عشقني ليل الصعيد

حلقه رمضانيه الحلقه ال١٨ ج٣

اللهم صلِّ وسلم وبارك على سيدنا محمد "
الحلقه ال١٨ ج٣
بعد ساعات...
وصلت العربيات للصعيد نزلوا من العربيات وكل واحد في ايده مراته وعياله وشنطهم... ضرب الغفر نار للتحيه أنتفضت ومسكت فيه وهو إبتسم وقال بهمس؛ متخفيش ده عادي...
سلمى: خليك جمبي... إبتسم وحط إيده على وسطها وشدها ليه وقال واحد من الغفر: يا أهلا وسهلا بالبشوات نورتوا الصعيد
سليم: الصعيد منورة بأهلها وناسها يا أشرف
أخدوا منهم الشنط ودخلوا الدوار
أول ما دخلت البيت إفتكرت كل لحظه عاشتها هنا.... إبتسمت وراحت نحية المطبخ وإفتكرت أول لحظه بعد ما بقوا مع بعض...
فلاش باك...
كانت واقفه في المطبخ وقف وراها وقال: العبايه دي ضيقه روحي غيريها...
ابتسمت وقالت: عادي يا ليل انا مش شيفاها ضيقه وحتى لو ضيقه مفيش حد غير عمو سليمان وأخوك في مأموريه والتاني مسافر وحتى لو هما هنا أخواتك محترمين
لفها ليه وأتحولت ملامحه للغضب وقال: ايه القرف اللي على شفايفك ده
خافت من نبرته بس إتكلمت بهدوء: انا مش حاطه روج والله ده مرطب لان شفايفي احم متعورة...
ليل بغضب: عارف بس تنزلي كدا متحطيش غير في أوضتنا عندك اوضتنا تحطي فيها كل اللي عوزاه وبراحتك...
سلمى: طيب ماشي... ادته ضهرها لفها ليه وبصبعه مسح الروج وهي بتبعده لكنه كان مثبتها... سبها بعد ما أتأكد أن مفيش أثر للروج تاني
سلمى بوجع: أنت وجعتني
ليل: تستاهلي عشان ما تتكررش تاني
قربت منه وقالت بدلع: أهون عليك... بصلها وإبتسم وقال: لاء طبعاً بس أنا مبحبش حد غيري يشوفك كده
مسكت إيده وقال: بس أنت وجعتني وإيدك غير إيدي فأكيد هتوجعني
قرب منها وهمس وقال: خلاص المره الجايه هبقى أشيله بطريقه تانيه وأوعدك مش هوجعك بالعكس هتستمتعي وهيعجبك الطريقه دي... إتكسفت وهو قال: طب أطلعي غيري العبايه ضيقه
سلمى: علفكره ده دريس... قرب اكتر وقال:بتقولي اي
سلمى بخجل: بقولك انه دريس... قرب منها أكتر وحاصرها وقال:ماتيجي اقولك حاجه فوق
سلمى بخجل: أتلم بقى...
ليل: مش هتلم أنا حابب كدا وأقولك على حاجه كل مره ببقى معاكي فيها بحبك أكتر وأكتر
ضحكت بدلع وقالت: احنا مبقلناش شهر يا ليل
ليل: مش بذمتك كان أحلى شهر..
حركت دماغها بمعنى أه... وهو ضحك وقرب أكتر وقال: طب هاتي بوسه طه...
سلمى: بس بقى يا ليل إحنا في المطبخ وأبعد حد هيدخل علينا...
ليل: ما اللي يدخل يدخل واحد ومراته.... غمضي بس وخليكي معايا...
غمضت عنيها وهو قرب منها وقاطعهم سليمان اللي قال: ما تتلم ياض انت ومراتك هو كل مره أدخل ألاقيكم كدا.... أنتفض الأتنين وليل نفخ بضيق وقال: هو في اي يا أبوي مرتي وانا حر فيها...
