حبيبه

#حبيبه 🦋 20

#البارت العشرون

نا ،، (محفور في ذاكرتي بأبسط تفاصيله)

سلمى ،، الو
صافي ،، يا احلى الو يااجمل الو في حياتي كلها
مش عايش ياناس إلا عشان نسمعها من حبيبتي
سلمى ،، 😍
صافي ،، شن جوك
سلمى ،، بخير تسلم
صافي ،، نعلي نا شكله اليوم يومي انشوفك ونسمع صوتك مش امصدق
سلمى ،، ههههه
صافي ،، دوم الضحكه ماتفارقك
سلمى ،، صافي
صافي ،، اعيون صافي وقلبه
سلمى ،، خلاص عاد
صافي ،، شنو لي خلاص ، ماتبينش انحبك ولله كيف
سلمى ،، على راحتك
صافي ،، راحتي معاكي انتي ، نا اليوم أكثر شخص مرتاح لاني شفتك وتو نحكي معاكي
سلمى ،، جيت عندنا امبدري
صافي ،، اها كنت نبي نوصلك ونطمئن عليكي ، معتز قالي هيا نعدو
سلمى ،، قصدك حتى معتز جاء معاك ، وبحتت فيا ونا كنت نرسم
صافي ،، ههههههه قالي نمشي انامنلك الوضع تماء هو لي خاش طالع لا امن ولا ريح روحه
سلمى ،، نحسابك انت بس لي جيت
صافي ،، شن رايك انجيكي كل يوم
سلمى ،، تبي محمد يقتلني شكلك
صافي ،، بعيد السوء فيا ولا فيكي ياعمري بصوت هادي
سلمى ،،........... بعد سمعته شن قال حسيت قلبي💗 وصوته خيال
صافي ،، حبيبي وينك
سلمى ،، نسمع فيك
صافي ،، ربي يخليكي لي
سلمى ،، ويحفظك ، انت وين قاعد تو
صافي ،، لكي موش لحد ثاني ، في داري ،
سلمى ،، ....
صافي ،، شنو حبيبي ليش ساكته
سلمى ،، محمد قالي انك تعاركت انت و
صافي ،، باهي
سلمى ،، نا نسأل نبي نطمن
صافي ،، على من تطمني
سلمى ،، اكيد عليك انت ، من دون ما تسالني مفروض تعرف (و بكيت سلمى لانه صافي سالها)
صافي ،، حبيبي قصدك تبكي ، اسف والله ما قصدي بس نبيكي تحكي وتنطلقي ، اسسس بلا بكاء عشاني
سومه خلاص حبيبي
سلمى ،، نا علي عمري ما حبيته عشان انخاف عليه
صافي ،، ونا خفتي عليا
سلمى ،، اكيد
صافي ،، نفهم من هك انك اتحبيني
سلمى ،، مش عارفه ، بس لي نعرفه اني متريحه ونا معاك
صافي ،، وين محمد
سلمى ،، استغربت سئواله
في داره قاعد بس عليش
صافي، ،، لا بس نسأل
وطلع ولع سيارته وهو يحكي معها وطلع بيها كان امصكر القزاز
صافي ،، حبيبي خليكي فجنب الفون اشوي ونكلمك
سلمى ،، شن في
صافي ،، اشوي بس
سلمى ،، تمام خود راحتك
بعد حوالي 10 دقايق رن من جديد
سلمى ،، الو
صافي ،، ياعيوني نا قدام الحوش
سلمى ،، باهي
صافي ،، نجك لي قدام حوشكم قاعد ، هيا اطلعي نعطيكي حاجه وخشي
سلمى ،، لا الله يربحك عدي تو ايحقنا محمد
صافي ،، مش متحرك من هنا لعند تطلعي وكان خايفه عليا هيا تعالي دقيقه وحده وخشي
سلمى ،، حي عليا ياصافي والله عمري ما درتها نخاف
صافي ،، ما تخافي من حد ونا حي وفيا نفس ، كلمي بيبا اتصبيلك كان محمد اوعي اتنبهك، وخليني معاكي ع الخط
سلمى باهي اصبر اشوي ، وبحتت فيا ، ودارت كتم عشان مايسمعنش
نا ،، كنك
سلمى ،، صافي برا ، قال يبي يعطيني حاجه وماشي
نا ،، باهي ، تبي تطلعي انتي
سلمى ،، هزت راسه ، نبي
نا ،، سقمي منظرك واطلعي
بحتت في شعرها وبخت عطر ودهنت ايديها بكريم وطلعت ونا صبيت نشوفلها فالجو
حولت الكتم
صافي ،، ها حبيبي وينك
سلمى ،، عند الباب
صافي نزل من السياره وكان واثق من نفسه وأول ما سلمى فتحت الباب خش ومد يدا يسلم عليها
سلمى مدت يدها وكانت امثلجه من الخوف
صافي ،، تؤ تؤ وين الايدين المثلجات وصكر الباب ومشى بيها فالصور وصبو في جهه متواريه عن المدخل
صافي ،، حبيبي ليش امصقعه هكي وحط يدا على وجهه وباليد الاخرى ماسك يد سلمي
سلمى ،، صافي هيا تو ايشوفونا
صافي ،، قتلك معايا والله ما تخافيش من حد
ورفع يدها وباسها عليها ، وسلمي انحرجت ولوجهه تمى حمر
صافي ،، شنو تبي تقعدي ساكته
سلمى ،، نحكي معاك ع الفون ، خلاص عاد
صافي ،، تمام استني اشوي هنا تو انجيكي، وطلع جاب كيس ومدا ل سلمى و😉
وسلمى ،، صكرت الباب وخشت تستر
لعند وصلت الدارنا اركبت فوق سريرها وتمت اتنطر عليه ، ايهبل ايحنن جنتل مش عادي يابيبا راجل بمعنى الكلمه