حبيبه

#حبيبه🦋 88 & 89

#ماقبل_الاخيره

#حبيبه 🦋
البارت 88  و  89
.......،، امقمعزه على الاورقنزه وتشوف فيه كيف ايرتبلها في سريرها
مصعب ،، تعالي تريحي
....... ،، هزت راسها
وصبت من مكانها وجت خشت فمرقدها
مصعب ،، متريحه هك
........ ،، ارمشت بعيونها
وهو فهم عليها غطها وقعد ايبحت فيها من لاوراء لانه هي ابرمت وعطاته بالظهر
مصعب ،، تصبحي على خير
ويه ،، وانت من اهله ، ونزلت دمعه من اعيونها
مصعب ابتسم لانها ردت عليه وطلع من الدار وعدا شور الصاله خدا ريموت التكييف وشغله وبعدين قمعز امقابل التلفزيون وقعد ايتفرج بس كان حاسس بضيقه
قلب في القنوات واجد بعدين عزق الريموت ع الطاوله وصبا من مكانه وعدا شور البلكونه فتحها وطلع كان ايبحت فالعالم لي يمشي والناس لي تخش للفندق وتطلع
كان حاسس بضيقه كبيره في خاطره بس فنفس الوقت
في رضا كبير وخصوصآ ان ويه معه وزوجته
وعشان هي حلم حياة مستعد ايعيش تحت كراعيها ويتحمل كل شي منها ومعها
تنهد مصعب تنهيده كبيره وحد ايديه على وجه وطول وهو حاطهن بعيد مسح على وجه وقمعز ع الكرسي لي وراء
كمل مصعب ليلته كلها في البلكونه ولان الجو كان ساخن سلح التيشرت ابتاعه وعزقه ع الطاوله لي قدامه
مرن ساعات و
ويه كانت في مرقدها واعيه اسمعت صوت الأذان (الفجر) صبت عشان اتوضى وتصلي
بس اول ما خشت للحمام شافت mc نازله عليها
قعدت تبكي لانها مش عارفه شن اتدير ولان ممعهش ومش متقدرش اتقول لمصعب ايجبلها لانه اتحشم منه
وفنفس الوقت ما تحكيش امعه الا للضروره
اوعي مصعب على صوت لاذان.
وكاين صوت الاذن تركيا غير
فتح مصعب اعيونه وقعد يعدي لربي ان ايحنن قلب ويه عليه ويكمل باقي عمره معها
صبا من مكانه وكاين مقرر انه ايوعيها عشان اتصلي معه لانه ميبش ايفوت فرض مندونها
كان شخصية مصعب حلوه ولاحلى من هك طبعه ورجولته وطريقة تفكيره لي تخليكي تعشقيه من دون ماتحسي
ونا مانلومش شيماء لي قررت تسافر وفعلآ سافرت وسيبت كل ليبيا
عشان متقعدش اتشوف في حب عمرها وهو لغيرها ولا مش اي غير
لصديقتها وجارتها 💔
ولحسن حظها ان سامي زوج ميرا حصلها شغل عندهم وبعد طول عناء اقنعت عمي مختار وعدت عند خالتها
ام سامي زوج ميرا وخالها  العم خليل صديق بابا هو لي مهتم بيها وب .....