سليمان: طب يلا ياض خدها وروحوا أوضتكم بلاها فضايح...
بصلها وهي عنيها في الأرض شدها لحضنه وقال: قولي يابوي عاوز حفيد في خلال أد إيه كده
ضحك سليمان وقال؛ براحتكم خالص انا مش مستعجل وخد أجازه من الشغل انهارده يلا يا ولدي....
طلعت من المطبخ تجري وهو طلع وراها...
باك...
حضن ضهرها وقال: بتفتكري ذكرياتنا في المطبخ مش كدا
ضحكت وقالت: اه فاكر يا ليل
ليل: فاكر بس ده احنا لحد دلوقتي بيدخلوا علينا... ضحكت وقالت: الله يرحمك يا عم سليمان
ليل: الله يرحمه..
بعد وقت...
كانوا قاعدين كلهم في الصاله
سليم: احنا هنام وعاوزين نصحى نلاقي فطار حلو كدا يا بنات...
سلمى: ما احنا كمان عاوزين ننام...
سليم: ومين بقى اللي هيعمل الفطار... بص ليل وزين ليه بمعنى انه هيوقعهم في مصيبه...
سليم: انتو هتعملوا اي يعني فرختين هتتحشي ومحشي وبس
زهره: وهو ده بالساهل يعني
أستغلت الفرصه وقالت؛ انت شايف يا سليم ان اللي احنا بنعمله كستات سهل مش كدا
سليم: ايوة طبعا
زين بهمس ل ليل: يلهوي يلهوي
ليل بهمس: أحب أقولك اخي العزيز اننا روحنا في داهيه..
سلمى: طيب يا سليم انت والشباب الحلوين دول هتقوموا بدور ست البيت لمده أسبوع إيه رأيكم...
سليم: سهل جدا مفيش مشكله... ضرب ليل كفه في جبهته وسلمى قالت: طب حلو اوي بص انتو هتروقوا البيت لأنه مش نضيف واحنا هناخد عيالنا وهنطلع ننام اشطا يا معلم... تنح سليم وقال: يعني اي
سلمى: زي ما سمعت يلا
قامت وقالت: يلا يا ولاد يلا قوموا... قاموا الولاد يجروا على الاوض والبنات طلعت على اوضه اجوازهم...
قام ليل ومسك سليم من هدومه وقال؛ ده انا هعمل منك بطاطس محمره...
سليم: فيها اي يعني مش هنتعب هو شغلهم سهل اصلا...
زين: منك لله يا سليم يا ابن خديجه وسليمان
سليم: مش ابوك وامك دول بردو.... اتسحب ابراهيم لكن ليل مسكه وقال: رايح فين
ابراهيم: معقول يا ليل اجي الصعيد ومسلمش على ابويا وامي...
ليل: بلا بدلع هتعمل معانا زيك زيناا...
في اوضه البنات...
سلمى: اي خدمه اهه خلعتكم من الترويق والتنضيف وكل حاجه
ضحى: الله يباركلك والله... فردت ليليان جسمها لكنه أتفجأت بشبشب سلمى وهو على دماغها
ليليان بوجع: اه يا سلمى ليه كدا
سلمى: سريري انا وجوزي ده قومي...
بصت لضحى وزهره اللي قاعدين على الارض فهما عرفين مدى غيرتها وتملكها ل ليل...
ليليان؛ حبيبتي انا اخته والله
سلمى: سمعت قولتلك اي... قامت وقعدت جمبهم على الارض والبنات كتمين ضحكهم عليها...
سلمى: يلا يا حبايبي كل واحده على اوضتها يلا...
زهره: سبينا شويه يا سلمى...
قاموا يجروا تحت تهديد السلاح وهما بيضحكوا عليها وعلى جنانها...
بعد ساعات...
كان زين بيمسح الارض وقال: هو انا مكتوب عليا المرمطه في ام العيله دي...
