Glistening Lantern (Gazellian Series #7)

Chapter 18

Chapter 18: Warmth

Naniningkit ang mga mata sa akin ni Howl nang sandaling lumabas ako ng silid kung saan kami nag-usap ng babae. Nawala lang ang nanunuri niyang mga mata sa akin nang tumabi na sa akin si Caleb at tipid nitong hawakan ang balikat ko.

Sa halip na ako ang makipagsagutan ng titig sa kanya'y si Caleb ang sumagot niyon kay Howl.

"What?" asik na tanong ni Caleb.

Muli kong tinanaw ang pintuan ng silid ng babae, kung tutuusin ay isa lamang siyang hamak na taong walang kapangyarihan, mahina at madaling mamanipula ng isang Attero, kung katulad lang ako ng ibang Attero na may sariling mana, hindi na higit na mgiging komlikado ang lahat.

I could easily get the information from her with my power, but life hasn't been convenient for me.

Tinanggal ko ang nakahawak na kamay ni Caleb sa aking balikat. Huminga muna ako ng malalim bago muling pakiharapan si Howl.

I need to send Caleb home as soon as possible.

"We're ready to enter the forbidden ruins," nagliwanag ang mukha ni Howl na narinig niya sa akin.

"Alright."

Hindi na siya nagpaliwanag pa at nag-aksaya pa ng oras, agad inangat ni Howl ang dalawa niyang mga kamay at pinagliwanag iyon. Tila nagkaroon ng hangin sa posisyon niya dahilan kung bakit bahagyang nilipad niyon ang kanyang mahabang buhok at ang suot niyang balabal sa kanyang balikat.

"But I can't send you straight inside the ruins. It's a place near it," sabi niya.

Hindi na ako nagulat sa impormasyong iyon. The ruin is a place filled with so much mana, that's why an unfamiliar mana inside it might not do something good. Isa pa, hindi ba't iyon ang matinding dahilan kung bakit kami ang ipinadala niya sa lugar na iyon?

A manaless witch and a vampire without magic.

Mauuna na sana ako kay Caleb humakbang sa nagliliwanag na lagusan nang mauna siya sa akin. Nagkibit balikat lang si Howl at nagawa pang pormal na ilahad ang kanyang isang kamay upang ituro sa akin ang lagusan na parang hindi ko nakikita.

Unlike the other portals I used before, the feeling of the circling path didn't bring any intense heat, but chills and shivers to my whole body.

At nang sandaling tuluyan na kaming nakatawid at tanawin kong muli ang lagusang dinaanan namin, ang liwanag na tila ginto ay naging asul na tila yelo. It made me realize that the Howl made the same portal, and it was the ruin— the location of the ruin overpowered the presence and warmth of the portal.

"What the hell is wrong with this place's climate?" tanong ni Caleb habang yakap ang sarili.

One of the information I've read about the vampires is their high tolerance to climate. Kaya nang makita ko si Caleb na nilalamig, isa lang ang ibig sabihin niyon, ikamamatay ko na ang lamig na nararamdaman ko sa mga oras na ito.

Hindi lang si Caleb ang siyang yakap ang sarili dahil maging ako'y ganoon din. Ramdam ko na rin ang pangangatal ng mga labi at tuhod ko.

"Ang lamig, Caleb..."

Nanlaki ang mga mata niya nang makita niya ako.

"Y-Your lips..."

Sa nangangatal kong mga daliri ay kinapa ko ang mga labi ko. Nararamdaman ko pa naman iyon pero halos hindi na mapakali si Caleb kung yayakapin ba ako o maghuhubad upang ibigay ang kasuotan niya.

"Nawawalan ka na ng kulay, Anna..."

Hindi na ako nakaalma pa nang kabigin ni Caleb ang buong katawan ko at sapuhin ng mga palad niya ang mukha ko. Dahil sa tindi ng lamig halos wala na akong maramdaman kundi unti-unting panghihina.