ميدو ،، نزلن ادموعه من كلام وليد وسمعو صوت عبرته بعد آخر جمله قالها
وياه ما أصعب وامر بكاء الرجال 💔
وليد ،، ميدو
ميدو صبا من مكانه وعدا شور باب الغرفه افتحه وطلع منها ابسرعه وقمعز فالممر مقابل الباب
كان ماد اكراع وتنى الاكراع الثاني وحط ايديه على ركبته وبكاء لدرجه اي حد يهلب يتأثر من صوت ابكائه وشكله
محمد ومصعب تكتفت أيديهم معرفوش يطلعو وراء ميدو ولا يقعدو مع وليد
وليد ،، شوفو ميدو نا ما يبي ايسرلي شي
محمد ،، اشوي ويجي ايبصر معاك (خاف على نفسية وليد )
وليد ،، ولأنه بكاء قتلك شوفه
مصعب ،، قاعد امقابلنا اطمن انت عليه
وليد ،، نزلني له( وقمعز ايراجي فيه)
مصعب ،، هيا حاضر
عدا مصعب شور وليد ساعده ان يصبي وطبس سقمله لسليبر ولبسه له
محمد كان حاط ايديه على راسه ومطبس وجه لوطه
موجوع ومخنوق 💔
اول ما تطلع من الباب يقدر يسمعك كان تبي اتقول شي
وليد نبي انقمعز جنبه
مصعب ،، تمام اهو امقابلك
ثلاث خطوات وتوصل فيه
حطله مصعب ايديه ع الحديد لي فالممر ولي بدوره ايساعد المرضه في المشي
لف بجسمه ونزل قمعز في جنب ولد عمته وصاحبه وبيت اسراره
مد يدا ايدور يبي يلمس ميدو حط يدا على ضهرا
حس بيه ميدو قمعز
كرا وليد من عند كتفه جاب شور حضنه وضغط عليه بيدا اليسار لي كان لونها موف من كثر الابر والتحاليل
ولف يدا اليمين من قدام لمست يدا اليسار
حاوط ميدو بيديه الاثنين
وميدو رد يبكي كيف الطفل لي زعلان ع شي ضاع منه أو ع غياب امه
وليد ،، ابكي توا لكن بعدين نبيك اتصبر هلي وتكون معاهم كيف مانك معايا ديما
لي جاي هو الأصعب يا صاحبي الأصعب صدقني
مصعب ادموعه انزلن
و وليد نفسه ادموعه انزلن وهو حاضن ميدو
كان في ممرضه هي لي اتابع في حالة وليد من اول ماجاء امصبيه اقريب منهم صورتهم كم صوره من دون ما يحسو بيها وخدت عربة العلاج وعدت شور باقي الغرف
.................
معتز ،، جيبيها لي اشوي قبل ما نروح
ويه ،، قعدت المراسل ابتاعكم
معتز ،، انردوها لكي فالافراح
ويه ،، ههههه ان شاء الله
خشت ويه علينا وشيرتلي برأسها عشان انجيها
فهمت عليها وصبيت بشويش
نا ،، شن في
ويه ،، معتز يبي ايشوفك
نا ،، وين قاعد
ويه ،، فالمطبخ عدي شوره
عديت شور معتز لي كان امصبي ع الباب لي يطلع ع الصور ومتكي عليه بالجنب
نا ،، معتز
برم شوري وقعد ايتامل فيا زين
نا ،، هزيت برأسي بمعنى شنو
معتز ،، معش تعوديها
نا ،، وانت معش اتزعلني
معتز ،، نا لعند توا مزعلتكش وإذا كنتي اتشوفي فيا طرطور نخليكي امصبيه قدام الشباب هذي حاجه ثانيه
نا ،، حشاك مكنش هك قصدي
معتز ،، والقصد
نا ،، انت توا داز عليا عشان اتهزبني نفس المره لي فاتت
معتز ،، قرن حواجبه امتى
نا ،، قدام عمو والبنات
معتز ،، حبيبه نا راجل انغار ع البنت لي تبي تقعد زوجتي وام اعيالي
نا ،، قلبي هنا طار من الفرحه💗
واذا انتي تبي تزعلي ع الشي لي منحقي معناها حتتعبي
معايا واجد
نا ،، نهون عليك يعني
معتز، ، انتي مش عارفه مكانتك عندي
نا ،، بعد شفت خالي شايلك قبل متت
مسك يدي وحطها على قلبه
هضا❤ قبل وقف فاهمه شنو وقف
كنت نسمع في دقات قلبه كيف قويه وسريعه كنت انشوف فالصدق والحب واللمعه لي احلمت بيها جوا اعيونه
معتز ،، ليش سكتي
نا ،، عشان نحبك
معتز، ، اه منك انتي اه
.......