_مش لوحدك والله.. كان ده صوت فراس اللي كان لسه صاحي من النوم وكان بيفرك عينه بنوم...
طلع ليل وهو ماسك معلقه في ايده وقال: اطلع صحي اخواتك الولاد ومتقربش من اوضة البنات عشان هتلاقيهم نايمين براحتهم...
فراس: حاسس اني المسحراتي ليه... خلع شبشبه فجري فراس على اوضتهم يصحيهم....
بعد وقت...
كانوا قاعدين على الكنبه وهما حاسين بتعب وإرهاق شديد...
سليم بتعب: ايه ده هما بيعملوا كدا كل يوم..
زين بحسره: مابالك انت اللي كنت بتروق بس مابالك انا اللي كنت بغسل وانشر واطبق...
ابراهيم بتعب؛ اه يا رجلي اه يا ضهري اه يا حبيبتي يا دماغي
ليل بحده وتعب: منه لله اللي كان السبب.. ضحكوا بشده عشان ليل من ساعت ما بدأوا شغلهم لم يتوقف عن قول الجمله...
ليل: اه يا حبيبتي يا سلمى معقوله بتتعب كده ده انا حيالله غسلت مواعين وعملت المطبخ وبدأت في الاكل وجسمي متكسر...
زين: اخويا محنو بالله عليك منقصاك...
ليل: هقلع اللي في رجلي وهخليك مهزق قدام ولادك فعدي يومك... سكت وهو يكتم ضحكه والولاد قدامهم متابعين كلامهم...
ليل: مش معقوله البنات هتفضل نايمه كدا لازم يصحوا يصلوا يقروا وردهم اي حاجه...
حازم؛ البنات صاحيه بقلهم ساعه وفي اوضه طنط سلمى وبيقروا وردهم
تيام: وانت عرفت منين...
حازم: ايه الزكاء ده شوفت ورده وليان وهما دخلين الأوضه...
تايم: المهم في كل ده عاملين اكل اي اصل انا جعان اوي والفطار فاضل عليه ساعه..
ليل: عامل مكرونه بشاميل اما ايه يا حبيب ابوك هتاكلوا صوابعكم وراها...
تايم: وعصير ايه بقى
ليل: عمك سليم عملكم سوبيا
تايم بتلذذ: الله الله سوبيا وعمو سليم كمان اللي عاملها لااا ده كدا بقى سلمى دعيالي...
زين: هو الواد ده مبيفكرش غير في بطنه وخلاص...
ضحكوا وتايم قال: اصل السوبيا بتنزل في قلبي كده مش في معدتي
في اوضه البنات...
كانوا قاعدين كالعاده على الارض
زهره: ما بدل قلة القيمه دي ما تيجوا في اوضتي احسن
سلمى: فكره حلوة
زهره: انتي الوحيده اللي هقعدها على الارض
سلمى: مش مهم...
اتفتح الباب وطلعوا وبصوا على الشباب وهما بيروقوا
سلمى: يا عيني يا حبيبي بس احسن....
ضحكوا واتحركوا على اوضتهم بسرعه لما شافوهم الشباب....
نزلت ليان وقالت: مساء الخير...
بصولها وكان اولهم حازم
ابراهيم: راحه فين يا ليان
ليان: مامي طلبت مني اجبلها حاجه من بره فهروح اجبهالها...
بص ليل لحازم اللي مركز معاها وقال: روح يا حازم مع بنت عمتك عشان متبقاش لوحدها... وكأن ليل كان سامع أفكاره ولما سمع كدا قال: طبعا يا عمي يلا يا ليان... إبتسمت لكنها قالت: لاء مش هينفع
حازم بغضب: ليه ان شاءلله...
ليان: مش هينفع لو ينفع شوق معايا...
حازم؛ لاء هاجي معاكي...
كانت هترفض لكن إصراره ونظراته اللي خوفتها وافقت...
في الطريق...
ليان؛ مش عوزاك تزعل مني انا بس مكنتش عاوزه ولد يجي معايا المشوار ده...
