حبيبه

حبيبه 🦋ايه وليد وفرحة عمره

#البارت الخامس

لا يؤخر الله عنك الفرحه إلا ليجعلها ،مُبهره بشكل متكامل فثق بتدبيره فقط 🧡

سلمى،، صبن وانتن ديما مرقدات عيت عمي صالح رنو على ماما تو قالو جايين .
نا ،، نعلي نا باهي والبنات

سلمى،، غير نوضي هيا جايين كلهم وبحتت في ايه

ايه،، هيا تو نصبي ندير كيكه ونعجن بيتزا

نا ،،لا البيتزا خليها شوري البنات ايحبنها مني وتو اندير امعاها بوريك ع السريع
صبينا كلنا كل وحده اتدير في حاجه وسلمى كانت بارمه ع الحوش وامسيقه الجنان

ماما..يابنات وين رحتن وخشت علينا فالمطبخ
ماما ..رنن على اختكن خلنها اتجي صوتها فالصبح ما عجبنيش وقالت عندي عياده راني مشغوله عليها وقلبي مش امريحني

سلمى،، عليش الخوف ياماما صحتها اكويسه وحتى الدكتوره لي اتابع عندها هي لي ندرب عندها فالمستشفى وشكرتها لي
ايه ،، اتصلت بيها متردش
نا ،، عاودي اخرى
رنت ايه على يوسف زوج ايمان ورد عليها
ايه ،،الو ايو يا يوسف كيف حالك نرن على ايمان متردش وماما مشغوله عليها

ماما ،، شن قالك يوسف يا ويه
ايه ،، قال خشت ع الدكتوره بعد اتكمل تو ايجيبها هنا
ماما ،، باهي الله يربحه.

الباب دق مشيت فتحت وكانو عيت عمي صالح جايبهم وليد و معاهم اعميمه نجاة واعميمه فاطمه والبنات كلهن
نا افرحت بعد شفتهن كلهن لنا اسبوعين متلاقينش من فرح ساره
اطلعت ماما اتسلم عليهن وترحب بيهن بس استغربت عليش وليد قالي راجي متخشيش ومد للبنات الحلو والعصير لي جايبه وباقة الورد
وليد ،، قولي لأختك تجهز روحه بالكثير نص ساعه وانجي انشوفها
نا ،، هههههههههه اطربقت ضحك و وليد ايبحت فيا ومش عارف عليش نضحك
سكتت وقتله عليك المستعجل كلا انت
وليد ،، هرمنا والله ماعاد فيها
نا ،، كيف صار خطبه مفاجأه
وليد ،، تعبتني اختك وهي ديما خايفه قلت معش فيها

اعميمه نجاة خشت هي الأولى وخدت ايه وخششتها لدارنا وقالتلها انهم جايين يخطبو فيها لوليد غير لبستك ومتطلعيش بدبش الحوش وباست ايه وطلعت.

اعميمه نجاة اتحبنا كيف بناتها وديما هي لي اتدافع علينا قدام بابا ومراته

خشيت على ويه فالدار ولقيت امعاها البنات وفاتحه الدولاب مش عارفه شن تلبس
نا ،، كنها هذي
وصال ،، مش عارفه شن تلبس
نا ،، عليك حاله غابيين غير فيكي عماتك كلهن لي برا سقدي روحك وراء وليد قالي نص ساعه ونجي نحكي معاها
ويه قمعزت ع السرير وتمت تبكي
البنات انصدمن ومعرفنش كنها ايمان حضنت ويه وتمت تهدي فيها
ايه ،، نا كنت خايفه انه يكون ازعل مني ......
نا ،، فهمت ايه كنها وجيت عندها وقلتلها صبي اغسلي وجهك وتعالي تو تلقيني مجهزتلك ادبشك