جاء صافي جايب دبش ل سلمى من دون ماهي انقوله نبي انبات
سلمى ،، وانت امروح
صافي ،، انروح عينك كسدي مع البنات بعدها تعالي اقعدي معايا 😘
سلمى ،، نقعد عينك راء الترويحه استر
صافي ،، غير تعالي مش داير شي
بس هك منتريحش إلا وانتي معايا
سلمى بابتسامه ،، باهي نقعد اشوي ونخش
صافي ،، اه منك انتي اه اه اه
........
اسهرنا فليل كلنا
سولي ،، معتز قريب قتل الدكتور على سباكي
نا ،، صح محقيته بكل الدكتور
ويه ،، شن دارله
سولي ،، حسام صاحب محمد عرفتيه
نا ،، هييي😲
قصدك حسام حسام
دانه ،، نعلي يارتني معاكن
ويه ،، مع عينك ريحي روحك خير مندفلك طاجين عند ميدو
دانه ،، ههههه مش قصدي يابلوه
نا ،، خطرها عمي صالح هو ومن شالني
دانه ،، لا مش بابا كنك انتي
ويه ،، شالك بابا ومعتز وسولي
نا ،، لا متقولنهش
ويه ،، والله ياما صار فيه انفجع بعد اعلم انك مريضه
نا ،، ياروحي نا
وصال ،، خليكي مع هذي عمو ولا معتز لي روحك
نا ،، تبن الدغري
البنات ،، اكيد
نا ،، بابا
فرحنا بيه عشان اقريب منا الفتره هذي
وراء بعد اوعيت وشفت معتز جنبي فالعياده مصدقتش ونحسب روحي نحلم
حسيت بيه وجه شاحب وعيونه مدمعات
وصال ،، والله بعد قالو مفيش إلا هو مناوب قلت يستر الله كان ما يقتله ولا يضربه وعمي يعلم بيه
ويه ،، فكنا الله يابتي معتز عاقل واوعى من هك
سلمى هي وخاشه
سلميلي عليهم العقال لي تحكي عليهم كيف معتز كيف صافي
كان اتحقنا كيف يجري قريب قلب بيا السياره
و لا مش هك نقول معلش يا دكتور يعدي عمك صافي ايطينها معه ويدير روحه يسلم عليه ويضغط على يدا قبل كسرها له
قالي عشان تعرفن شن انديرو عشانكن
نا ،، هييي تذكري يا ويه بعد محمد قال حسام معاملته متغيره ويدا مكسوره
البنات ،، لا
سلمى ،، متقوليهش قصدك
اكيد هم نحلف عليها بعد لي حقيته اليوم
نا ،، نعلي منه راجلي لي يغار عليا
ويه ،، ههههه
ويدز يبي ايشوفك وميخليكش اتشوفيه
نا ،، قرنت حواجبي وضيقت اعيوني
وانتي شن دراكي
ويه عضت فمها بسنونها
دانه ،، بصيتي على روحك
نا ،، احكي
ويه ،، دزلي صافي رساله والله حتى هو ماعارف لكن بعد سمع صوتك رد ركب فالسياره
نا ،، واك ياما يطلع منكم
سلمى ،، بعد نحقهم ايودودو نقول يستر الله
خطرتن عليا حاجه وطلعت تجري
..........