حازم: وشاغله بالك ليه بزعلي
ليان: عشان مش بحبك تزعل مني...
اتنهد وقال: طيب يا ليان
ليان؛ اخبار كليتك ايه
حازم: الحمد لله السنه الجايه اخر سنه...
ليان: ربنا معاك... بص للجاكيت بتاعه اللي هي لبساه وقال بهزار: عاجبك الجاكيت... اتحرجت وقالت؛ اسفه اول ما نروح هدهولك...
حازم: في اي يا بنتي انا بهزر معاكي..
ليان؛ انت بتهزر زينا...
حازم: اه عادي ليه شيفاني اي يعني مش من البشر...
ليان: لاء مش قصدي بس انت لما كنت صغير كنت بتهزر وتضحك وتلعب لكن لما كبرت بقيت رخم ومش بتهزر...
حازم: يمكن عشان كبرت ومكانتي متسمحليش اتعامل بالطريقه دي..
ليان: طيب...
طال الصمت فترة وقاطعه وقال: احنا ماشين بقالنا كتير هو انتي عاوزه تشتري ايه صح...
مردتش وهو فهم وقال ببرود وجرأه: دي عشانك صح...
احمر وشها وقالت؛احنا قربنا صح... ابتسم عليها وقال: لسه لكن لما نوصل ادخلي انتي وانا هستناكي بره
بعد وقت...
كانوا ماشين وهي هتموت من كسوفها بسبب نظراته ليها
ليان في نفسها؛ يا أرض انشقي وأبلعيني...
على الفطار...
زهره: الله ينور عليكم والله البيت تحفهه
سليم: اللي هسمع صوتها هعلقها على باب البيت... كتموا ضحكهم وسلمى قالت؛ هو ليل فين
زين: بيجيب الاكل
قامت وراحت عنده وكان واقف وحاطط ايده على ضهره بتعب قربت منه وقالت بلهفه: ليل انت كويس...
ليل: انا كويس يا حبيبتي في ايه
سلمى: حرام عليك قلقتني قولت ان فيك حاجه...
ليل: لاء بس انا تعبان وعاوز انام شويه واديكي شايفه المطبخ والاكل
سلمى: انا السبب مش كدا
ليل: السبب ايه ده انا هعلقك... ضحكت وقالت؛ اخوك السبب
ليل: ده انا هعمل فيكي عمايل
سلمى: الاه وانا مالي يا لمبي
ضحك وقال: وصلتي للجزء الكام
سلمى: تلاته وعشرين ادعيلي اخلصه...
ليل: يارب يا حبيبتي...
بعد الفطار...
ليليان: تسلم ايدك يا ليل والله اكلك وحشني...
ليل: بألف هنا يا حبيبتي...
سلمى: حبك برص وعشره خرس يا بعيد... ضحكوا عليها وهي قالت بغيظ: وريني بقى هتصالحني ازاي وانتي والله هعلقك...
ضحى: ايوة كدا يا تقيل...
سلمى: والله كنت ناويه اعفي عنكم واقولكم خلاص صعبتوا عليا لكن لاء البسه بقى...
تنح الشباب وزين قال: يعني اي طب جوزك مزعلك انا مالي...
سلمى: السيئة تعم على الكل..  ضحكوا كلهم ماعدا حازم وليان اللي كانوا بيبصوا لبعض بصمت...
اتصل اياد على ليان كنسلت وبصت لحازم اللي اتجاهلها...
بليل...
كان الرجاله قاعدين على الكنبه بتعب من الغسيل
زين: اه يارجلي...
سليم: انا ايدي مش حاسس بيها
قام كل واحد وراح اوضته...
عند ابراهيم وليليان...
فتح الباب لقاها واقفه وحطه اديها على وسطها وقالت: حسيت بقى باللي بعمله كل يوم... ضحك واخدها في حضنه وقال: ربنا يخليكي ليا
عند ضحى وزين...
