حبيبه

#البارت السادس عشر

معتز ،، مكانش يبي يطلع قبل ما يكمل عليه بس صافي ماسيبش وخدها وطلع بيه
اول ما وصلو للطريق الرئيسيه قال وقف
صافي ،، شن فيه
معتز ،، انزل وعطيني السياره
صافي ،، لا مستحيل انسيبك قولي وين تبي ونا نشيلك
معتز ،، خبط ع الطبلون لي قدامه بالقوه وقال فوتني توا
صافي ،، تم لي تبيه، بس اوعدني متقفلش تليفونك
معتز ،، اوكي انا لي نازل
صافي ،، ياراء اقعد تو ننزل
معتز ،، اليوم متدورنيش

معتز مكانش عارف وين يمشي شن ايدير كان حاسس بنار والعه فيه ، متوقعش فيوم انها ممكن اتخونه
ليش يا اميره ليش انا لي كنت واثق فيكي ليش 💔
اه اه اه اه اه
معتز ،، ياربي دلني لصواب ياربي كون امعاي ورشدني للي فيه الخير ، ونزل قمعز ع البحر رغم أن الدنيا كانت صقع ومطر

لن يٓشعر أحد بٓحجم معاناتگ ، أنها
تجربتك أنت ، ستخوضها للنهاية وحدگ ~//💔

اميره ،، كان اعياطها مالي المكان ، مفتاح خوها ماقصرش فيها
احلام ،، شن ذنبنا نحن يضرب فينا معها اميره طول عمرها امتعبتكم وعمرها ما سمعت كلامكم

مفتاح ،، صكري فمك يا 🚫 خير ما نقتلك امعاها
وكان يضرب في اميره و خواتها والله ماعاد في طلعه ولا خشه تي خليتن روسنا فالتراب يانعن ب🚫 لكن موتكن علي يدي
بات اميره معش تحمل وطاح من طوله ، امها يانعلي شن صارله باتك يامفتاح يانعلي قتلتوه
مفتاح ، باتي رد عليا يا باتي
رفع مفتاح باته وطلع بيه للمستشفى اول ما وصل دخلو العنايه بعد وقت رد طلع ، د . على مفتاح
مفتاح ،، طمني يا دكتور
د ، الحاج متعرض لجلطه على دماغ انت ادعيله والباقي على الله
مفتاح ،، لا اله الا الله ، يارب كون معاه وقويني ع الهم لي جاني .

مفتاح ، والله نقتلك ونشرب من دمك يا🚫
وعدا عشان ايجيب افلوس ويقعد مع باته
ام اميره، ،، نعلي شن درتي فينا ، ياكشفتي السوده ياريتك متي ولا واطيتي رواسنا بين العرب ، يا ريتني ما جبتك وصبت وتمت تضرب فيها
اميره ،، كان طايحه على الأرض مش قادره اتحرك من كثر الضرب

مفتاح ،، والله ايصير في باتي شي نقتلك عارفه شن نقتلك ورد يضرب فيها
نسرين حول من عليها راهي تنزف ، وخر مفتاح وهو حاس انه مازال مافش غله فيها ، ان شاءالله اتموت مش شاغلتني الكليه و 💦 عليها طلع وعدا لباته لي كان فالمستشفى ،
محمد خ، ، تلاقى هو مفتاح عند باب العنايه شبهه عليه بس مذكرش ومفتاح نزل رأسها لم شاف محمد
محمد ،، ان شاءالله لابأس
مفتاح ،، كان يعرف محمد وباقي الشباب لانهم انتلاقو فالمناسبات عند اعميمه نجاة ،
مفتاح ،، وجهه اسود من عملة اخته ، ما تشوف باس ان شاءالله غير الوالد اتعب وقاعد فالعنايه
محمد ،، الف سلامه عليه وعدا للعنايه
لقى الدكتور لي فالعنايه يفك فالاجهزه من عليه راجل كبير فالعمر
محمد ،، لا حوله ولا قوة إلا بالله ، ان لله وان اليه راجعون ، شن اسمه الحاج ،
الدكتور ، هضا فلان الفلاني ، والله مش عارف كيف انخبر ابنه لي يراجي برا من اول ما جاء
محمد ،، هيا تو نطلع معاك عليه
طلع الدكتور ومعه محمد على مفتاح ،،
مفتاح ،، ها يا دكتور
د ،، الدوام لله وعدا وسيبه
محمد ،، حضن مفتاح وقاله شد حيلك هضا حال الدنيا
مفتاح ،، وهو دموعه على وجهه ، بارك الله فيك
رن محمد على معتز مردش عليه وبعدين رن على صافي .....