صافي ،، يا عمري صدقيني جايبه هديه
بس مش لكي
سلمى ،، قولي لمن قبل
صافي ،، لحوده ها تريحتي
سلمى ،، وليش ما حكيتلي
صافي ،، سمعت يحكي هو وعزو عليه وعاجبه بتاع عزو
سلمى ،، عزو خويا
صافي ،، اها بس قلت اندسه لعند ايكمل امتحانات ونعطي لكي تهدي له
سلمى ،، ربي يخليك لي وطبست على خدا باسته
صافي وسع من الفراش وفتح يدا وقاللها تعالي خشي معي هنا
سلمى ،، ههههه ياريتني ما بوستك
صافي ،، انتي لي تسخني فيا
سلمى ،، هههه وبعدها دير كيف الصبح وقولي ابروحك
صافي ،، بس نعلي وخلاص من الخضوري لي فالصبح والدلع
سلمى ،، يابارد
صافي ،، وحياتك إلا ساخن و واتي كان تبي اتشوفي تعالي وجربي
سلمى ،، ههههههه نطلع بسترتي خير
صافي ،، نعلي وخلاص ملي باين عليه عاجبه الجو
سلمى ،، باي باي
..............
ثاني يوم الصبح اوعينا بدري كلنا لبسنه وقعدنا نستنو في بابا
جاء قبل السبعه كانت ماما واعيه بدري ومجهزتلنا فطور و فطاير وقهوه و ويه دايره كيكه
طلع حوده حط السله فالسياره
وطلعت نا ويه ودانه وسولي
بابا ،، هيا يا حوده
حوده ،، لا لا عندي اقرايا
بابا ،، ومريم
ويه ،، قاعده مع حوده وعندها شغل
بابا ،، هز راسه بعدين تنهد وقال ربي يساعدها ركب سيارته
وصافي و سلمى ركبو سيارتهم ومشيانا كلنا للمزرعه
كانت ويه راكبه من قدام ونا وراها ودانه فالنص وسولي وراء بابا
وصلنا للمزرعه خشينا جوا اول ما نزلنا جانا البواب
ومراته حميده سلمت علينا وفرحت بينا واجد
حميده ،، امال فين الست الكبيره
سلمى بحتت فينا باستغراب
نا ،، ههههه قصدها على ماما
سلمى ،، قوست شواربها وضحكت
نا ،، عندها شغل مقدرتش اتجي
حميده ،، الحج من امس وهو بيكلم ويوصي فيا عشان انظف المكان عشان الست الكبيره بتحب النظافة
بابا ،، حميده
حميده ،، نعم ياسي الحج
بابا ،، بلا كثر لت وعدي وتي فطور
حميده ،، كلو جاهز من النجمه والله
نا ،، ماما دزت معانا فطور حتى هي
خلي العم مصطفى اينزله
بابا ،، ليش امتعبه روحه
دانه ،، اوعينا فالصبح لقينها اتدير في الفطاير
بابا ،، اوووف بعدك فطاير مريم لا يعلى عليهن
حميده ،، وفطايري ياسي الحج
بابا ،، ديريهن وخلي البنات يحكمن
عدا بابا شور الخضرا المزروعه وكلم صافي ايجي معه
وصال ،، بعد يجهز الفطور كلمينا
وعدينا كلنا مع بعضنا
سلمى كانت مبهوره بجمال المزرعه
نا جيت بين الورد وقعدت انشوف فيه
انسجمت وقعدت انغني
اضُم حبك وسط روحي
اموت اني عليك انت
نبض قلبي الك وحدك
فدى اعيونكككككك
الكككككك دقته❤
معتز لي كان امصبي وراي ويسمع فيا
غنى معاي فنفس اللحظه
يمر طاريك واسوالف بيك
برمت عشان نتاكد منلي حاسه بيه
معتز ،،
احس الدنيا بعدك ... والله مو حلوه❤
يامي العين ...اضمك وين
نا ،،
ترا بلايك عمري ما يسوا
معتز ،،
اذا تبعد علي لحظه أحس عمري ولا عشته
علي لحظه علي لحظه
وقرب مني ومسك يدي
ونا قعدت نرجف وقلبي 💗
معتز ،،
ولا رايد عشق ثاني .. لا تتصور احب بعدك
نا ،،
اذا انت علي تبعد .. اضل حاضن تصويرك
حميده ،، ياست حبيبه الفطار جاهز
معتز ،، ههههههه
نا ،، رايفت عليك
معتز ،، مش أكثر مني
احسابك بعدين مش توا
نا ،، منهون عليك
معتز ،، تنهد ومشى قدامي شور بابا
Natash sa