فتح الباب ضحى قالت بزعيق؛ شوفت بقى انا بتعب اد ايه احسن تستاهل اللي حصلك ومش معنى اننا عفينا عنكم تستهونوا بينا اديكم يوم ومقدرتوش...
شدها لحضنه وقال: ششش اسكتي بقى ايه لسانك مبرد متبري منك حقك عليا يا ستي بس انا والله ما اتكلمت... ضحكت وقالت: باين عليك تعبان تعالى ارتاح...
في اوضه سليم وزهره...
كان نايم على رجليها وقال: متزعليش يا زوزه
زهره؛ مش زعلانه يا حبيبي...
سليم: انتي بتعملي كل يوم ده..
زهره: شوفت بقى... طبطب على اديها وقال: ربنا يخليكي لينا يارب...
في اوضه ليل وسلمى...
كان قاعد وساند راسه على الكنبه ومغمض عينه فاق على اديها اللي بطبطب عليه وقالت: حاسس بإيه؟
ليل: تعبان اوي..
سلمى: معلش يا حبيبي تيجي ادعكلك ضهرك...
ليل: يبقى عملتي معايا الصح والله لاني مش قادر...
طبطبت عليه وقال: متزعلش انا بس كنت بهزر معاكم...
شدها لحضنه وقال؛ انتي اللي متزعليش مكنتش اعرف انك بتتعبي اوي اوي كدا اه ببقى عارف انك بتتعبي بس متوقعتش انه اوي كدا...
ابتسمت وضمته وهو قال: العيد قرب... اتنهدت وقالت؛ اه كل سنه ونت طيب انا عوزاك تزودلي العديه بقى
ليل؛ بس كدا من العين دي قبل العين دي..
قربت منه وهمست: جوزي حبيبي اللي بحبه ده...
ضحك وقرب وهمس: تنتظرنا ليله طويله يا صغيرتي مستعده
اتكلمت بنفس نبرته: اه مستعده واتمنى تكون اسرع من المره اللي فاتت.....
بعد وقت..
هما الساعه اتنين بليل بعد ما اتفقوا على السباق وكلعاده كسبها...
وقف بالحصان قدامها وهي قالت: علفكره انت بتغش
ليل؛ ليه ان شاءلله انا كسبت بمجهودي...
سلمى: لاء انت بتغش عملت حركه انت معلمتهاليش
ليل: بس اي رأيك
سلمى: هيجي اليوم وينتصر فيه الطالب على معلمه... ضحك ونزل من على حصانه وقرب نزلها وهي لعبت في شعر الحصان وقالت: انتي كويس يابرق ...
ليل: في ايه
سلمى: حسه انه تعبان...
قرب منه وقال:لاء تلاقيه مضايق من حاجه هجبلوا الدكتور بكره...
سلمى: طيب...
كانوا داخلين البيت شافت ليان قاعده قريبه من البيت وباين عليها الزعل...
سلمى: اسبقني وانا جايه
ليل: طيب ماشي متتأخريش....
مشي ليل وي قربت منها وقالت: لولا ملها قاعده زعلانه ليه...
عيطت ودخلت في حضتها
سلمى بقلق: فيكي ايه يا حبيبتي بتعيطي ليه... قعدت تعيط وقت وبعد ومسحت دموعها وقالت؛ انا اسفه..
سلمى: اسفه ايه ده انتي بنتي بس مالك...
ليان: هو ينفع اسألك سؤال
سلمى: طبعا
ليان: هو انتي عمرك حبيتي وانتي في سني كدا...
ابتسمت لانها فهمت قصدها وقالت: لاء محبتش في سنك...
بصتلها وقالت؛ هو الحب حرام...