حنعرفو من اخرى
وياتراء شيماء حتلاقي مع من غادي
ولا نقوللكن خلنها فجزء جديد ولا فروايه جديده
🍂🍂
خش عليها فالدار من دون ما يركز شن لابس لاقها تبكي  جاء شورها بسرعه وقمعز قدامها
ومسك ايديها الاثنين
كنك شن في ليش تبكي
بحتت فيه وشافته قدامها كيف شكله زاد وجها انحمر بعد حقت صدرا عريان وحست بحراره اركبت فيها
مصعب ،، احكي ما تشغلينش شن في
وبحت فجنبه ليسار لاقى طاسة امياه طلق وحده من  ايدين ويه ومسك الطاسه ورفع روحه قرب منها عشان يشربها وهي هنا نست انها كانت تبكي ونست mc
ونست انها قاعده مقمعزه ومعندهش فوط اشربت من يده وهو ابتسم لانها اجاوبت معه 
مصعب فطن لروحه انه مش لابس تيشرت وحس بيها انها منحرجه
قاللها
اسف منتبهش لروحي
وهي مردتش عليه
وصبا شور الدولاب طلع لروحه تيشرت لابسه بسرعه
ورد قمعز في جنبها
شنو ما تبيش تحكي
ماردتش عليه
مصعب باهي هيا صبي توضي عشان انصلي الفجر وتريحي
ويه ،،
عضت على فمها وطبست راسها لوطه
مصعب بحت فيها زين ركز على وجها وفهم ان سبب ابكاها هو لmc
ضحك بصوت
قصدك متحشمه مني عشان ...وهز راسه وهو مزال مبتسم
ويه ضربته على يدا بلا سماطه
وهو كرها شوره وخدها في حضنه وهذي كانت اول مره ويه تخش فحضن مصعب لان فليلة فرحهم ....
تعالن اعرفن شن صار
...........
فلاش باك💫💫
بابا ،، كان تبي رضايا عليكي وافقي
ويه  قاعده في سريرها مقمعزه ومتغطيه ومتحكيش مع حد
حتى الجامعه تمشي ومتكلمش فحد  ولوله بابا وماما كانت بطلت بكل الحاله لي خشت فيها ويه
كان صعب علينا كلنا انتحملوها
والوحيد لي قال مستعد انتحمل كل حالاتها هو مصعب مش بس لانه ايحبها لا
لا كان راجل مع وليد لعند اخر لحظه فحياته و وراجل و فى بوعده و وصيته صاحبه له 💔
............
بابا نا قلت كلمتي للعرب وانت حره يا توافقي يا تكسري كلمتي وصبا من جنبها وماما ومحمد وسلمى كانو واقفين عند باب الدار
ونا ونجوى وصال كنا فالصاله
وصال كانت ماسكه فيدي
كانت تبي ويه اتوافق لان لي شايفتها قدامها مش ويه لوله لا هذي انسانه مكتئبه ومنعزله  وعايشه في عالم
ابروحه
كان كل لي يشوف ويه اتشقله قلبه ويروف على حالتها
يوسف قدر يهرب من البلاد ويعيش حياته برا ويشتغل بس ويه كانت شبه ميته وهي عايشه
بعد الحادث لي داره وليد
كل العيله خشت في حاله وقدرو ايتجاوزو الامر الا ويه لي خشت في حاله نفسيه صعبه اهملت نفسها ومعش قعدت تاكل عاشت ع التغديه الطبيه
كنت نا وماما تغسلو فيها بالغصب بعد وين وين تابا تخش معانا
راسها معش تحمل المشط من كثر الوجع لي كانت حاسه بيه في فروة راسها وكل جسمها
اطرت سلمى اتقصه لها كيف الصوره
انهارت ماما بعد شافت قصة ويه لشعرها عماتي واعميمه فايزه ياما صار فيها بعد شافتها
دانه معش اتجي  لحوشنا واجد عشان حالة ويه لي شايفتها قدامها
بس الشي الغريب هو ساره
لي كانت اتجينا وتجيب معاها في بنتها ساره بعد حصلت طلاقها تغيرت مش بس معانا
لا حتى مع خوتها واعيال عمها واعميمه نجاة حست بالفرق وحنعرفو كيف حصلت الطلاق وشن صار في اميره
اما ويه حتى
بعد جابت وصال وسمت على وليد
اول ما طلعت من العياده طلعت على حوشنا وجت جايبه البيبي كنا متوقعين بعد اتشوفه نفسيتها اتريح بس للاسف زادت اخرى .
