Masked, Unmasked

24: Detour

Nang sumunod na araw maagang naghanda si Alyssa. Pupunta siyang hacienda Lazaro. Ang kanyang pakay? Pormal na mag-file ng resignation.

Kagabi, bago matulog tinawagan niya si Rafael Lacson. Sinabi niya dito na kailangan nilang mag-usap. Ginawa niya iyon out of courtesy, dahil nga ito ang naghire sa kanya para magtrabaho sa hacienda. Nararapat lang na sa kanya din siya pormal na maghain ng resignation.

Sinabihan siya nito na maaari silang magkitang dalawa kinabukasan, bandang alas nueve ng umaga, sa mansion. Ngunit buong galang niyang hiniling na kung maari ay huwag sa lugar na iyon sila magkita at mag-usap.

Hanggang maari kasi ay iniiwasan ni Alyssa ang kahit na anong inter-aksiyon sa ibang myembro ng pamilya Lazaro, lalong lalo na kay señiora Martha.

Labis ang kanyang pasasalamat ng hindi na niya kinailangang magpaliwanag sa kung bakit ayaw niyang pumunta ng mansion. Naintindihan agad siya ng ginoo at sinabi nito sa kanya na sa opisina nito sa azucarera siya pumunta.

Medyo may kalayuan mula sa mansion ang lugar na iyon, ngunit mas pabor iyon kay Alyssa. Una, tanging si Rafael lamang ang palagiang nandoroon sa azucarera. Madalang na mapagawi ang ibang myembro ng pamilya sa bahaging iyon ng hacienda. Pangalawa, hindi doon nagtatrabaho ang mga obrerong malalapit sa kanya. Karamihan kasi sa mga obrerong napalapit kay Alyssa ay sa manggahan o di kaya ay sa malaking bahay talaga nakatokang magtrabaho. Hindi sa iniiwasan niyang makita ang mga taong iyon, ngunit ramdam niya na hindi pa ito ang tamang oras para makausap ang mga ito.

Ipinarada niya ang sasakyan sa isang bakanteng loteng may ilang metro ang layo mula sa gusali ng azucarera. Nasa parteng iyon kasi ang tanggapan/opisina ni ginoong Lacson.

Bumaba siya at naglakad. Hindi ito ang unang beses na napagawi siya sa naturang lugar kaya kahit papaano, may idea narin siya kung saan paparoon.

Tumigil si Alyssa sa isang pintuan.

"Ito na iyon!" Bulong niya bago iniangat ang kamay para kumatok. Nakailang katok din siya bago may narinig na tinig mula sa loob.

"Please come in." Iyon lang ang hinihintay ni Alyssa bago pihitin pabukas ang seradora.

"Good morning po boss Rafa." She smiled warmly at Rafael Lacson.

"Ikaw na pala yan Alyssa. Magandang umaga din sayo." Lumapit sa kanya ang ginoo saka nakipagkamay. Taos puso naman niyang tinanggap ang gesture na iyon.

Pagkatapos noon, Rafael led her sa isang may katamtamang laking sofa. Nakapwesto ito sa gitna ng silid na iyon. Naupo siya doon.

"Salamat boss, pero nakapagkape na po ako." Magalang siyang tumanggi sa alok nitong inumin.

"May prior schedule po ba kayo ngayong araw? May ineexpect pa po ba kayong iba?" Hindi niya maiwasang itanong. Base kasi sa uri ng pananalita nito parang maliban sa kanya may iba pa itong hinihintay.

"Wala naman akong ibang iniexpect kundi ikaw lang. It's just that, I wasn't expecting you to come this early. This must be really an important matter." Nasabi pa nito, nasa himig ang pagtataka.

Hindi malaman ni Alyssa kung ano ang magiging reaksiyon. Wala ba ito ni katiting na ideya sa rason ng pagparito niya? Clearly, while the two of them talked the previous night, hindi naman nabanggit ni Alyssa ang rason kung bakit niya gustong makipagkita.

Hindi manlang ba nito naisip na maaring may kinalaman sa pangyayaring "iyon" kung bakit siya naparito?

Tumikhim muna siya ng ilang beses bago inabot sa lalake ang kanina pang hawak na envelope.

"Boss, I came here to formally render may resignation." She directly said.

Nagitla ang kaharap ngunit agad din naman nitong tinanggap ang envelope at agad na binuksan. Inilabas niya ang lamang dokumento at pinasadahan iyon ng tingin, at kitang-kita ni Alyssa kung paanong napatiim baga ang lalaki. Mula sa papel ay napatingin ito sa kanya. Mukha'y punumpuno ng pagtataka.