سلمى: لاء مش حرام بس في حجات حرام في الحب
بصتلها بإهتمام وهي مسكت اديها وقالت: يعني مثلا البنت لما تحب وترتبط بولد من ورا اهلها وهما حطين فيها ثقه ووثقين فيها وهي تدمر الثقه دي تحت مسمى الحب انتي في سن مراهقه واي حد في سنك بردو ممكن يعمل حاجه غلط كلنا بشر وبنغلط وربنا هيسامح لما تستغفريه... تعرفي ماما كانت ديما تقولي مدوريش على الحب الحب هيجيلك في وقت معين وفي سن معين بردو ابن فلان لبنت فلان ولو بعد حين...
فكرت في اللي قالته هي طبطبت عليها واخدتها في حضنها وقالت: تعرفي بعتبرك انتي والبنات بناتي
ليان؛ والله يا طنط متعرفيش انا بحبك اد ايه
سلمى: والله وانا يا قلبي...
قامت وقالت؛ يلا بينا...
ليان: اتفضلي يا طنط وانا جايه وراكي... حركت راسها بالموافقه ودخلت وليان مسك فونها وبعتت رساله لإياد وكتبت: احنا مش هينفع نكمل كدا يا إياد انا ندمانه على كل لحظه كنا فيها مع بعض وغضبت فيها ربنا وخونت ثقه اهلي بعد اذنك متكلمنيش تاني ولو حاولت تضايقني هقول لبابا وهو هيوقفك عند حدك... عملت بلوك ليه من كل حسباتها واتنهدت براحه....
كانت واقفه وبتبص عليها وكانت على وشها بسمه وجمبها ليليان اللي قالت: شكرا اوي يا سلمى...
سلمى: متشكرنيش شوفتي بكلمتين عملت فيها ايه اعملي كدا وقربي منها وصدقيني هتكسبيها...
دخلت ليان ولقتهم واقفين قربت منهم وقالت؛ ماما...
بصتلها وقالت: اي ياقلبي.. حضنتها وقالت: ينفع تسمحيني على اي حاجه انتي زعلانه مني فيها...
ليليان: طيب يا قلبي ان مش زعلانه منك... سبتهم وطلعت اوضتها...
كانت نايمه في حضنه وهو بيطبطب عليها
سلمى: تعرف ان الصعيد كانت وحشاني
ليل: وانا كمان الواحد بيجي هتا بيحس بدفا عمره ما حسه ذكرياته حياته كل حاجه... ابتسمت ومره واحده سمعوا ضرب نار أنتفضت وهو قال: اهدي اهدي تلاقي شاف حاجه
سلمى: طب ما تبعدش انا خايفه..
ليل؛ تخافي وانا جمبك
مردتش واستخبت فيه وضرب التار تاني صرخت برعب وهو قال: اهدي مفيش حاجه... عيطت وهو بيحاول يهديها.... خبط الباب وكان هيقوم مسكت فيه وهو قال: هفتح وراجعلك... قام وفتح وكام واحد من الغفره...
ليل: في ايه واي ضرب النار الكتير ده
الغفير: اسفين والله يا ليل بيه بس كان في واحد حولين الدوار
ليل: طب حطه في المخزن وانا شويه وجاي...
الغفير: حاضر يا بيه... مشي الغفير وهو دخل وراح نحيه الدلاب يطلع جلبيته قامت وقفت وراه وقالت؛ انت رايح فين
ليل: هنزل...
سلمى: هتسبني..
ليل: دقايق وهاجي...  مسكت فيه وقالت: طب وانا وضرب النار
ليل: والله يا حبيبتي هاجي علطول
سلمى: طيب متتأخرش عشان خاطري... باس دماغها ولبس جلبيته ونزل
في المخزن...
كان قاعد وقدامه شخص مربوط
ليل: انت كنت عاوز تسرق دوار العمده ولا اي
الشاب: والله يا باشا مكان قصدي اسرقكم..
ليل؛ اومال اي
الشاب: انا كنت عاوز ليل بيه...