واليوم حاذث وليد له حوالي سنه ونص ومفش اي تطور عند ويه
بعد حوالي عشره ايام من كلام بابا مع ويه
جاء عمي صالح وقمعز مع ويه وحكى معها وقاللها تاكدي ان نحن مستحيل نزعلو منك اذا وافقتي وانتي عارفه ان هذي رغبة وليد انه ايشوفك مرتاحه وعايشه حياتك ومكمله دراستك
كانت ويه تسمع فيه ودموعها على خدها وعمي صالح كل ما يشوف ادموع ويه ايحس ان في من ايحطله في ملح على جرحه لي مستحيل يبرا ولا يكف وجعه
جرح الاب بفقدان الابن
جرح الاب بفقدان السند والاسم
بابا ..
يبي يحكي معها وخليها معه وحدهم بلكي تقتنع
اذن العصر خش محمد على ويه عشان اتجهز ويه
محمد ،، ان شاءالله
ويه ،، بس انتو .....
محمد ،، متقوليش شي توا خشي شوفي الراجل واحكي معه وبعدين ساهل
برم وطلع من الدار وهو متاكد من رد ويه
وكنا كلنا واثقين من رد ويه
وماما كانت من منحرجه من اعميمه فايزه وفنفس الوقت من اجديده ود
مع الخمسه سمعنا صوت الباب
طلعت ماما عشان تفتح
  مصعب وجديده ود وكانو جايين عشان ياخدو الرد وجدي احمد اتصل بي بابا وقاله انهم وصلو
جدي ،، ياحاج
لي نبيك تعرفه وتاكد منه
ان الوالده(ماما مريم) كيف بنتنا ما بالك البنت
ويشهد الله ان الحاجه تعز عليها هي وبناتها
ومنبوش اي شي ايثر على علاقة الحاجه والوالده
واذا وافقت(ويه) بنتنا ونحن شارينها واذا ارفضت هذين اقسام ونحن اهل واحباب كيف قبل
بابا ،، اكيد اكيد ياحاج احمد
ربي يجيب لي فيها الخير وانت اختصرت عليا كلام واجد
................
ماما ،، خشت علينا لاقتنا مع ويه فدارنا
ليش حاطه الشاربه هكي؟!
سلمى،، خليها على راحتها ياماما
وصال ،، حتى هك تهبل وعسل
بحتت فيها ويه لي كان وجها شاحب ومكنهش  خاشه على مقابله نهائي
نا ،، تبيه ايشوف القصه وغمزت لويه
بس هي ماردتش عليا ولا عبرتني
ونا كنت فاهمه ويه انها تبيه ايشوف شن ساير  فيها بعد وليد وتبيه هو لي يرفض
بس لي صار
ويه ،،
دقت على باب المربوعه وخشت
محمد ومصعب بعد شافوها صبو هم الاثنين
مصعب يبحت في ويه ومش امصدق لي شايفه قدامه
نبض قلب زاد على مافيه وصوت انفسه تما عالي لدرجة انه تحرك من مكانه وعدا شورها
محمد ايبحت فيهم
مصعب حاسس انه في حلم وان لي قدامه مستحيل اتكون ويه لي عشقها وحبها وقلب منبضش لغيرها
صبا قدامها وقال
البركه فراسك
ويه ارفعت راسها ومتوقعتش هذي اول كلمه ايقولها  لها
محمد ،، انصدم
مصعب مد يدا لها وهي ارفعت عيونها فيه وبعدين ردت بحتت في يدا لي مزال مادها
محمد وراء مصعب ايبحت فيهم
وحس ان اسخن وجبينه قعد كله عرق
خايف من ويه اتعرق مصعب وماتسلمش لانها طولت وهي اتبحت فيه
بس هي كانت اتبحت وعقلها مش معها (تفكيرها)
ويه فلاش باك 💫💫
وليد ،، تعالي نقمعزو غادي ونفهمك
ويه ،، حول غادي منبيش نسمع منك شي
وليد ،، عشان خاطر اودي
وليدك نا حبيبك نا
فتح باب لدروج
ورقى بيها لثالث درجه وقمعزها عليها وقمعز هو ع الثانيه ومسك ايديها وقعد امقابلها
وليد ،، اوعديني اول شي انك ما تبكيش
ويه ،، يعني عارف روحك انك حتقول شي ايبكي
وليد ،، عارف انك بكايه
ويه ،، صار هكي وطنشت عليه
وليد ،، نعلي نا وعض على فمه
ويه ،، تبحت فيه بنظرات 🥺
وليد ،، اسمعيني وافهمي كل كلمه انقولها ومتقطعيش عليا بكل
ويه ،، مش املاحظ انك  تشرط   عليا واجد
وليد ،، حبيبك وحقاتي
ويه ،، وروحي
وليد ،، طبس على ايديها لي ماسكهن وباسهن هن الاثنين مع بعضهن بوسه طويله .
