعندي بنات خاله وبنات عم وكما تدين تدان... وانا شايف من وجهة نظري انه موضوع تافهه اخرته وحشه اركز الاول في دراستي ومستقبلي وعاشرا اركز في الموضوع ده بعدين والاقي بنت الحلال اللي تصوني وتصونكم...
ابتسم وربت على كتفه وقال: تربيتي يا فهد انت كده فعلا نسخه مني... وحضنه..
دخلت وحطت الشاي وابتسمتلهم ومشيت...
في شقه زين...
ضحى: تعالى يا ابو ملحق
فراس: لاحول ولاقوة الابالله والله ما ملحق ده جبد جدا بس
ضحى: بقى ابن ضحى يجيب جيدجدا ده انا مكنتش بنقص درجه
فراس ل زين: بابا هي ماما كانت شاطره
ضحك وقال: دي كانت فاشله
شهقت وقالت: مين قال كده
زين: حماتي حبيبتي..
خلعت اللي في رجليها وحدفته عليه وقالت: ده انت ليلتك سودا والله لانكد عليك..
زين: بس يا بت اركني على جمب..
بعد وقت..
كان قاعد عالارض وقدامه طبق فيه ميه ومسحوق غسيل وجمبه كوم من الشربات والطرح بتاعتها هي وبنته...
زين وهو بيدعك الغسيل: ضحى حبيبتي شوفي كده عندك حاجه تانيه اغسلها...
ضحى: لاء.. وادعك كويس
زين: حاضر.... حاااااضررر
كان قاعد جمبه فراس وقال: احلى حاجه فيك يا بابا ثباتك عالمبديء وانك اد كلامك...
زين: اومال اي انت فاكر اي
ضحك فراس وضم رجله وقعد يغني ويقول: الطشت قالي... الطشت قالي... وقعد يرددها
زين: ماتسكت ياعم صوتك يقرف
فراس: خت السدمه... اه قلبي...
زين: واي الطشت قالي دي
فراس: ما انا لو عارف تكملتها كنت كملتها 
زين: طب اسكت
فراس: لاء
زين: هقوم اجيب المقشه واكسرها عليك
فراس: مقشه... احمم.. ده انا هسكت وهخرس خالص ده انا حتى شطور وجميل...
زين: ايوة كده اتظبت كده
في اوضه جميله رقيقه جدا كانت قاعده بنت جميله لابسه بجامه بيتي ولا يختلف جمالها ورقتها عن امها كانت سرحانه قطع سرحانها صوت امها ليليان من المطبخ...
ليليان: ذاكري يا ليان
ليان: بذاكر يا ماما...
كانت قاعده مستنيه رساله من حد بفضول شديد ووصلها صوت اشعار من تليفونها مسكتها بلهفه وكانت من.....
يتبع...