ليل: وانا ليل عاوز اي
الشاب؛ انا كنت جاي لحضرتك اقولك ان العمال في الشركه بيسرقوا في السوق ومبيعلوش شغلهم...
ليل؛ انت بتقول ايه؟
الشاب: بشمهندس ابراهيم كلفني وانتو مسافرين اني انقلكم الاخبار
ليل: اه صح عرفتك هو انت اللي بتكلمني وتقولي الشغل...
الشاب؛ ايوة...
ليل: تعالى يا اشرف فكه... فكه وليل قال: تعرف هما مين اللي مبيشتغلوش....
قال اسامي اشخاص واللي بيسرقوا في الفلوس... اتوعد ليهم وقال: ليك مكفأة عندي وشكرا...
الشاب: مفيش شكر ياباشا...
مشي الشاب وهو طلع الاوضه ولقاها نايمه قرب منها واخدها في حضنه واتنهد ونام..
عدت الأيام وجه ليله الوقفه..
كان الرجاله في الشغل وكل الولاد في الشارع بيلعبوا ومنهم اللي بيعلق زينه للعيد والبنات بتنضف البيت كله...
ليان: هعملكم شويه مسكات بقى مقولكمش
سلمى وهي بتمسح الأرض: انا جبت ماسك حلو اوي هنجربوا كلنا...
شوق: طب ما تعلميني يا ليان
ليان: اشطا يلا
طلعوا البنات (ليان وشوق وورده)
زهره: هجهز الأكل وهاجي اكمل معاكي تنضيف
سلمى: ماشي...
ضحى وهي ماسكه ورقه وقلم: هاه هتعوزي حاجه تانيه كدا طلبات الكحك والبسكوت هجبهم ونعمل بعد الفطار عشان نلحق نخبزهم..
سلمى: تمام يا قلبي...
مشيوا ومبقاش غيرها وطلعت الاوضه بتاعتهم تنضف بقيتها
كانت بتروق وشكلها متبهدل ولابسه جلابيه ورافعه نصها لحد وسطها ورابطه طرحه على جبهتها تكتم بيه الصداع المفاجأ اللي جلها وجزء من شعرها على وشها والباقي مربوط على هيئه دفيره وكانت بتنضف دخل ليل البيت واول ماشافها قال: ايه ده هي البت سلمى جابت شغاله من غير ما تقولي... اتصدمت وبصتله وهو قال: اي يا بنتي ما تروحي تندهي ستك سلمى من جوه وقوليلها سيدك ليل جه... وقعد وحط رجل على رجل
سلمى: اتلم يا ليل وبطل رخامه
ليل: بتقولي ليل حاف كده محدش علمك يا قليله الادب انتي ولا اي لاء اتكلمي عدل بدل ما اقطع عيشك يلا ادخلي اندهي ستك بسرعه...
ربعت اديها ووقفت بكبرياء وهو قال: لاء ده انتي شغاله قليله الادب بقى..
مسكت منفضه السجاجيد وضربته بيه وهو قال بضحك: اي هتعملي اي يا ست...
سلمى: معلش يا سيدي اصلي نسيت انفض الكرسي اللي انت قاعد عليه استنى خليني اخلص احسن ستي سلمى تقدرني
وقعدت تضربه بيها وهو يضحك وقال: اهدي يا مجنونه اهدي
سلمى: يعني حرمت تستظرف
ليل: حرمت خلاص يلا بقى..
سلمى: يلا اي
ليل: ادخلي اندهي ستك سلمى... وطلع يجري وهي جريت وراه
سلمى: والله يا ليل الكلب لأعلقك...
ضحك وقال: طب خلاص اهدي...
سلمى: حرمت تضايقني
ليل؛ حرمت
سلمى: هو انت مكنتش عارفني بشكلي كدا
ليل: لاء طبعا ده انا بضايقك
سلمى: بجد
ليل؛ حبيبتي انتي بأي شكل انا بعرفك بيه كفايه عيونك دي
سلمى بدموع: يعني انت اتجوزتني عشان شكلي...