خلت  قلب ويه يرجف 💓
رفع راسه وبحت فيها بنظره لو ايحطو فوق ويه الحيط والتراب مستحيل تنساها نظره كلها حب نظره فسرة وحكت كل كلام الحب لي ممكن ينقال في سنين
فنظره
وليد ،، تذكري يوم لي دزيت على مصعب فالمانيا وقلت نبيه ابروحه
ويه ،، قرصت عينها وسكتت اشوي بعدين قالت
اها نذكر
وليد ،، نا فاليوم هضك طلبت من مصعب اكثر من طلب
قلب ويه قعد ينبض بالقوه وخافت
وشعور الخوف لي حست بيه مفهمتش شن سببه
ويه ،، عليش تحكيلي عليه
وليد ،، عشان عارفك وفاهمه وعارف تفكيرك وعارف اكويس شن لي ممكن ايسير فيكي ابعدي
ويه ،، اسسس متقولش هك
وليد ضغط على ايديها وقاللها
ويه انتي للازم تعرفي ان كل شي متوقع فالحياه وان لي نا فيه واقع ماهوش حلم ولا ..
ويه ،، عشان خاطري متكملش
وليد ،، عشان خاطري نا خليني نكمل واسمعيني
نا وصيت مصعب على باتي وامي وعليكي
ويه صبت من مكانها وكرت ايديها بالقوه
متقولش وصيت متقولش وصيت انت كنك انت تبي تكلمني ولا تبيني انموت من كلامك
وليد لي كان امقمعز ويبحت فيها وهي تحكي
صبا من مكانه ورقى كم درجه وراها وقعد على نفس مستواها قرب منها وحط ايديه فوق اكتوفها
حبيبي اسمعيني
نا لوعشت مستحيل انفرط فيكي
بس لو
ويه مفش لو
وهزت اكتوفها تبي اتحول ايديه لي كان ضاغط عليها بيهن
بس مقدرتش
وليد ،، الاعمار فيد لله
ويه ،، وانت قلتها
فيد لله بلكي نا نموت قبلك
وليد ،، بعيد السوء عليكي
ويه ،، وانت انت مش العيد السوء عليك يعني ؟
وليد حس بالدنيا اتلف بيه وان نفس يبي ينقطع
سكت ومعش تكلم
حط يدا على صدرا ومسك فالتربزين لي فجنبه وطبس راسه لوطه
ويه حست انه مش طبيعي
وليد وليد حبيبي كنك
بس هو معش رد عليها وقعد ايدور فالنفس
ويه انزلت وقربت منه
ساعدته انه ايقمعز وفتحت اول بطمتين فالقميص ابتاعه ارفعتله راسه فوق وهي ماسكه وجه ويديها على خدوده كان داير لحيه وراسمها سوده كان شكله ايجنن .