ليل: لاء طبعا عشان عيونك الحلوين دول..
عيطت وهو استغرب وهي قالت بعياط: يعني مش بتحبني غير لشكلي..
ليل؛ طب بتعيطي ليه بس..
سلمى: مش عارفه...
حضنها وهي قعدت تعيط
ليل؛ طب اهدي بس طب بصي انا مش متجوزك لشكلك انا بعشقكك كدا كدا...
سلمى ودموعها على خدها: بجد..
ليل؛ وجد الجد كمان..
سلمى: طب ينفع حاجه...
ليل: اي يا قلبي...
سلمى: ينفع تبوسني... أستغرب وقال: انتي كويسه...
سلمى: اه في ايه
ليل؛ من امتى يعني بتطلبيها كل مره بدهالك كدا
سلمى: اخلص بقى...
قرب منها وباس خدها وهي قالت؛ لاء مش هنا...
ضحك وقال: اومال فين...
بصت في الأرض وهو قال: بعد الفطار يا حبيبتي ولو تعرفي تصبري لبكره كمان هيبقى احلى واحلى بكره الوقفه وبعده العيد.. وغمز وقال: وانت فاهم بقى يا جميل...
بصت في الأرض بخجل وقالت: ماشي... قرب منها ورفع وشها وقال: مش قولتلك قبل كدا مرات ليل الجندي عنيها تبقى مرفوعه ديما
سلمى: حاضر... بس انا كنت يعني انا.... قاطعها وقال: مكسوفه
حركت دماغها بمعنى" اه"
ليل: اظن يا حبيبتي اني جوزك وعدينا مراحل الكسوف دي...
سلمى: بردو مهما كبرت هفضل كدا
ليل: انتي مبتكبريش اصلا انتي بتصغري...
ضحكت وهو ابتسم لضحكتها...
على الفطار...
زين: الله على ريحه الاكل...
ضحى: بألف هنا يا حبيبي...
بدأوا ياكلوا وهي بدأت تاكل بشراهه...
زين: هتخلصي الاكل براحه...
سلمى: ليل ابعد اخوك عني...
ليل: بس يا زين يا حبيبي مضايقش سلمى...
ضحكت وقالت؛ حساك انت المدرس واحنا الاطفال وانت بتاخدنا على اد عقلنا...
ضحكوا وهي كملت اكل...
مال ليل عليها وقال: انتي جعانه اوي كدا
سلمى: اوي اوي...طبطب على ضهرها وقال: بألف هنا يا حبيبتي
بعد الأكل...
كانوا قاعدين كلهم وبيتفرجوا على التلفزيون...
سلمى: انا جعانه... بصولها بصدمه وزين قال: جعانه ايه يا طفسه ده محدش اكل بسببك... وقفت وقالت بزعيق وغيظ: انت بتبصلي في اللقمه طب اي رأيك بقى اني هاكل وغصب عنكم كمان... ضحكوا وزين قال: روحي يا شطره العبي بعيد...
سلمى: طب هات حتت البسبوسه اللي معاك نفسي فيها...
زين: لاء... اتملت عنيها بالدموع وليل قال: تعالي يا حبيبتي هأكلك بسبوسه... أبتسمت وقالت: اد ايه انت زوج طيب وحنين ربنا يخليك ليا...
زين: كلي ياختي واتخني وخلي جوزك يبص بره...
سلمى بغيظ: طب يبقى يفكر يعملها... ومش هاكل اهه
زين وهو يتلذذ البسبوسه: الله على طعم وحلاوة البسبوسه... خبطت برجليها في الأرض وقالت: والله لو مبطلت تضايقني يا زين لأكون.... مكملتش كلامها لما....
يتبع...
السلام عليكم كل سنه وانتم طيبين وعيد مبارك عليكم استنوني ان شاء الله في حلقه اول ايام العيد مع عيله الجندي ان شاء الله 🌺🌺♥